ROMA 6:13 - Tanou Moonsoi Timugon

¹³ Pai' min polosoo' atan ayuk tayar ru inan mino kuasaan ru tula, koson pambabaal ra malaat. Kaa' polosoo' noyo i Aki Kapuuno' manguasa' ra kaayagan mino, koson ra ulun ondo' binayag noyo saguli' intor ra kapatayan am raino maayag. Taaki' noyo ngaangai' kaayagan mino ri Aki Kapuuno' koson pambabaal ra moonsoi.

ROMA 6:13 ပူးပေါင်းရင်းမြစ်များ

2 TUNUNG RU BANSA' ISRAIL 30:8

Pai' bambalingatan koson risilo. Gagaya' no ra Tuhan. Ratong no ra Baloi ru Tuhan giu' ra Jirusalim, ondo' paluntukon ayuk ra Tuhan, i Aki Kapuuno' min koson ra sabubuoi no. Sambayang no Riso maa' raginio Kalo boo sumangit Io ramuyun.

MAZMUR 37:30

Ragu-ragu ru ulun moonsoi no matanda', am ilo galama' pana matimpok.

AMSAL 12:18

Ragu-ragu ra moporos makapilat ra guang koson motobok ru ilang, kaa' ragu ra mapintar koson ra tatapis makapali'.

JISAYA 55:7

Musiti' ulun malaat mapatanda' ra bayag nano, am mangulau ra ralan ru pangkaraan nano. Polosoon io sumaguli' ra Tuhan, maa' raginio makaalap io ra kaasian Nano. Musiti' io tumingkuang ri Aki Kapuuno' takau, sabap ra Tuhan mangampun am mataau.

YEHEZKIEL 18:4

Aku tangan ra painawo ru moonong ulun, painawo ru ama' am poyo painawo ru anak. Osoi ayuk makatula, io noyo ondo' matoi.

DANIL 3:28

Indagu boo raja', “Koompor noyo i Aki Kapuuno' ondo' sambaan ri Sadrak, Misak am i Abidnigo! Nanusub Io ra malaikat koson mamayag ra ulun ondo' mangandoi ayuk am mangintopot Riso. Minanggal ilo ra susuban kuno am baani matoi intor ra migulatur samba ra dewa ra bokon ondo' ak am i Aki Kapuuno' nilo.

LUKAS 15:24

Sabap ra anak kuno koson ra minatoi kaa' naayag io po saguli'; timinanggau io, kaa' raino siminaguli'.’ Bunsag i pana pinatalimpuun.

LUKAS 15:32

Kaa' musiti' takau munsag am pakaansuk, sabap ra boborok muno koson ra minatoi kaa' naayag io po saguli'; timinanggau io, kaa' raino siminaguli'.’ ”

JUANIS 5:24

“Balain takamin toojo: Osoi ayuk mangkirongog ra ragu Kutu am mangintopot Riso ondo' nanusub Raki', mokoowot ulun no ra kaayagan motopot am mantilayun. Kalo ukumin io, kaa' nakalabus io noyo intor ra kapatayan am nakatalimpuun noyo maayag.

ROMA 1:29

Guang nilono napanu' ra kalaatan, mapuka', magingkaut ilo, mampalaat ra rondo' am bokon: mangusolon ilo, makimampatoi, mansasangor, mamparuung, malikokot. Mansunur ilo ra ulun bokon,

ROMA 12:1

Pabukat kau ngaangai', sabap ra i Aki Kapuuno' makaasi' ritakau kitaakon takamin tojojo: Patimpoko' noyo kaayagan mino ri Aki Kapuuno' ayuk koson ra rondo' taak ondo' maayag, am ginio noyo mapabansuk Riso. Ginio noyo bayaan ra matanda' sumamba ri Aki Kapuuno'.

ROMA 6:11

Koson ayuk ragitio pangkaraan min; intor ra kuasa' ru tula akau koson ra ulun minatoi, kaa' maayag kau masimpung noyo ri Aki Kapuuno' ralalom inggalan ri Jisus Kristus.

ROMA 6:16

Maaru' mapandayan min amon ru polosoon noyo kaayagan min kuasaan ru sasangulun koson mampagagaya' ra susuban nano, akau noyo ulipon ru ulun no – iou pana ulipon ru tula ondo' magibit ra kapatayan, kapoam ulipon ondo' gumagaya' ra kasagaan ri Aki Kapuuno' ondo' mopobonsoi ramuyun Riso.

ROMA 6:19

Alapon ku tiluan ru ulipon ti sabap ra mangailo kau mangarati'. Ra galing i pinoloso noyo kaayagan mino galama' sumauk ra ulipon ru baal majamol koson mambaal ra malaat. Koson niayuk raino, polosoo' noyo kaayagan mino galama' sumauk ra ulipon ru kasagaan ri Aki Kapuuno' koson akau galama' patimpokon Riso.

ROMA 7:23

Kaa' matutunan ku ralalom ru guang kuno mokoondo' poyo ukum ondo' mantutula' ra ukum ondo' iowon ru guang kuno. Ginio ra uliponon aku ru ukum ru tula ondo' manguasa' ra inan kuno.

ROMA 7:5

Ra galing i kaayagan takau kinuasa' ru paliso ru ulun, am sabap ra kinibit ru Ukum ri Musa, mansalinut kasagaan makatula miningkual intor ra guang takau. Ginio noyo nangkinibit ritakau ra kapatayan.

