ROMA 7:14 - Tanou Moonsoi Timugon

¹⁴ Makapandai takau noyo ra Ukum ri Musa no intor ra Ambiluo ri Aki Kapuuno', kaa' aku ti ulun ayuk ondo' inulipon ru tula.

ROMA 7:14 ပူးပေါင်းရင်းမြစ်များ

KASAUKAN 37:27

Talano' takau io ra ulun ru Ismail no. Intor raginio kalo majamaran takau io, am poyo io pagaka' takau galama'.” Nangiou pagaka'-pagaka' nano,

KASAUKAN 37:36

Liliwa' raginio, giu' ra pagun ru Misir, talano' i Jusup ru ulun ru Midian no ri Potipar, iono sangulun intor ra pagawai ru raja' ondo' naningganai ra magagalung ru istana raja'.

KASAUKAN 40:15

Sabap, sotopot no aku ti tinakou intor ra pagun ru ulun ru Ibrani, am giti ra pagun ru Misir ti pana, kalo nambaal aku ra atan ayuk pana kalaatan ondo' mangkinibit raki' ra aputon.”

1 RAJA'-RAJA' 21:20

Paat ra Raja' Agab nakatuum ri Ilia, indagu io, “Okou pantula', pupus ti nakasugut kou nakatuum raki'!” Taam i Ilia, “Topot. Binaal muno malaat ra pagilangan ru Tuhan.

1 RAJA'-RAJA' 21:25

Kolondo' osoi pana ondo' igondo' nambaal ra malaat ra pagilangan ru Tuhan nakasail intor ra Raja' Agab – ngaangai' ru kalaatan no binaal sabap ra nasusuk ru andu' nano i Ijibil.

2 RAJA'-RAJA' 17:17

Pinataak nilo anak-anak nilo koson ra taak simbalui ondo' solobon ra dewa-dewa. Minongoi ilo pakiilong ra babalian am mangingilong. Mingkotog ilo toojo mambaal ra atan ondo' malaat ra pagilangan ru Tuhan, am napasingkual ra sangit Nano.

AYUP 42:6

Ginio ra mauyu' aku sabap ra ngaangai' ragu kuno, am ra guang pansagulian manturung aku ra ralalom ru tana' am kaau.”

MAZMUR 119:25

Nakaraluui aku ra kaau; patapulio' noyo bayag kuno sumugut ra bantu' Muno.

MAZMUR 51:6

Natulaan aku Rirun – Okou ayuk, am nambaal aku ra baal-baal ondo' karaan Mu ra malaat. Motopot nangakiman Muno raki'; natimpok noyo ra Okou nangukum raki'.

AMSAL 30:2

Sasambungon aku koson ra bibiag; kolondo' atan-atan karatian.

AMSAL 30:5

Sinugut ri Aki Kapuuno' ngaangai' bantu' Nano. Io koson ra gagampin ru ngaangai' ulun ondo' makiampin Riso.

JISAYA 50:1

Tuhan mindagu ri Israil, “Okou ulun Kuno, indos mu inggalarin Tokou koson ra sangulun ralaki mangali ra andu' nano? Koon poyo raginio, ati surat pangalian nano? Indoson muno tinalan Tokou, koson ra sangulun ama' nantalan ra anak nano ra mansisika' ra utang? Sala'! Okou rinakop am pinatiran, sabap ra tula am kalaatan muno galama'!

JISAYA 52:3

Mindagu Tuhan ra ulun Nano, “Akau tinalan ra kolondo' logo, ragino palabuson kau ra kolondo' niayuk logo.

JISAYA 6:5

Indagu aku boo, “Aibui boo raki'! Kolondo' boo kalansanan kuno, sabap moonong raguon kuno makatula, am nakalatok aku ra ulun koson niayuk raginio. Kabalu' pana raginio, mato am ulu kutu galama' nakakito ra Raja', Tuhan Ondo' Maayo Kaga' Kuasa'!”

IMAMAT 13:12

Amon ru gumaai maruol ru kungkung no intor ra ulu saboi ra kalayam,

IMAMAT 13:16

Kaa' amon ru mapali' kungkung no am mapulak saguli', musiti' ulun no muma' ra imam

IMAMAT 19:18

Pai' balos malikokot ra osoi pana, kapoam mararayus masisang ra ulun. Tagami' noyo ulun ra bokon koson okou mitotogom galama'. Aku noyo Tuhan.

