ROMA 8:17 - Tanou Moonsoi Timugon

¹⁷ Sabap ra itakau noyo anak ri Aki Kapuuno', makaapu takau ra barakat Nano ondo' inula' No ra ulun Nano. Mabaya' ri Kristus, makaapu takau poyo ra atan ondo' inula' noyo ri Aki Kapuuno' Riso. Sabap ra amon ru itakau makaaya' maimbolo' koson ri Kristus, makaaya' takau niayuk katulayon koson Riso.

ROMA 8:17 ပူးပေါင်းရင်းမြစ်များ

MATIUS 16:24

I Jisus pana mindagu boo ra maamaya'-maamaya' Nano, “Moonong ulun ondo' masaga' maya' Raki', lilianin no kasagaan nano galama', mansaan io ra salip nano am maya' Raki'.

MATIUS 25:21

‘Moonsoi,’ ragu ru tuan ni, ‘Okou ulipon ra moonsoi ondo' malansanan, sabap ra okou maalap ra intopot ra sanganu, malansan aku niayuk rirun ra masuang. Ayan no simpung raki' ralalom kaansayan.’

LUKAS 12:32

“Pai' kau kalaa', kabalu' pana kalo masuang kau, sabap ra i Ama' min masaga' mangani' ramuyun ra barakat ru pamarintaan Nano.

LUKAS 24:26

Sala' ka kia Mamamayag ondo' sinusub ri Aki Kapuuno' i maaru' maimbolo' galing ra Io kalo poyo katulayon?”

JUANIS 17:24

“Ama', masaga' Aku ilo ondo' pinataak Muli Raki', mabaya' Raki' ra ati ayuk intok Kuno. Maa' raginio makatutun ilo ra Okou mampatulai Raki', sabap ra motogom Kou no Raki' ra tana' ti kalo poyo biningkal.

RINALATAN 14:22

Nampaikang ilo ra ulun-ulun nangintopot am nangkimait risilo koson marayus mangintopot ri Jisus. “Masuang kapaganan matuum takau galing maa' raginio makaili' takau Pamarintaan ri Aki Kapuuno',” nangilaan nilo.

RINALATAN 20:32

Raino, pataakin takamin ri Aki Kapuuno' am ra pambalaan ru asi' Nano ondo' makapagalung ramuyun. Io ti mokoondo' ra kuasa' mampaikang ramuyun am niayuk mangani' poyo ra barakat ondo' pinongo Nano ra ngaangai' ulun ondo' mangintopot Riso.

RINALATAN 26:18

koson mangukab ra guang nilo. Ginio ra makaingkual ilo boo intor ra kalandaman am mokoongoi ra matawang; koson makalabus ilo boo intor ra kuasa' ru Tingganai ru riwato no am makasaguli' ri Aki Kapuuno'. Ra koson raginio, mansail ra pangintapatan nilo Raki', tula nilono ampunon am masauk ilo ra ulun pinili' ri Aki Kapuuno'.’ ”

ROMA 5:17

Motopot, mansail ra tula ru sangulun i, ngaangai' ulun minatoi sabap ra sangulun i, kaa' mulu' poyo sonor ru binaal ru sangulun ra bokon, Io no i Jisus Kristus. Mansail Riso noyo boo, ngaangai' ondo' mangapu ra barakat ri Aki Kapuuno' ondo' kalo mauntob am ra taak Nano, ilo mobonsoi saguli' Riso am maayag am mamarinta ilo sabap ri Kristus.

ROMA 8:3

Atan ondo' kalo nabaal ru Ukum ri Musa sabap ra paliso ru ulun no ondo' malawo, binaal noyo ri Aki Kapuuno'. Koson mamuso ra kuasa' ru tula ralalom paliso ru ulun, nangator i Aki Kapuuno' ra Anak Nano galama'. Minayag Io koson ra ulun, ioginio baal ru ulun ondo' makatula am intor raginio kinala No kuasa' ru tula.

1 KORINTUS 2:9

Kaa' koson tinulisan ra Buuk Kitab, “Atan ondo' kalo igondo' kakito am korongog ru ulun, ondo' kalo igondo' karaa' ru ulun ra mabaal, ginio inatang ri Aki Kapuuno' ra ulun ondo' motogom Riso.”

2 KORINTUS 1:5

Masuang kaimbalaan nailian mai sabap ra maya' akai ri Kristus, kaa' masuang poyo kaindangan naapu mai sabap Riso.