1 KORINTUS 6:15

Nakapandai kano ra inan mino koson ra santayaran ru inan ri Kristus. Ginio poyo, moonsoi kia ru alapon santayaran ra inan ri Kristus no am pasimpungo' ra ruandu' mantalan ra inan? Kalo, kalo noyo toojo.

1 KORINTUS 6:20

Mologo toojo pinambabali ri Aki Kapuuno' ramuyun, ioginio i Kristus. Sabap raginio, urumato' noyo i Aki Kapuuno' ra inan mino pana.

1 KORINTUS 6:9

Maaru' natutunan min ra ulun malaat kalo masauk ra ulun ri Aki Kapuuno'. Pai' kano iruung; ulun ondo' mansawa', sumamba ra sinungkalalaing, lumapau am ungkuyon homoseksual,

2 KORINTUS 10:4

Kinandoi mangayou ondo' ibiton mai ra pangayawan, sala' ka intor ra tana' ti, kaa' intor noyo ri Aki Kapuuno' ondo' makakuasa'. Am kinandoi mangayou ti noyo makapamuso ra kinaikang ru pantula'. Mompolonggo' akai ra pantataaman

2 KORINTUS 5:14

Sabap ra togom ri Kristus nanguasa' ramon. Makatutun akai ra amon ru kapatayan ru sangulun koson ra alig ru ngaangai' ulun, arati' ru ginio, koson moonong ulun minatoi nabaya' riso.

2 KORINTUS 5:15

I Kristus minatoi noyo koson ra alig ru ngaangai' ulun, maa' raginio ngaangai' ulun ondo' maayag kalo boo mampakaatang ra kaayagan nilo galama' ayuk, kaa' mangkara' ayuk boo Riso, ondo' minatoi am binayag saguli' koson kaatangan ilo.

2 KORINTUS 8:5

Am mulu' poyo pinataak nilo intor ra linansanan maili. Kasaa', pinatimpok nilo kaayagan nilai galama' ra Tuhan am niayuk ramon, sumugut ra kasagaan ri Aki Kapuuno'.

IPISUS 2:5

saboi sabap ri Kristus itakau inanian ra kaayagan bagu. Ragili itakau koson ra minatoi ayuk ra pagilangan Nano sabap ra anggal am tula takau, kaa' raino sabap ra asi' ri Aki Kapuuno' binayag takau noyo.

IPISUS 5:14

Sabap ra atan ayuk pasalulaan ru sinda, makaintalang noyo. Ginio sabap ru ragu ragitio, “Tirong kano, ondo' nombolong, am kaayag noyo saguli' intor ra kapatayan! I Kristus suminda ramuyun.”

SAGULION 25:16

Tuhan i Aki Kapuuno' min masisang ra ulun mamparuung.”

PILIPI 1:20

Sabap ragitio noyo kaandaman am kalansanan ru guang kuno ra kolondo' rondo' pana kandoi kuno mampakauyu' raki'. Masalok aku niayuk moondom, am mulu' poyo raino, makakau' toojo mapatulai ri Kristus ralalom kiralan ru kaayagan kuno – iou ra maayag aku kapoam matoi.

KOLOSI 2:13

Gili, akau ondo' sala' ka ulun ru Jaudi, koson ayuk ra minatoi kau sabap ra kinibit ru tula min am sabap ra kalo nakaulig kau ra Ukum ri Musa. Kaa' akau binayag Nano saguli' mabaya' ri Kristus ra Io nangampun ra tula takau.

KOLOSI 3:5

Ginio ra patiri' noyo kasagaan ra pansasawaan, mansalinut baal ra makauyuyu', kasagaan ru guang malaat am maringkumaa' (sabap ra paliso raginio mogondo' ayuk koson sumamba ra sinungkalalaing).

2 TISALONIKA 2:12

Maa' raginio, ngaangai' ondo' kalo mangintopot ra katapatan intor ri Aki Kapuuno', kaa' maansayan ayuk ra kalaatan, ukumin ilo.

2 TIMOTIUS 2:15

Singkotog no toojo ra iowon kou ri Aki Kapuuno' koson sangulun mangangandoi ondo' kalo mauyu' ra baal ru kondoyon nano, kaa' makapangila' toojo ra katapatan intor ri Aki Kapuuno'.

JAKUBUS 4:1

Atan kia puun ru pantataaman am pansangaran min? Sala' ka kia ginio intor ra kasagaan ru guang malaat min ondo' masalok mantipagon ramuyun.

1 PITRUS 2:24

I Kristus galama' nansaan ra tula takau giu' ra salip. Ginio nai ra nakalabus takau intor ra kuasa' ru tula am maayag takau sumugut ra kasagaan ri Aki Kapuuno'. Pilat ri Kristus ti noyo ondo' namabas ramuyun.

1 PITRUS 4:2

Gagaya' kano ra kasagaan ri Aki Kapuuno' buoi ru kaayagan min am pai' noyo bayaa' kinibit ru guang min.

1 JUANIS 1:9

Kaa' amon ru mangiou takau ra tula takau ri Aki Kapuuno', intopoton No bantu' Nali ritakau am mambaal Io ra atan ondo' motopot; ampunon No tula takau am mangimpasau ritakau intor ra ngaangai' kalaatan.