ROMA 8:1 - Tanou Moonsoi Timugon

¹ Intor raginio, raino kalo boo ukumin ri Aki Kapuuno' ilo ondo' siminimpung ri Kristus Jisus.

ROMA 8:1 ပူးပေါင်းရင်းမြစ်များ

2 KORINTUS 5:17

Paat ra sangulun masimpung ri Kristus, masauk io ra ulun baguon; ondo' lairon i napuso, malit boo baguon.

GALATIA 3:13

Kaa' i Kristus nampalabus noyo ritakau intor ra usung ondo' kinibit ru Ukum ri Musa ti, ra Io nokoowot ra usung sabap ra itakau. Mokoondo' tinulisan ra Buuk Kitab ra, “Mapara' piboo usung ru ulun ondo' salipon ra tataun.”

ROMA 5:1

Raino itakau mobonsoi saguli' ri Aki Kapuuno' sabap ra pangintapatan takau Riso am makapabansayan noyo Riso ralalom ru Tuhan takau, i Jisus Kristus.

1 KORINTUS 1:30

Kaa' i Aki Kapuuno' noyo ondo' nampasimpung ramuyun ri Jisus Kristus. Am ralalom ri Kristus, i Aki Kapuuno' nangani' ritakau ra kapintaran Nano. Ralalom inggalan Nano niayuk, pinobonsoi am pinalabus takano ri Aki Kapuuno' masauk ra ulun Nano ondo' mangandoi ayuk Riso.

ROMA 8:34

Osoi kia mokopononsol ritakau? Maaru' kolondo'! I Kristus Jisus noyo ondo' minatoi, binayag saguli' am soroi ra pamiris ri Aki Kapuuno': Io no manaung ritakau.

JUANIS 5:24

“Balain takamin toojo: Osoi ayuk mangkirongog ra ragu Kutu am mangintopot Riso ondo' nanusub Raki', mokoowot ulun no ra kaayagan motopot am mantilayun. Kalo ukumin io, kaa' nakalabus io noyo intor ra kapatayan am nakatalimpuun noyo maayag.

JUANIS 15:4

Rondon kano Raki' am Aku pana rumondon ramuyun. Pango kalo noyo makapangkawa' amon ru kalo soroi ra puun no. Mogondo' niayuk ramuyun, kalo makapangkawa' kau amon ru kalo rumondon Raki'.

PILIPI 3:9

Am ginio sala' ka boo intor ra katapatan kuno galama' koson gumagaya' ra Ukum ri Musa, kaa' intor ra katapatan ri Aki Kapuuno' ondo' pinataak no raki' sabap ra pangintapatan ku ri Kristus.

JISAYA 54:17

Kaa' moonong kinandoi mangayou ondo' tinitip koson gumula' rirun, kalo masauk. Ra am moonong panguwan ralalom pangakiman mampainono' kou ra kalo motopot. Pataakon Ku kamanangan koson tangguang ra ulipon-ulipon Kuno.” Ginio noyo ragu ru Tuhan.

ROMA 8:14

Ngaangai' ulun ondo' tingganayon ru Ambiluo ri Aki Kapuuno', ilo no anak ri Aki Kapuuno'.

1 KORINTUS 15:22

Ginio boo ra itakau ulun mapandai matoi sabap ra nakaaya' takau ra tula ri Adam; am koson niayuk ra itakau ngaangai' ti bayagon saguli' sabap ra nakaaya' takau ri Kristus.

GALATIA 5:16

Gitio noyo kon kutu; Polosoo' ayuk Ambiluo ri Aki Kapuuno' manguasa' ra bayag min, am pai' gagayaa' kalaatan ru guang mino galama'.

ROMA 8:4

I Aki Kapuuno' nambaal raginio koson ra susuban ru Ukum ri Musa no gagayaan takau ondo' maayag maya' ra kuasa' ru Ambiluo ri Aki Kapuuno' am sala' ka paliso ru itakau ulun.

