ROMA 6:12 - Tanou Moonsoi Timugon

¹² Intor raginio, pai' noyo polosoo' tula manguasa' ra kaayagan mino ondo' mapuso, maa' raginio kalo boo mampagagaya' kau ra kinibit ru guang malaat.

ROMA 6:12 ပူးပေါင်းရင်းမြစ်များ

KASAUKAN 4:7

Amon ru nambaal kou ra moonsoi maaru' matakau bulos muno; kaa' nambaal kou ra malaat, ginio boo ra tula muno mamparuku' rirun, kaa' musiti' mu anggalon ginio.”

MAZMUR 119:133

Sumugut ra bantu' Muli, paikango' aku no; pai' polosoo' kalaatan no manguasa' raki'.

MAZMUR 19:13

Kolondo' sangulun pana makakito ra sala nano galama'; iou Tuhan, palabuso' aku no intor ra kasalaan ondo' nasibuni.

IMAMAT 13:40

Amon ru naampakan sasangulun ungkuyon tampilon ra saang am tampilon ra bakulung ru ulu nano, kalo majamol ulun no.

UNTABAN 33:55

Kaa' amon ru kalo pagiruon min mamagun ru tana' raginio, ulun ondo' minayan ra giu' no mantipagon ramuyun koson ra tipolon ralalom ru mato mino am ruui ra tiagang mino. Ilo pana manggal ramuyun.

ROMA 13:14

Kaa' polosoo' noyo Tuhan Jisus Kristus maningganai ramuyun, am pai' min gagayaa' paliso min galama', ioginio mamasug ra kasagaan ru guang makatula.

ROMA 2:8

Kaa' ilo ondo' masalok maguyum ra kasingkatan galama', manginggi' ri Aki Kapuuno' am poyo gumagaya' ra kalaatan, ilo no kasangitan am ukumin ri Aki Kapuuno'.

ROMA 5:21

Intor raginio, koson niayuk ra tula nangkinibit ra ngaangai' ulun matoi, kataawan ri Aki Kapuuno' pana mangkinibit ritakau mobonsoi saguli' Riso, saboi mokoowot takau ra kaayagan motopot am mantilayun sabap ri Jisus Kristus, Tuhan takau.

ROMA 6:14

Tula kalo boo makapanguasa' ramuyun, sabap ra kaayagan mino kalo boo inimpuun ra Ukum ri Musa, kaa' inimpuun ra asi' ri Aki Kapuuno'.

ROMA 6:16

Maaru' mapandayan min amon ru polosoon noyo kaayagan min kuasaan ru sasangulun koson mampagagaya' ra susuban nano, akau noyo ulipon ru ulun no – iou pana ulipon ru tula ondo' magibit ra kapatayan, kapoam ulipon ondo' gumagaya' ra kasagaan ri Aki Kapuuno' ondo' mopobonsoi ramuyun Riso.

ROMA 8:11

Amon ru Ambiluo ri Aki Kapuuno' ondo' namayag noyo ri Jisus intor ra kapatayan sumimpung ramuyun, Io ondo' namayag ri Kristus intor ra kapatayan mamayag niayuk ra inan mino ondo' mapatoi. Ginio baalon Nano ralalom ru Ambiluo Nano ondo' sumimpung ramuyun.

ROMA 8:13

Sabap ra, amon ru maayag kau maya' ra paliso ru ulun, maaru' matoi kau. Kaa' amon ru ralalom ru indangan ru Ambiluo ri Aki Kapuuno' langgain min baal ra makatula, maayag kau.

2 KORINTUS 4:11

Buoi ra akai maayag, masalok akai makauma' ra baal makapatoi sabap ri Jisus, maa' raginio kaayagan ri Jisus pana makito ra kaayagan mai ti ondo' tauli no mapuso.

2 KORINTUS 5:4

Raino manguang takau sabap ra inan inayanan takau ra tana' ti mantipagon ritakau. Sala' ka masaga' takau manatang ra inan takau ra tana' ti, kaa' mompogogot takau toojo ra inan ru suruga' no, maa' raginio ondo' mapuso makulau ra kaayagan mantilayun.

