ROMA 6:7 - Tanou Moonsoi Timugon

⁷ Sabap ra amon ru sasangulun matoi, ulun no malabus intor ra kuasa' ru tula.

ROMA 6:7 ပူးပေါင်းရင်းမြစ်များ

MATIUS 11:19

Paat ra Anak ru Ulun no matong mangakan am manginum; kon boo ru ulun, ‘Ilai' min ulun no! Moroot, gagaukon, am rangan ru mampalulur ra cukai am ulun ondo' karaan ra malaat!’ Kaa' kapintaran ri Aki Kapuuno' makito intor ra kaayagan ru ulun ondo' nangapu ra kapintaran raginio.”

ROMA 6:2

Maaru' kalo! Itakau ondo' kalo boo kuasaan ru tula, sotopot no kalo boo rumayus mambaal ra tula.

ROMA 6:8

Amon ru nagapu takau ra pinatayan ri Kristus, mangintopot takau ra maayag takau masimpung Riso.

ROMA 7:2

Koson panginuuyan ragitio: maya' ra ukum, ruandu' makaralaki no musiti' masimpung ra ralaki nano buoi ra io maayag ayuk. Kaa' amon ru matoi ralaki nano nakalabus ruandu' no intor ra ukum raginio.

ROMA 7:4

Pabukat kau ngaangai', koson niayuk raginio ramuyun. Maya' ra pagilangan Ukum ri Musa koson ra minatoi kau noyo, sabap ra siminimpung kau ra inan ri Kristus. Akau raino i Kristus noyo tatangan, Io ondo' binayag saguli' intor ra kapatayan, maa' raginio kaayagan takau mokoonong ri Aki Kapuuno'.

ROMA 8:1

Intor raginio, raino kalo boo ukumin ri Aki Kapuuno' ilo ondo' siminimpung ri Kristus Jisus.

1 PITRUS 4:1

Sabap ri Kristus naimbolo', akau pana musiti' mangikang noyo ra pamaguangan min am tumilu kau Riso. Sabap ra ulun ondo' naimbolo' noyo, mininggalur io boo ra tula.