ROMA 8:16 - Tanou Moonsoi Timugon

¹⁶ Intor raginio Ambiluo ri Aki Kapuuno' mabaya' ra guang takau mindagu ra itakau noyo anak ri Aki Kapuuno'.

ROMA 8:16 ပူးပေါင်းရင်းမြစ်များ

GOSIA 1:10

Ulun ru Israil masauk ra masuang koson ra kinasuang ru agis giu' ra raat, kalo maalap kauntob kapoam tukuon. Raino mindagu i Aki Kapuuno' risilo, “Akau sala' ka ulun Kuno, kaa' masaboi paat no ra mindagu Io risilo, “Aku noyo i Aki Kapuuno' ondo' naayag am akau noyo anak-anak Kuno.”

MATIUS 5:9

Pakaansuk noyo ulun ondo' magibit ra kaansayan ra tatanga' ru ulun, sabap ra piawon ilo ra anak ri Aki Kapuuno'.

LUKAS 20:36

Ilo ti koson boo ra malaikat; kalo boo matoi ilo. Masauk ilo ra anak ri Aki Kapuuno' sabap ra binayag ilo intor ra kapatayan.

JUANIS 1:12

Kaa' osoi ayuk mangapu Riso, ioginio mangintopot Riso, pasaukon No ilo ra anak ri Aki Kapuuno'.

RINALATAN 5:32

Akai no sasi' ra ngaangai' raginio – akai am Ambiluo ri Aki Kapuuno' niayuk, ondo' pataakon ri Aki Kapuuno' ra ulun ondo' gumagaya' Riso.”

ROMA 8:14

Ngaangai' ulun ondo' tingganayon ru Ambiluo ri Aki Kapuuno', ilo no anak ri Aki Kapuuno'.

ROMA 8:19

Ra ngaangai' ondo' pinasauk ri Aki Kapuuno' maginaa ra guang moondom paat ri Aki Kapuuno' mampatalang osoi anak Nano.

ROMA 8:23

Kaa' sala' ka tana' am ngaangai' suang nano ayuk ondo' maguros, kaa' itakau pana. Itakau ondo' inanian noyo ra Ambiluo ri Aki Kapuuno' koson taak Nano ra kasaa', maguros ralalom ru guang liliwa' mangkuliman ra i Aki Kapuuno' mampalabus am mampasauk ritakau ra anak Nano.

ROMA 8:26

Suai poyo raginio Ambiluo ri Aki Kapuuno' mangindangan ritakau ondo' malawo pangintapatan. Kalo makapandai takau ati koson makiasi' ri Aki Kapuuno'; kaa' Ambiluo Nano galama' makitaak ri Aki Kapuuno' ra bala takau mabaya' ra ragu ondo' kalo masabit ru ulun.

ROMA 9:26

Giu' ra intok ondo' inindaguan ri Aki Kapuuno' risilo ‘Akau sala' ka ulun Kuno,’ giu' no niayuk sabiton ilo ra anak ri Aki Kapuuno' ondo' maayag.”

ROMA 9:8

Arati' no, sala' ka ngaangai' papag ri Abragam no sabiton anak ri Aki Kapuuno', kaa' ilo ayuk ondo' inanak maya' ra bantu' Nali.

2 KORINTUS 1:12

Maringkuanang akai toojo sabap ra bolos ru guang mai maminson ramon ra kiralan ru kaayagan mai ra tana' ti, mulu' poyo pabukatan mai ti ramuyun, masalok mabanis am matanda'. Ginio mabaal mai ralalom ru kuasa' ri Aki Kapuuno' am asi' Nano galama', am sala' ka mansail ra kapintaran ru ulun.

2 KORINTUS 1:22

Koson ragitio noyo itakau tinatanduan ri Aki Kapuuno' ra Io tatangan; pinataak No Ambiluo Nano ra guang takau koson mapakalansan ra mangani' Io ritakau ra ngaangai' ondo' binantu' Nali.