GALATIA 5:16

Gitio noyo kon kutu; Polosoo' ayuk Ambiluo ri Aki Kapuuno' manguasa' ra bayag min, am pai' gagayaa' kalaatan ru guang mino galama'.

GALATIA 5:24

Am ondo' maamaya' ri Kristus Jisus, koson nasalip nilo noyo guang malaat nilai mabaya' ra ngaangai' ru kasagaan am ondo' gogoton ru guang.

IPISUS 2:3

Sotopot no ragili itakau pana nogondo' risilo. Siminugut takau ayuk ra kalaatan maya' ra pangkaraan ru guang am kinibit ru inan takau sigagama'. Nogondo' ra moonong ulun, itakau pana matiu' ra sangit ri Aki Kapuuno' no.

IPISUS 4:22

Sabap raginio, iruo' min noyo kaayagan ra nakalair i ondo' nangkinibit ramuyun ragili – ioginio kasagaan nakalair ondo' namuso ra paliso am nampalayau ramuyun i.

SAGULION 7:2

Paat Tuhan i Aki Kapuuno' min napataak ra bansa'-bansa' ragitio ramuyun am kalaan min ilo, akau musiti' mamatoi risilo ngaangai'. Pai' pakimabantu' risilo, am pai' pakaasi' risilo.

1 TISALONIKA 4:5

Pai' kano baya' ra kinibit lumapau, koson ra ulun ondo' kalo makaulig ri Aki Kapuuno'.

2 TIMOTIUS 2:22

Inggaluri' noyo kalaayan ru guang ru mamulok. Singkotog no sumauk ra ulun mabanis guang, ulun mangintopot ra Tuhan, motogom am mobonsoi risilo ondo' masalok makiindangan ra Tuhan mabaya' ra guang mapasau.

TITUS 2:12

Am ginio noyo makapanulu' ritakau mangulau ra kaayagan ondo' kalo sumugut ra kasagaan Nano, ioginio kasagaan ru tana' ti. Maa' raginio mabanis guang am mongorot takau am makapampagagaya' takau toojo ri Aki Kapuuno' ra tana' ti.

TITUS 3:3

Itakau pana galama' ragili sasambungon, maanggal-anggal am makasala. Inulipon takau ru nansalinut kalaayan am kasagaan ru guang saboi kaayagan takali napanu' ra solon am ingot. Ulun nasisang ritakau am itakau pana galama' nasisang niayuk risilo.

1 PITRUS 1:14

Gagaya' kano ri Aki Kapuuno' am pai' min polosoo' kinibit ru guang malaat no manguasa' ramuyun koson ragili ra akau kalo poyo nakaulig ri Aki Kapuuno'.

1 PITRUS 2:11

Pabukat ondo' tagamin ku, akau koson ra ulun bansa' ru bokon ondo' kolondo' karandanan ra tana' ti, maa' raginio kitaakon ku ramuyun, inggaluri' min noyo kinibit malaat, ondo' masalok gumula' ra kasagaan min gumagaya' ri Aki Kapuuno'.

JUDAS 1:16

Ngaangai' ulun raginio masalok ayuk butok-butok am mampasala poyo ra ulun bokon. Maya' ilo ayuk ra kasagaan malaat ru guang nilai ti. Migigiompor ilo ayuk am gamisin nilo ulun ra bokon koson ra kaatangan nilo ayuk galama'.

JUDAS 1:18

Nakapambala' ilo noyo ramuyun ra masuku' paat ra pamupusan ru tana' ti, mokoondo' ulun sumalula' koson manauyu' ramuyun, sabap ra maya' ilo ayuk ra kasagaan malaat ru guang nilai no.

TINGGANAI RU BANSA' 2:3

Ginio ra, raino rongogo' noyo! Kalo pagiruon Ku mamagun ru pagun ti paat akau mamulunsar risilo. Masauk ilo ra pantula' min, am malandak kau saboi maya' kau niayuk sumamba ra dewa-dewa nilo.”