ROMA 7:24 - Tanou Moonsoi Timugon

^24-25 Koson ragitio kaayagan kutu: Ralalom ru guang kuno masaga' aku gumagaya' ra ukum ri Aki Kapuuno', kaa' paliso kuno ra ulun kinuasa' ru tula. Aku noyo koson ra ulun inibatan! Osoi kia makapamayag raki' intor ra inan ti ondo' mangkinibit raki' ra kapatayan? Paringkuanangan ri Aki Kapuuno'; sabap ra ralalom inggalan ri Jisus Kristus mamayag Io raki'.

ROMA 7:24 ပူးပေါင်းရင်းမြစ်များ

ROMA 6:6

Mapandayan takano ra kiralan ru kaayagan lair takau pinuso noyo paat ri Kristus pinatoi giu' ra salip, koson kuasa' ru paliso takau ondo' makatula no pusoon. Maa' raginio, kalo boo uliponon takau ru tula.

2 TIMOTIUS 4:18

Mampainggalur niayuk Tuhan raki' ra moonong kalaatan am magibit Io raki' ra pamarintaan Nano ra suruga' mabaya' ra kaansukan. Katulayon Io ayuk suku' ra sabuoi-buoi no! Amin.

TITUS 2:14

Pinataak No painawo Nano, maa' raginio makapamayag Io ritakau am mampainggalur ritakau intor ra nansalinut kalaatan am makapagibit ritakau masauk ra ulun Nano ondo' mirot poyo mambaal ra kandoi moonsoi.

ROMA 8:2

Sabap ra ukum ru Ambiluo ri Aki Kapuuno' ondo' mangani' ra kaayagan ra pasimpungan takau ri Kristus Jisus, nampalabus noyo raki' intor ra ukum ondo' mangkinibit ra tula am kapatayan.

MAZMUR 102:20

Manginduku' Tuhan ra ragana' intor ra intok Nano ra matulai, pulolowon No tana' ti intor ra suruga',

PINAINTALANG 21:4

Mampiir Io ra ngaangai' lomou intor ra mato nilono. Kolondo' boo kapatayan, guang mangiluk, pantangian kapoam karualan pana. Ngaangai' baal ondo' nakalair naliom noyo.”

IBRANI 2:15

Mansail raginio noyo mampalabus Io ra ulun ondo' moonong orou malaa' ra matoi.

ROMA 8:26

Suai poyo raginio Ambiluo ri Aki Kapuuno' mangindangan ritakau ondo' malawo pangintapatan. Kalo makapandai takau ati koson makiasi' ri Aki Kapuuno'; kaa' Ambiluo Nano galama' makitaak ri Aki Kapuuno' ra bala takau mabaya' ra ragu ondo' kalo masabit ru ulun.

ROMA 8:13

Sabap ra, amon ru maayag kau maya' ra paliso ru ulun, maaru' matoi kau. Kaa' amon ru ralalom ru indangan ru Ambiluo ri Aki Kapuuno' langgain min baal ra makatula, maayag kau.

LUKAS 4:18

“Ambiluo ru Tuhan soroi Raki', nanusub Io noyo Raki' mampabala' ra Tanou Moonsoi ra ulun musikin. Pinili' No Aku koson mambala' ra pampalabusan ra ulun rinakop am mamabas ra ulun noolou. Am niayuk mampalabus ra ulun kikinjangin.

MAZMUR 72:12

Raja' mamayag ra ulun musikin ondo' mampiau riso, am niayuk ulun ra inimpayan am ulun makakapaganan.

KOLOSI 2:11

Paat ra akau siminimpung ri Kristus, ginio koson ra kaulayan ru sunat, ioginio tula mino iniru' noyo. Gitio binaal Nano koson mampalabus ramuyun intor ra kinibit ru kuasa' ru tula mino.

MATIUS 5:6

Pakaansuk noyo ulun ondo' maguyum ra kasagaan ri Aki Kapuuno', sabap ra basugon ilo ri Aki Kapuuno'.

MIKA 7:19

Makaasi' Kou poyo ramon. Kikinjangin Mu tula mai am patirin Mu ginio ra lonor ru raat!

MAZMUR 119:20

Moondom kaga' guang kuno koson mampaguang ra panusuban Muno ra moonong bulintok.

MAZMUR 71:11

Mindagu ilo, “Nanatang i Aki Kapuuno' no riso; ilowo' takau am rokopon io, sabap ra kolondo' osoi-osoi pana mamayag riso!”

MAZMUR 6:6

Giu' ra intok ru minatoi kalo boo karaan Kou; kolondo' osoi pana mongompor Rirun giu' ra pagun ru ulun minatoi.

1 RAJA'-RAJA' 8:38

rongogo' noyo pakiasian nilo. Amon ru mokoondo' ra ulun ra gino ngai' ru ulun Muno Israil, ra mangiluk guang mopotoroi ra kalindu' am makiasi' Rirun liliwa' tumingkuang ra Baloi ti,

MATIUS 5:4

Pakaansuk noyo ulun ondo' manulaboi, sabap ra bansukon ilo ri Aki Kapuuno'.

YEHEZKIEL 9:4

“Ongoyo' titikop ru bandar Jirusalim am tatandui' rabas ru ngaangai' ulun ondo' mangiluk guang am mapagon sabap ra binaal ondo' makauyuyu' ondo' binaal giu' ra bandar no.”

MAZMUR 119:176

Tumanggau aku koson ra domba nakalayau; am ratong no paguyum ra ulipon Mutu, sabap ra kalo lilianin ku ukum Muno.

MAZMUR 119:143

Kapaganan am pagalabaan lumumpa' raki', kaa' panusuban Muno mapabansuk raki'.

MAZMUR 119:131

Noondom aku no ra panusuban Muno, maayo guang kuno mompogogot.

MAZMUR 88:5

Koson aku ayuk ra ulun ondo' makauma' ra kapatayan; ngaangai' ru kinaikang kutu natatak boo;

MAZMUR 38:2

Iou Tuhan, pai' aku ukumi' kabalu' pana ra sumangit Kou.

ROMA 8:23

Kaa' sala' ka tana' am ngaangai' suang nano ayuk ondo' maguros, kaa' itakau pana. Itakau ondo' inanian noyo ra Ambiluo ri Aki Kapuuno' koson taak Nano ra kasaa', maguros ralalom ru guang liliwa' mangkuliman ra i Aki Kapuuno' mampalabus am mampasauk ritakau ra anak Nano.