ROMA 8:15 - Tanou Moonsoi Timugon

¹⁵ Sabap ra Ambiluo ondo' pinataak ri Aki Kapuuno' ramuyun, kalo mangulipon am mambaal ramuyun malaa'. Kaa' sotopot no Ambiluo no mampasauk ramuyun ra anak ri Aki Kapuuno', am ralalom indangan ru Ambiluo no, iowon takau mampiau ri Aki Kapuuno', “Ama', i Ama' kuno!”

ROMA 8:15 ပူးပေါင်းရင်းမြစ်များ

2 TIMOTIUS 1:7

Sabap ra pai' ru Ambiluo ri Aki Kapuuno' magibit ra guang takau malaa', kaa' sotopot no mangani' io ritakau ra kaikangan, togom am kinataan ru guang.

1 KORINTUS 2:12

Itakau kalo nokoowot ra kapintaran ru tana' ti, kaa' ondo' ayuk noowot takau, io no Ambiluo ri Aki Kapuuno'. Maa' raginio makarati' takau ra ngaangai' ondo' pataakon ritakau ri Aki Kapuuno'.

ROMA 8:16

Intor raginio Ambiluo ri Aki Kapuuno' mabaya' ra guang takau mindagu ra itakau noyo anak ri Aki Kapuuno'.

IBRANI 2:15

Mansail raginio noyo mampalabus Io ra ulun ondo' moonong orou malaa' ra matoi.

IPISUS 1:5

Sabap ra togom Nano, inaru' noyo ri Aki Kapuuno' ra ralalom ri Jisus Kristus itakau saukon ra anak-anak Nano. Gitio noyo sotopot no kasagaan Nali.

1 JUANIS 4:18

Ulun ondo' nakaliman ra togom ri Aki Kapuuno' kalo malaa'. Sabap ra togom ra tumilayun no mamuso ra ngaangai' pangkaraan ra malaa'. Intor raginio, osoi ayuk malaa' no, kalo poyo nakaliman ra togom ri Aki Kapuuno' tumilayun riso, am ulun raginio malaa' ra pangukuman no.

MARKUS 14:36

Indagu Io, “Ama', O Ama'! Kolondo' rondo' pana ondo' kalo mabaal Muno. Painggaluro' noyo sangkir kaimbalaan ti intor Raki', kaa' pai' noyo gagayaa' kasagaan Kutu, kaa' kasagaan Muno ayuk.”

JIRIMIA 3:19

Indagu Tuhan, “Israil, moogot Aku mangapu rirun koson ra anak Kuno, am mangani' rirun ra pagun ondo' makabansuk ra guang, pagun ondo' moonsoi kaga' ra titikop ru tana'. Moogot Aku rirun mampiau Raki' ‘Ama' kuno’, am kalo noyo boo tumalikur intor Raki'.

JISAYA 56:5

inggalan muno pana karaan ra ralalom ru Baloi Kuno am ginio ngai' ru bansa' Kuno. Ginio moonsoi poyo ka makaanak ra ungkuyon am ruandu'. Inggalanin Takamin ra mantilayun ondo' kalo lilianin.”

ROMA 8:23

Kaa' sala' ka tana' am ngaangai' suang nano ayuk ondo' maguros, kaa' itakau pana. Itakau ondo' inanian noyo ra Ambiluo ri Aki Kapuuno' koson taak Nano ra kasaa', maguros ralalom ru guang liliwa' mangkuliman ra i Aki Kapuuno' mampalabus am mampasauk ritakau ra anak Nano.

LUKAS 11:2

Indagu i Jisus risilo, “Pakiasi' kano ri Aki Kapuuno' koson ragitio, ‘Ama', omporon inggalan Muno. Gama' ru Okou mamarinta giti ra tana' ti.

JUANIS 20:17

Kaa' indagu i Jisus riso, “Pai' Aku guuto'! Sabap ra kalo poyo nokoongoi Aku ri Ama'. Kaa' ongoi no ra maamaya' Kuno am balai' ilo ra raino sumaguli' Aku ri Ama' Kuno am i Ama' min, ioginio i Aki Kapuuno' Kuno am i Aki Kapuuno' min.”

