ROMA 5:21 - Tanou Moonsoi Timugon

²¹ Intor raginio, koson niayuk ra tula nangkinibit ra ngaangai' ulun matoi, kataawan ri Aki Kapuuno' pana mangkinibit ritakau mobonsoi saguli' Riso, saboi mokoowot takau ra kaayagan motopot am mantilayun sabap ri Jisus Kristus, Tuhan takau.

ROMA 5:21 ပူးပေါင်းရင်းမြစ်များ

MATIUS 25:46

Akau ti ukumin ra ukum mantilayun, kaa' ulun motopot mokoowot ra kaayagan mantilayun.”

JUANIS 1:14

Ragu no nasauk ra ulun am minayan Io ritakau. Nakito takau noyo ra Io matulai toojo, sabap ra Io no rorondo' Anak Langkuir ri Ama'. Ralalom inggalan Nano i Aki Kapuuno' galama' am togom Nano pinakito ritakau.

JUANIS 10:28

Mangani' Aku risilo ra kaayagan mantilayun koson kalo mapuso ilo. Kolondo' noyo mampagaau risilo intor Raki'.

ROMA 4:13

I Aki Kapuuno' nambantu' ri Abragam am ra papag nali, ra tana' ti ilo no tatangan. Ginio binantu' Nano sala' ka sabap ra giminagaya' i Abragam ra Ukum ri Musa, kaa' sabap ra nangintopot am inapu io ri Aki Kapuuno' koson ra sangulun ondo' mobonsoi saguli' Riso.

ROMA 5:12

Tula riminatong ra tana' ti mansail ra sangulun, am tula nano nagibit ra kapatayan. Am sonor no ngaangai' ulun matoi, sabap ra ngaangai' ulun makatula noyo.

ROMA 5:14

Kabalu' raginio, intor ri Adam suku' ri Musa, minatoi ngaangai' ulun, ilo pana ondo' kalo makatula koson kaanggalan ri Adam, ra io kalo giminagaya' ra panusuban ri Aki Kapuuno'. I Adam ti noyo panginuuyan ra Io ondo' matong no.

ROMA 5:17

Motopot, mansail ra tula ru sangulun i, ngaangai' ulun minatoi sabap ra sangulun i, kaa' mulu' poyo sonor ru binaal ru sangulun ra bokon, Io no i Jisus Kristus. Mansail Riso noyo boo, ngaangai' ondo' mangapu ra barakat ri Aki Kapuuno' ondo' kalo mauntob am ra taak Nano, ilo mobonsoi saguli' Riso am maayag am mamarinta ilo sabap ri Kristus.

ROMA 6:12

Intor raginio, pai' noyo polosoo' tula manguasa' ra kaayagan mino ondo' mapuso, maa' raginio kalo boo mampagagaya' kau ra kinibit ru guang malaat.

ROMA 6:14

Tula kalo boo makapanguasa' ramuyun, sabap ra kaayagan mino kalo boo inimpuun ra Ukum ri Musa, kaa' inimpuun ra asi' ri Aki Kapuuno'.

ROMA 6:16

Maaru' mapandayan min amon ru polosoon noyo kaayagan min kuasaan ru sasangulun koson mampagagaya' ra susuban nano, akau noyo ulipon ru ulun no – iou pana ulipon ru tula ondo' magibit ra kapatayan, kapoam ulipon ondo' gumagaya' ra kasagaan ri Aki Kapuuno' ondo' mopobonsoi ramuyun Riso.

ROMA 6:23

Sabap ra tula no mangkinibit ra kapatayan, kaa' taak ri Aki Kapuuno' no kaayagan motopot am mantilayun mababaya' ri Kristus Jisus, Tuhan takau.

ROMA 8:10

Kaa' amon ru i Kristus sumimpung ramuyun, kabalu' pana inan mino maaru' matoi sabap ra tula, bayagon kau ru Ambiluo ri Aki Kapuuno', sabap ra mobonsoi kano saguli' ri Aki Kapuuno'.

TITUS 2:11

Sabap ra nampaintalang noyo i Aki Kapuuno' ra kataawan Nano koson ra pamayagan ru ngaangai' ulun.

IBRANI 4:16

Intor raginio makakau' takau minggaar ra takhta ri Aki Kapuuno' ondo' maayo kaga' togom, koson makitaak ra asi', kataawan am indangan Nano paat ra itakau makakapaganan.

1 PITRUS 5:10

Kaa' kaimbalaan ragitio sangkinolor ayuk, i Aki Kapuuno' mapatanda' ramuyun, mapakataan am mampaikang ramuyun am poyo moporondon Io ra guang min. Sabap ri Aki Kapuuno' ti noyo puun ru ngaangai' kataawan, am ralalom ri Kristus, Io nampiau ramuyun makaliman ra urumat Nano ondo' mantilayun.

2 PITRUS 1:1

Surat ti intor raki', i Simon Pitrus, sangulun ulipon am rasul ri Jisus Kristus. Gitio posoboyon ku ramuyun, pabukat kau sabap ra mansail ra katapatan ri Jisus Kristus io no i Aki Kapuuno', Mamamayag takau, mangintopot kau toojo mogondo' ramon.

1 JUANIS 2:25

Am gitio binantu' galama' ri Jisus Kristus ritakau, io no kaayagan mantilayun.