GALATIA 5:25

Amon ru inanian takau ru Ambiluo ri Aki Kapuuno' ra kaayagan bagu; maaru' Io no musiti' manguasa' ra kaayagan takau.

GALATIA 3:28

Raino kalo boo nansasala' ulun ru Jaudi am ulun sala' ka Jaudi, ulipon am sala' ka ulipon, kapoam ungkuyon am ruandu'. Sabap ra rondo' kau ayuk ngai' ralalom ri Kristus Jisus.

JUANIS 14:20

Masuku' orou raginio, bagu no makapandai kau ra masimpung Aku ri Ama', am akau pana masimpung Raki', mogondo' niayuk ra Aku masimpung ramuyun.

ROMA 7:20

Amon ru mambaal aku ra ondo' sala' ka kasagaan kuno, arati' no sala' ka aku ondo' mambaal ra malaat, kaa' tula ondo' manguasa' ra guang kutu mangkinibit raki'.

ROMA 7:17

Ginio ra sotopot no sala' ka aku ondo' mambaal ra malaat, kaa' tula ondo' manguasa' ra guang kuno mangkinibit raki'.

2 KORINTUS 12:2

Makaulig aku ra sangulun Kristian ondo' mopor am apat ngambilor ra nakasail i kinayang io ra suruga', ioginio intok masawat kaga'. (Kalo nakapandai aku ra topot-topot kia nasauk kapoam papaintalangan ayuk – i Aki Kapuuno' ayuk nakapandai.)

ROMA 16:7

Bilin kaansayan ku niayuk ri Andronikus am i Junias, ilo ti ulun ru Jaudi koson raki' ondo' nakaaya' raki' inaput. Mauligan ilo noyo ra rasul-rasul am nakasigulu ilo mangintopot ri Kristus ka aku.

ROMA 16:3

Posoboyon ku poyo bilin kaansayan kuno ri Priskila am i Akwila, ilo ti rangan kuno mangangandoi ri Kristus Jisus.

YEHEZKIEL 18:9

Sumugut io ra susuban Kuno am gumagaya' ra ukum Kuno. Ulun koson raginio moonsoi am maayag.” Ginio noyo ragu ru Tuhan Raja'.

ROMA 5:16

Am taak ri Aki Kapuuno' no maayo kaga' sonor no intor ra sonor ru tula ru sangulun i. Rondo' tula no mangkinibit ra ngaangai' ulun akimin ra, “Makasala”, kaa' kalupus masuang tula binaal ru ulun, mampakito i Aki Kapuuno' ra kataawan Nano am mindagu risilo, “Kalo makasala”.

ROMA 8:2

Sabap ra ukum ru Ambiluo ri Aki Kapuuno' ondo' mangani' ra kaayagan ra pasimpungan takau ri Kristus Jisus, nampalabus noyo raki' intor ra ukum ondo' mangkinibit ra tula am kapatayan.

ROMA 8:9

Kaa' akau no kalo maayag maya' ra paliso ru ulun, kaa' maya' ra Ambiluo ri Aki Kapuuno' – amon ru totopot Ambiluo ri Aki Kapuuno' no maningganai ramuyun. Osoi ayuk kolondo' ra Ambiluo ri Kristus, io no sala' ka i Kristus tatangan.

ROMA 8:11

Amon ru Ambiluo ri Aki Kapuuno' ondo' namayag noyo ri Jisus intor ra kapatayan sumimpung ramuyun, Io ondo' namayag ri Kristus intor ra kapatayan mamayag niayuk ra inan mino ondo' mapatoi. Ginio baalon Nano ralalom ru Ambiluo Nano ondo' sumimpung ramuyun.

GALATIA 3:26

Sabap ra mangintopot kau ri Kristus Jisus, nasauk kau ngaangai' ra anak ri Aki Kapuuno'.

IPISUS 1:1

Aku gitio i Paulus, sangulun rasul ri Jisus Kristus sumugut ra kasagaan ri Aki Kapuuno'. Surat ti posoboyon ku ra ulun ri Aki Kapuuno' ondo' sumugut ri Jisus Kristus giu' ra Ipisus.