ROMA 6:10 - Tanou Moonsoi Timugon

¹⁰ Pinatayan ri Kristus no namuso ra kuasa' ru tula, ginio nasauk ra igondo' ayuk am sama' ra sabuoi-buoi no, kaa' raino kaayagan Nano masimpung noyo ri Aki Kapuuno'.

ROMA 6:10 ပူးပေါင်းရင်းမြစ်များ

LUKAS 20:38

I Aki Kapuuno' sala' ka Tuhan ondo' sambaan ru ulun minatoi, kaa' ulun maayag, sabap ra pagilangan ru Tuhan ngaangai' ulun maayag ayuk.”

ROMA 6:11

Koson ayuk ragitio pangkaraan min; intor ra kuasa' ru tula akau koson ra ulun minatoi, kaa' maayag kau masimpung noyo ri Aki Kapuuno' ralalom inggalan ri Jisus Kristus.

ROMA 6:9

Sabap ra napandayan takau ra binayag noyo i Kristus intor ra kapatayan am kalo boo matoi Io. Kapatayan no kalo boo manguasa' Riso.

ROMA 8:3

Atan ondo' kalo nabaal ru Ukum ri Musa sabap ra paliso ru ulun no ondo' malawo, binaal noyo ri Aki Kapuuno'. Koson mamuso ra kuasa' ru tula ralalom paliso ru ulun, nangator i Aki Kapuuno' ra Anak Nano galama'. Minayag Io koson ra ulun, ioginio baal ru ulun ondo' makatula am intor raginio kinala No kuasa' ru tula.

2 KORINTUS 5:15

I Kristus minatoi noyo koson ra alig ru ngaangai' ulun, maa' raginio ngaangai' ulun ondo' maayag kalo boo mampakaatang ra kaayagan nilo galama' ayuk, kaa' mangkara' ayuk boo Riso, ondo' minatoi am binayag saguli' koson kaatangan ilo.

2 KORINTUS 5:21

Kolondo' noyo tula ri Kristus, kaa' koson ra kaatangan takau, kinara' Io ri Aki Kapuuno' koson makatula. Maa' raginio, sabap ra pasimpungan takau ri Kristus, itakau ondo' makatula mobonsoi saguli' ri Aki Kapuuno'.

1 PITRUS 3:18

Sabap ri Kristus galama' igondo' ayuk patoi sabap ra tula ru ulun am ginio sama' ra sabuoi-buoi no. Sangulun motopot minatoi koson ra alig ru ulun makasala, koson mompoongoi Io ramuyun ri Aki Kapuuno'. Pinatoi Io ru ulun, kaa' binayag Io saguli' ri Aki Kapuuno'.

1 PITRUS 4:6

Ginio sabap ra Tanou Moonsoi ti pinabala' ra ulun-ulun namagatoi niayuk. Kabalu' pana ra inakim ilo ri Aki Kapuuno' paat ra ilo naayag koson itakau ngai', kaa' bayagon ilo niayuk ru Ambiluo ri Aki Kapuuno' sumugut ra kasagaan Nano.