ROMA 6:16 - Tanou Moonsoi Timugon

¹⁶ Maaru' mapandayan min amon ru polosoon noyo kaayagan min kuasaan ru sasangulun koson mampagagaya' ra susuban nano, akau noyo ulipon ru ulun no – iou pana ulipon ru tula ondo' magibit ra kapatayan, kapoam ulipon ondo' gumagaya' ra kasagaan ri Aki Kapuuno' ondo' mopobonsoi ramuyun Riso.

ROMA 6:16 ပူးပေါင်းရင်းမြစ်များ

KASAUKAN 4:7

Amon ru nambaal kou ra moonsoi maaru' matakau bulos muno; kaa' nambaal kou ra malaat, ginio boo ra tula muno mamparuku' rirun, kaa' musiti' mu anggalon ginio.”

MATIUS 20:4

Kono risilo, ‘Ongoi kau pangandoi ra umo kuno. Aniin takamin ra gaji' ru kuli'.’

MATIUS 6:24

“Kolondo' sangulun pana ulipon makapangandoi ra ruo tuan: sangulun kasisangin no am sangulun tagamin no; kapoam gumagaya' io ra sangulun am magasab ra bokon no. Koson niayuk ramuyun ra kalo makapangandoi ri Aki Kapuuno' magampan ra kalangkayaan.

JUANIS 8:34

Taam i Jisus, “Balain takamin toojo: Moonong ulun ondo' mambaal ra tula, uliponon io ru tula.

ROMA 11:2

Kalo mangimpai i Aki Kapuuno' ra ulun Nano ondo' pinili' Nano ra talimpuun i. Mapandayan min ondo' tinulisan noyo ra Buuk Kitab paat ri Nabi Ilia nononsol ra ulun ru Israil ri Aki Kapuuno'. Kono,

ROMA 12:1

Pabukat kau ngaangai', sabap ra i Aki Kapuuno' makaasi' ritakau kitaakon takamin tojojo: Patimpoko' noyo kaayagan mino ri Aki Kapuuno' ayuk koson ra rondo' taak ondo' maayag, am ginio noyo mapabansuk Riso. Ginio noyo bayaan ra matanda' sumamba ri Aki Kapuuno'.

ROMA 6:17

Kaa' paringkuanangan ri Aki Kapuuno', sabap ra galing i inulipon kau ru tula, kaa' raino gumagaya' kau toojo ra pangilaan motopot ondo' inapu min.

1 KORINTUS 3:16

Kalo kia nakapandai kau ra akau koson ra baloi ri Aki Kapuuno' am Ambiluo Nano sumimpung ramuyun.

1 KORINTUS 5:6

Kalo moonsoi kau masumbung koson raginio. Nakapandai kano lair ragu ragitio, “Ragi ra sanganu ayuk mampagayo ra ngaangai' ru ruti', ioginio tapung linatakan ra timug am umau.”

1 KORINTUS 6:2

Kalo kia nakapandai kau ra ulun ri Aki Kapuuno' mangakim ra ulun ru tana' ti ra tauli no? Amon ru akau no mangakim ra ulun ru tana' ti, maaru' masalasai min baal ra kalo kula' maatang koson raginio?

1 KORINTUS 6:3

Kalo kia nakapandai kau ra itakau niayuk mangakim ra malaikat-malaikat? Intor raginio, mulu' poyo masalasai min niayuk kapaganan ru kaayagan min ra moonong orou ti.

1 KORINTUS 6:9

Maaru' natutunan min ra ulun malaat kalo masauk ra ulun ri Aki Kapuuno'. Pai' kano iruung; ulun ondo' mansawa', sumamba ra sinungkalalaing, lumapau am ungkuyon homoseksual,

1 KORINTUS 9:13

Nakapandai kano ra ulun ondo' mangandoi ra Baloi Tuhan makaapu ra akanon intor ra pangandayan nano. Mogondo' niayuk ra ulun ondo' mapabandai ra taak simbalui ra altar, makasia' intor ra taak raginio.

1 KORINTUS 9:24

Pabukat kau, maaru' nakapandai kano ra ralalom pagugulaan masimbul, moonong ulun ondo' maya' raginio masimbul, kaa' sangulun ayuk mokoowot ra taak kamanangan. Pasimbul kano koson riso, saboi mokoowot kau ra taak raginio.

JOSUA 24:15

Amon ru kalo masaga' kau mangandoi ayuk Riso, aruo' noyo raino ri osoi akau mangandoi ayuk, ra tuhan-tuhan ra bokon ondo' sinamba ru kinamatuaan min giu' ra Misopotamia, kapoam ra tuhan-tuhan ru ulun ru Amori giu' ra pagun ondo' inayanan min raino. Kaa' ra aku am sasambaloi kuno, masaga' akai mangandoi ayuk ra Tuhan.”

2 PITRUS 2:19

Ulun-ulun migigiangku ra mangingila' no mambantu' ra ulun-ulun no ra ralan kalabusan, kaa' ilo galama' inulipon noyo ru kinibit malaat ondo' mamuso risilo ra tauli no. Sabap ra osoi ayuk kuasaan ru atan ayuk pana kalaatan, ulipon io niayuk ru ginio.