2 KORINTUS 1:7

Kalo igondo' akai kaimamang malansan ramuyun; sabap ra nakapandai akai ra kabalu' pana akau maimbolo' pakaaya' ramon, makaapu kau niayuk ra kaindanganan koson ramon.

GALATIA 3:29

Kaa' amon ru longgom kau noyo ri Kristus, papag kau ri Abragam, am niayuk makaapu kau ra atan ondo' binantu' ri Aki Kapuuno'.

GALATIA 4:7

Intor raginio, akau sala' ka boo ulipon, kaa' anak. Sabap ra akau ti noyo anak Nano, aniin kau ri Aki Kapuuno' ra ngaangai' ondo' pinongo Nano ra anak Nano.

IPISUS 3:6

Gitio io ti: Sabap ra Tanou Moonsoi no, ulun sala' ka Jaudi pana mokoowot ra barakat ri Aki Kapuuno' mabaya' ra ulun ru Jaudi. Ilo karuo ti masauk koson ra rondo' inan, koson ulun sala' ka Jaudi pana mokoowot ondo' binantu' ri Aki Kapuuno' mansail ra pasimpungan nilo ri Jisus Kristus.

PILIPI 1:29

Sabap ra akau inanian ra kaluagan manguma' ra kaimbalaan sabap ri Kristus am sala' ka mangintopot ayuk Riso.

PILIPI 3:10

Am raino rorondo' ayuk gogoton kutu, ioginio maayag mintutun ri Kristus am makaliman ra kuasa' ondo' namayag Riso intor ra kapatayan, am masaga' poyo imboloon am potoyon koson Riso.

KOLOSI 1:24

Raino maringkuanang aku ra kaimbalaan ondo' nasauk raki' am sabap ragitio noyo mangindangan ramuyun. Sabap ra mangukop ra kaimbalaan ri Kristus ondo' ginio kaatangan ru pasimpungan ulun Kristian ondo' karaan koson ra inan Nano.

TITUS 3:7

Bagu, intor ra kataawan Nano mobonsoi takau saguli' ri Aki Kapuuno' am poyo mokoowot takau ra kaayagan mantilayun ondo' lansanin takau raino.

IBRANI 1:14

Sabap ra sotopot no malaikat-malaikat no mangngandoi ri Aki Kapuuno' am ilo sinusub No mangindangan ra ulun ondo' makaapu ra pamayagan.

IBRANI 1:2

Kaa' paat ra pupupus ti, posoboyon No bala' Nano ondo' pinabala' galing ra Anak Nano. Nansail ra Anak Nati noyo limbowon am tana' ti biningkal No am Anak Nano tatangan ra ngaangai' no.

IBRANI 6:17

Sabap ra maayo guang ri Aki Kapuuno' mampainono' ra ulun bantuin Nano ra kalo kulawon No bantu' Nano, rinuangan No bantu' i ra nagibot Io ra atan ondo' baalon Nano totopot masauk.

JAKUBUS 2:5

Pabukat kau ngai' ondo' tagamin ku, karaa' min gitio! Ulun musikin giti ra tana' ti, pinili' noyo ri Aki Kapuuno' sumauk ra langkaya' ru pangintapatan. Makaliman ilo ra pamarintaan ri Aki Kapuuno', sumugut ra atan ondo' binantu' Nali ra ulun ondo' motogom Riso.

1 PITRUS 1:4

Ginio noyo puun ru barakat maayo ondo' pinatampos kalalair ritakau giu' ra suruga'. Am taak ragitio kalo maalap kalunsai, kapuso kapoam kairu'.

1 PITRUS 4:13

Kaa' sotopot no, pakaansuk kano sabap ra makaaya' kau kaimbolo' mogondo' ri Kristus. Koson raginio mulu' poyo kinaansuk min paat ra kuasa' ri Kristus paintalangon.

PINAINTALANG 21:7

Osoi ayuk mangala ra kalaatan gitio saukon Ku riso: Masauk Aku ri Aki Kapuuno' nano am masauk io ra anak Kuno.

PINAINTALANG 3:21

“Osoi ayuk mangala ra kuasa' ru kalaatan, panturungon Ku io ra sapapa' Ku ra takhta Kuno. Gitio mogondo' ra Aku nangala ra kuasa' ru kalaatan am raino pinaturung Aku ra sapapa' ru Ama' Kuno ra takhta Nano.