ROMA 5:18 - Tanou Moonsoi Timugon

¹⁸ Intor raginio, ngaangai' ulun inukum sabap ra tula ru sangulun. Koson niayuk ngaangai' ulun iowon “Kalo makasala” am aniin ra kaayagan sabap ra binaal ru sangulun ondo' giminagaya' ra kasagaan ri Aki Kapuuno'.

ROMA 5:18 ပူးပေါင်းရင်းမြစ်များ

JISAYA 53:11

Mopongo maimbolo', maansukan io saguli'; makapandai io ra kaimbalaan nano mokoonong toojo. Ulipon Kuno, ondo' gumagaya' am ondo' iowon Kuno, Magiba' ra ukuman ru ulun masuang; am sabap io, Aku mangampun risilo.

JUANIS 1:7

Io ti minatong mampabala' ra sinda no ra ulun, koson ngaangai' ulun mangintopot ra pambalaan nano.

JUANIS 12:32

Paat ra Aku ti painsawaton intor ra tana', poongoyon Ku ngaangai' ulun Raki'.”

JUANIS 3:26

Ongoi ilo boo ri Juanis am indagu, “Mangingila', Io ondo' nababaya' rirun am pinaintutun muno ramon giu' ra sandaup ru Sungoi Jordan i, raino Io pana mampariu' am ngaangai' ulun mongoi boo Riso.”

ROMA 3:25

Ginio ra i Jisus Kristus pinataak ri Aki Kapuuno' ra potoyon maa' raginio ra pinatayan Nano, tula ru ulun ampunon amon ru mangintopot ilo Riso. Binaal ri Aki Kapuuno' ginio koson manulu' ra kinabanis ru guang Nano, sabap ra galing i mataan guang Nano ra tula ru ulun saboi kalo nangukum risilo.

ROMA 4:25

Ginio ra i Jisus no pinataak ra potoyon sabap ra tula takau, am binayag Io saguli' koson itakau mobonsoi saguli' ri Aki Kapuuno'.

ROMA 5:12

Tula riminatong ra tana' ti mansail ra sangulun, am tula nano nagibit ra kapatayan. Am sonor no ngaangai' ulun matoi, sabap ra ngaangai' ulun makatula noyo.

ROMA 5:15

Kaa' taak ri Aki Kapuuno' mansuai toojo ra tula ri Adam. Motopot, masuang ulun minatoi sabap ra tula ru sangulun i, kaa' mumpara' poyo barakat ri Aki Kapuuno' ra ulun masuang am taak Nano risilo sabap ra kataawan ru sangulun, Io no i Jisus Kristus.

ROMA 5:19

Am poyo intor ra sangulun kalo giminagaya' ra susuban ri Aki Kapuuno' ngaangai' ulun makatula. Koson niayuk intor ra binaal ru sangulun ondo' giminagaya' ra susuban ri Aki Kapuuno', ulun mobonsoi saguli' Riso.

ROMA 6:14

Tula kalo boo makapanguasa' ramuyun, sabap ra kaayagan mino kalo boo inimpuun ra Ukum ri Musa, kaa' inimpuun ra asi' ri Aki Kapuuno'.

1 KORINTUS 15:22

Ginio boo ra itakau ulun mapandai matoi sabap ra nakaaya' takau ra tula ri Adam; am koson niayuk ra itakau ngaangai' ti bayagon saguli' sabap ra nakaaya' takau ri Kristus.

IBRANI 2:9

Kaa' makito takau i Jisus, ondo' pinainggana' kuasa' Nano intor ra kuasa' ru malaikat ra kukula' ayuk buoi. Maa' boo raginio ralalom ru kataawan ri Aki Kapuuno' matoi Io ra kaatangan ru ngaangai' ulun. Raino makatutun takau ra Io inanian ra kuasa' am urumat sabap ra naimbolo' Io noyo saboi minatoi.

2 PITRUS 1:1

Surat ti intor raki', i Simon Pitrus, sangulun ulipon am rasul ri Jisus Kristus. Gitio posoboyon ku ramuyun, pabukat kau sabap ra mansail ra katapatan ri Jisus Kristus io no i Aki Kapuuno', Mamamayag takau, mangintopot kau toojo mogondo' ramon.

1 JUANIS 2:20

Kaa' nakaapu kano ra Ambiluo ri Aki Kapuuno' ondo' pinataak ri Jisus Kristus. Ginio sabap ra akau nakaulig toojo ra pangilaan ri Aki Kapuuno' ondo' motopot.