LUKAS 22:42

“Ama', amon ru masaga' Kou, painggaluro' noyo sangkir kaimbalaan ti intor Raki'. Kaa' sala' ka sumugut ra kasagaan Kuno, kaa' kasagaan Muno ayuk saukon.”

JUANIS 16:8

Paat ra Io matong, mampainono' Io ra ulun ru tana' ti atan sotopot no tula, osoi motopot am atan sotopot no ukum ri Aki Kapuuno'.

KAINGKUALAN 20:19

Konilo ri Musa, “Amon ru mindagu kou ramon, iningon mai. Kaa' amon ru mindagu i Aki Kapuuno' ramon, matoi akai.”

RINALATAN 16:29

Pakitaak boo tingganai i ra lampung, pasimbul io ra ralalom ru pangaputan am nonontol io pakakubu ra saang ri Paulus am i Silas.

RINALATAN 2:37

Pakaining ulun-ulun no ra ragu ri Pitrus ni, napasilak guang nilai. Pangkuot ilo boo ri Pitrus am rasul ra bokon no, “Pabukat kau, raino atan kia maaru' baalon mai?”

LUKAS 8:37

Ngaangai' mamagun ru Girasa no nakitaak ri Jisus koson mangiruan ra intok raginio sabap ra nalaa' ilo kaga'. Ginio ra sakoi i Jisus ra parau am uli' Io no.

LUKAS 8:28

Pakakito io ri Jisus golok io, am igulatur io ra saang Nano am indagu ra mosongou, “Jisus, Anak ri Aki Kapuuno' Ondo' Masawat Kaga'! Atan kitaakon Muno raki'? Pai' aku imboloo'!”

UNTABAN 17:12

Indagu boo ulun ru Israil ri Musa, “Amon ru koson raginio, matoi akai! Maluus akai!

JAKUBUS 2:19

Mangintopot kou no alia ra rondo' ayuk i Aki Kapuuno'. Motopot! Riwato-riwato pana mangintopot ragitio am malaa' ilo Riso, suku' ra monontol.

ROMA 8:26

Suai poyo raginio Ambiluo ri Aki Kapuuno' mangindangan ritakau ondo' malawo pangintapatan. Kalo makapandai takau ati koson makiasi' ri Aki Kapuuno'; kaa' Ambiluo Nano galama' makitaak ri Aki Kapuuno' ra bala takau mabaya' ra ragu ondo' kalo masabit ru ulun.

ROMA 9:4

Ilo no ulun ru Israil ondo' pinili' ri Aki Kapuuno'. Piniau ilo noyo ri Aki Kapuuno' ra anak Nano galama', am pinakito No ilo ra katulayan Nano. Binantuan No ilo am inanian No ilo ra Ukum ri Musa. Tinuluan No ilo ra sambayang ondo' motopot am naapu nilo ondo' binantu' Nali.

2 KORINTUS 11:4

Nailian takamin ra maluoi kau manguma' ra osoi ayuk matong mampabala' ra i Jisus, kaa' kalo mogondo' ra atan ondo' pinatanou maili. Mangapu kau niayuk ra ambiluo am tanou moonsoi ra bokon ondo' sala' ka toojo Ambiluo ri Aki Kapuuno' am Tanou Moonsoi ondo' inapu min noyo intor ramon.

GALATIA 2:4

kabalu' pana ginio gogoton ru ulun migiangku ra Kristian ondo' liminatok ramon. Giminogot ilo pangimumui ra kalabusan ondo' noowot mai intor ri Jisus Kristus. Nangkinam ilo mangulipon poyo saguli' ramon,

GALATIA 5:1

Itakau raino mokoondo' noyo ra kaluagan sabap ra pinalabus takano ri Kristus! Intor raginio, porondon kau ra kaluagan no, am pai' kau kasaga' uliponon poyo saguli'.

MATIUS 25:25

Nalaa' aku, am bunio' ku ruit ti ra ralalom ru tana'. Noo', gitio ruit muli.’