AMOS 2:6

Indagu Tuhan, “Ulun ru Israil ruruli' noyo makatula, sabap raginio maaru' ukumin Ku ilo. Nantalan ilo ra ulun mabanis guang koson ra ulipon; ulun mabanis guang ondo' kalo makabayar ra utang nilo. Koson raginio niayuk ondo' binaal nilo ra ulun musikin ondo' kalo makabayar ra utang, kabalu' pana utang no koson ra logo ru satuop salipar.

MATIUS 16:23

Pangkaili i Jisus am indagu Io boo ri Pitrus, “Pagiru' intor Raki', okou Tingganai ru riwato! Okou mongompong ra ralan Kuno. Pamaguangan muno pamaguangan ru ulun, sala' ka pamaguangan ri Aki Kapuuno'!”

MATIUS 18:25

Kaa' kalo boo mabayaran no saguli'. Ginio ra, raja' ti manusub patalanin no ulipon ti mabaya' ra anak, andu' am niayuk ngaangai' rapu' nano. Ruit ra naalap intor raginio boo papusoon ra ira' ti.

MATIUS 5:22

Kaa' raino ti balain takamin: Osoi ayuk pana sumangit ra pabukat nano, io ti ibiton ra saang ru akim; am osoi ayuk pana magulas ra pabukat nano, io ti ibiton ra Majlis Ugama; am osoi ayuk pana mampiau ra pabukat nano ra ‘malaat’, io ti pasubolon ra naraka.

MATIUS 5:28

Kaa' raino ti balain takamin: Osoi ayuk pana monontong ra ruandu' am makaguang io, ulun raginio liminapau noyo ra ruandu' no ralalom guang nano.

LUKAS 5:8

Kakito ri Simon baal raginio, igulatur io ra saang ri Jisus am indagu, “Iruani' aku, Tuhan! Sabap ra aku ti ulun makatula!”

LUKAS 7:6

Baya' boo i Jisus risilo. Ilo maar makasuku' ra baloi i, susubo' ru tingganai ru saujor no rangan-rangan nano mambala' ri Jisus, “Tuan, kalo pana mantipagon kou mongoi ra baloi kutu. Kalo maaya' aku mangapu Rirun ra baloi kutu.

ROMA 3:9

Koson poyo raginio, ralalom pagilangan ri Aki Kapuuno', akai ulun ru Jaudi moonsoi poyo kia intor ra ulun sala' ka Jaudi? Maaru' kalo! Pinabala' ku noyo ra iou pana ulun ru Jaudi kapoam sala' ka Jaudi, ngaangai' noyo kinuasa' ru tula.

ROMA 6:6

Mapandayan takano ra kiralan ru kaayagan lair takau pinuso noyo paat ri Kristus pinatoi giu' ra salip, koson kuasa' ru paliso takau ondo' makatula no pusoon. Maa' raginio, kalo boo uliponon takau ru tula.

ROMA 7:18

Ginio ra kolondo' moonsoi soroi ra guang kutu, ioginio paliso kuno ra ulun. Sabap ra iou pana masaga' aku mambaal ra moonsoi, kalo makapambaal aku.

GALATIA 4:3

Koson niayuk ritakau ra galing i, buoi itakau kalo poyo nasukor, inulipon takau ru riwato ondo' nanguasa' ra tana' ti.

IPISUS 3:8

Sotopot no, kabalu' pana ra aku ti nakatauli intor ra ngaangai' ulun ri Aki Kapuuno', kaa' inanian aku niayuk ri Aki Kapuuno' ra kandoi mampasaboi ra ulun sala ka Jaudi ra Tanou Moonsoi intor ra kalangkayaan ri Kristus ondo' kalo noyo mauntob.

SAGULION 6:5

Tagami' noyo Tuhan i Aki Kapuuno' min ra sotopot-topot ru guang: Pakitono' noyo togom no ralalom baal ru bayag am baalon mino.

IBRANI 4:12

Bala' ri Aki Kapuuno' makakuasa' am maayag koson Riso. Mogondo' ra ilang ondo' inasa' ruo larom manguntas saboi bungul am utok nano suayon, koson niayuk ra bala' ri Aki Kapuuno' tumunsok ra salibuor am ambiluo saboi mampatalang ra kasagaan am pamaguangan ru ulun.