2 KORINTUS 5:5

I Aki Kapuuno' noyo ondo' mampasauk raginio ritakau. Am Io galama' nangani' ra Ambiluo Nano ritakau koson mapakalansan ra mangani' Io ra ngaangai' ondo' binantu' Nali.

2 KORINTUS 6:18

Masauk Aku ra ama' min, am akau masauk ra anak ungkuyon am anak ruandu' Kuno. Ginio noyo ragu ru Tuhan Maayo Kaga' Kuasa'.”

GALATIA 3:26

Sabap ra mangintopot kau ri Kristus Jisus, nasauk kau ngaangai' ra anak ri Aki Kapuuno'.

GALATIA 4:6

Sabap ra totopot anak kau ri Aki Kapuuno', ginio ra nanusub Io ra Ambiluo ru Anak Nano, sumoroi ra guang takau, koson mampiau, “Ama', Ama' kuno.”

IPISUS 1:13

Akau niayuk nasauk noyo ra ulun ri Aki Kapuuno' paat ra akau nokorongog ra tanou ondo' motopot no, ioginio Tanou Moonsoi ondo' nagibit ra pamayagan. Nangintopot kau Riso am tinatanduan kano ri Aki Kapuuno' ra inanian kau ra Ambiluo Nano ondo' binantu' no.

IPISUS 4:30

Pai' noyo pangiluko' Ambiluo ri Aki Kapuuno' no, sabap ra Io sumoroi ramuyun noyo tinatanduan kau ri Aki Kapuuno' ra akau ti Io no tatangan. Ambiluo raginio noyo ondo' mapakalansan ramuyun ra matong niayuk orou pampalabusan ramuyun ri Aki Kapuuno'.

SAGULION 14:1

“Akau noyo ulun ru Tuhan i Aki Kapuuno' min. Ginio ra paat akau mangulir ra ulun ondo' minatoi noyo, pai' pilato' inan kapoam sukuro' abuk ra tampilon ra saang ru ulu min, koson ondo' baalon ru bansa' ra bokon.

1 JUANIS 3:1

Ilai'! Mumpara' piboo gayo ru togom ri Ama' saboi piawon takau ra anak ri Aki Kapuuno'. Am sotopot no, itakau ti anak ri Aki Kapuuno'. Ginio sabap ra ulun ru tana' ti kalo makaulig ritakau, sabap ra kalo makaulig ilo ri Aki Kapuuno'.

1 JUANIS 3:10

Gitio ra kalo nogondo' anak ri Aki Kapuuno' am anak ru Tingganai ru riwato. Osoi kalo mambaal ra motopot, kapoam kalo motogom ra pabukat-pabukat nano, io ti sala' ka anak ri Aki Kapuuno'.

1 JUANIS 3:2

Pabukat kau ngaangai' ondo' tagamin ku! Itakau raino ti anak ri Aki Kapuuno'. Kaa' kalo poyo natutunan toojo atan masauk ritakau ra tauli no. Kaa' nakapandai takau, paat i Jisus Kristus matong saguli', masauk takau koson Riso, sabap ra itakau makakito ra baal ru inan Nano toojo.

1 JUANIS 4:13

Nakapandai takau noyo ra maayag takau sumimpung ri Aki Kapuuno' am maayag Io sumimpung ritakau, sabap ra nangani' Io noyo ritakau ra Ambiluo Nano.

1 JUANIS 5:10

Ginio ra osoi ayuk mangintopot ra Anak ri Aki Kapuuno', nakaapu io noyo ra kaintutunan ragitio ralalom ru guang nano. Kaa' osoi ayuk kalo mangintopot ri Aki Kapuuno', manguu' io ri Aki Kapuuno' magabau, sabap ra kalo nangintopot io ra atan ondo' rinagu ri Aki Kapuuno' intor ra Anak Nano, i Jisus Kristus.

PINAINTALANG 21:7

Osoi ayuk mangala ra kalaatan gitio saukon Ku riso: Masauk Aku ri Aki Kapuuno' nano am masauk io ra anak Kuno.