ROMA 8:26 - Tanou Moonsoi Timugon

²⁶ Suai poyo raginio Ambiluo ri Aki Kapuuno' mangindangan ritakau ondo' malawo pangintapatan. Kalo makapandai takau ati koson makiasi' ri Aki Kapuuno'; kaa' Ambiluo Nano galama' makitaak ri Aki Kapuuno' ra bala takau mabaya' ra ragu ondo' kalo masabit ru ulun.

ROMA 8:26 ပူးပေါင်းရင်းမြစ်များ

AYUP 37:19

Pangila' no ramon atan ondo' musiti' mai paraguon ri Aki Kapuuno'; kolondo' atan-atan ra pangkaraan mai am kolondo' atan-atan maragu mai.

MAZMUR 10:17

Tuhan, iowo' noyo pakiasian ru ulun kolondo' onong; am paikango' noyo guang nilono.

MAZMUR 102:20

Manginduku' Tuhan ra ragana' intor ra intok Nano ra matulai, pulolowon No tana' ti intor ra suruga',

MAZMUR 102:5

Patilansoi aku ayuk koson ra sakot nolonot, am kolondo' patiakan kuno.

MAZMUR 6:3

Pakaasi' no raki', iou Tuhan sabap ra naagui aku; kaligago' aku no sabap ra totopot naagui aku.

MAZMUR 6:9

Ugar kano, akau ulun malaat! Nangining Tuhan no ra tangi' kuno;

MAZMUR 69:3

matikolosor aku ra losok malandom, am kolondo' kinjangan; nalinjob aku ra timug malandom, am kinulun ru timug mamaar poyo mopolosor raki'.

SULABOI 3:56

Paat ra aku makiindangan Rirun, rongogon Mu golok kuno.

JAKARIA 12:10

Mangani' Aku ra papag ri Daut am mamagun ru Jirusalim ra guang ondo' masaga' makaasi' am masaga' makiasi'. Magilong ilo ra ulun ondo' tinobok nilo, am manulaboi riso koson ra ulun ondo' manulaboi ra pinatayan ru anak langkuir. Manulaboi ilo ra malumpus guang, koson ra ulun ondo' natatakan ra anak ungkuyon katuaan.

MATIUS 10:20

Sabap ra ragu ondo' raguon mino sala' ka intor ra guang mino galama', kaa' io no matong intor ra Ambiluo ri Aki Kapuuno', ondo' sabiton ra Ama' min. Io noyo mangindangan ramuyun.

MATIUS 20:22

Indagu i Jisus risilo, “Akau kalo nakapandai ra atan kinitaak mino. Makakau' kau kia manginum ra sangkir kaimbalaan ondo' maaru' inumon Ku?” Taam ilo, “Makakau' akai.”

LUKAS 22:44

Maimbolo' Io tojojo am mapirot Io poyo nakiasi', saboi rasang Nano koson ra raraa' momosok ra tana'.

JUANIS 14:16

Makitaak Aku ri Ama' am mangator Io ramuyun ra Mangingindangan ra bokon, ondo' tumilayun ramuyun.

ROMA 15:1

Itakau ondo' maikang pangintopot, pirot takano pangindangan risilo ondo' malawo pangintapatan, am pai' takau pangkara' ra kaatangan galama' ayuk.

ROMA 7:24

Koson ragitio kaayagan kutu: Ralalom ru guang kuno masaga' aku gumagaya' ra ukum ri Aki Kapuuno', kaa' paliso kuno ra ulun kinuasa' ru tula. Aku noyo koson ra ulun inibatan! Osoi kia makapamayag raki' intor ra inan ti ondo' mangkinibit raki' ra kapatayan? Paringkuanangan ri Aki Kapuuno'; sabap ra ralalom inggalan ri Jisus Kristus mamayag Io raki'.

ROMA 8:15

Sabap ra Ambiluo ondo' pinataak ri Aki Kapuuno' ramuyun, kalo mangulipon am mambaal ramuyun malaa'. Kaa' sotopot no Ambiluo no mampasauk ramuyun ra anak ri Aki Kapuuno', am ralalom indangan ru Ambiluo no, iowon takau mampiau ri Aki Kapuuno', “Ama', i Ama' kuno!”

2 KORINTUS 5:2

Buoi itakau mayan ra tana' ti, manguang takau sabap ra ondom takau mongoi ra ayanan takau giu' ra suruga'.

2 KORINTUS 5:4

Raino manguang takau sabap ra inan inayanan takau ra tana' ti mantipagon ritakau. Sala' ka masaga' takau manatang ra inan takau ra tana' ti, kaa' mompogogot takau toojo ra inan ru suruga' no, maa' raginio ondo' mapuso makulau ra kaayagan mantilayun.

GALATIA 4:6

Sabap ra totopot anak kau ri Aki Kapuuno', ginio ra nanusub Io ra Ambiluo ru Anak Nano, sumoroi ra guang takau, koson mampiau, “Ama', Ama' kuno.”

IPISUS 2:18

Sabap ra binaal ri Kristus am ru Ambiluo ri Aki Kapuuno' ulun ru Jaudi am sala' ka Jaudi niayuk makasamba ri Ama'.

IPISUS 6:18

Pakayo' kuliamos ru saujor ti mabaya' ra pakiasian, koson makiindangan ri Aki Kapuuno'. Kasalok kano pakiasi' maya' ra paningganayan ru Ambiluo ri Aki Kapuuno'. Ilalai', pai' pombolong am kalo langgain pakiasian min. Kasalok kano pakiasi' ri Aki Kapuuno' ra ngaangai' ulun Nano.

IBRANI 4:15

Sabap ra Tingganai Maayo Imam takano sala' ka sangulun ondo' kalo nakaliman ra paliso takau, kaa' sotopot no kininaman Io ralalom ngaangai' baal koson ritakau, kaa' kalo makatula Io.

IBRANI 5:2

Molomoi io ra ulun ondo' kalo kukula' kaintutunan am ondo' palayawon boo ru ulun ra bokon, sabap ra io galama' masuang kalawaan.

JAKUBUS 4:3

Am ra makiasi' kau pana, kolondo' niayuk moowot min, sabap ra malaat kinitaak mino. Katasuan ru guang ayuk ondo' karaan ralalom pakiasian min.