ROMA 6:1 - Tanou Moonsoi Timugon

¹ Amon ru ginio poyo, atan boo paraguon takau? Rumayus takau kia pambaal ra tula, maa' raginio gumaai poyo togom ri Aki Kapuuno' no ritakau?

ROMA 6:1 ပူးပေါင်းရင်းမြစ်များ

ROMA 2:4

Kapoam kalo lioon min i Aki Kapuuno' ondo' mataau kaga', maayo guang am mataan. Napandayan min noyo ra mataau i Aki Kapuuno' no ramuyun sabap ra masaga' Io ra tumalikur kau intor ra tula.

ROMA 3:31

Motopot kia sabap ra pangintapatan takau ri Kristus Ukum ri Musa no patirin boo? Maaru' kalo! Sotopot no mangurumat takau ra Ukum ri Musa no.

ROMA 6:15

Ati kulaan raino? Makapambaal takau kia ra tula, sabap ra kaayagan takau inimpuun ra asi' ri Aki Kapuuno' am kalo boo inimpuun ra Ukum ri Musa? Maaru' kalo!

GALATIA 5:13

Kaa' koson ramuyun, pabukat kau ngaangai', napiau kano masauk ra ulun nakalabus. Kaa' pai' min polosoo' kaluagan raginio mangkinibit ramuyun makatula, koson mampagagaya' kau ayuk ra kasagaan ru guang min. Ondo' ayuk am gitio; kotogom am koonsoi kano ra rondo' am bokon.

1 PITRUS 2:16

Kaayag kano koson ra ulun ondo' kalo boo uliponon ru tula, kaa' pai' polosoo' pampalabusan min ti mapasibuni ra tula min, kaa' pakapaliso kano koson ra ulipon ri Aki Kapuuno'.

JUDAS 1:4

Sabap ra mokoondo' kukula' ngaulun mangapuka' suminok ayuk simpung ritakau. Ilo ti ulun malaat ondo' manumbalik ra togom tinaakan ri Aki Kapuuno', koson sumimbat ilo pambaal ra atan ayuk pansasawaan. Ilo ti kalo mangapu ri Jisus Kristus, ondo' Io ayuk rondo'-rondo' Nanguasa' am Tuhan takau. Intor ra galing i ukum pataakin risilo inala' noyo ru Buuk Kitab.