ROMA 5:14 - Tanou Moonsoi Timugon

¹⁴ Kabalu' raginio, intor ri Adam suku' ri Musa, minatoi ngaangai' ulun, ilo pana ondo' kalo makatula koson kaanggalan ri Adam, ra io kalo giminagaya' ra panusuban ri Aki Kapuuno'. I Adam ti noyo panginuuyan ra Io ondo' matong no.

ROMA 5:14 ပူးပေါင်းရင်းမြစ်များ

KASAUKAN 19:25

Karuruo bandar no pinuso, titikop limayak nabaya' ra mamagun ra giu' no am ngaangai' tutuu' ru tana' raginio.

KASAUKAN 4:8

Indagu boo i Kain ra boborok nano, i Abil, “Ongoi to ra umo.” Pakasaboi ilo ra intok no, gabuo' ri Kain boborok nano am potoyo' no.

KASAUKAN 7:22

Ngaangai' ondo' mamainawo ra tana' ti niayuk minatoi.

KAINGKUALAN 1:22

Indagu boo raja' ru Misir ra moonong mamagun, “Moonong anak ungkuyon ru ulun ru Ibrani ondo' kakaanak no musiti' patirin ra Sungoi Nil, kaa' ngaangai' anak ruandu' polosoon maayag.”

KAINGKUALAN 1:6

Buoi kabuoi i Jusup am pinongkotob nano minatoi, am koson niayuk ra ngaangai' ulun ondo' santuu' riso.

GOSIA 6:7

Kaa' pakaayan kau ayuk ra tana' giu' ra Adam, liminungkang kau ra nabantuan Kuli ramuyun.

JUNUS 4:11

Maaru' Aku makaasi' poyo ra Niniwi, bandar ondo' maayo no sabap ra giu' no mokoondo' nasailan ra 120,000 ngaulun lalaing ondo' kalo mapandai mampasuai ati moonsoi am ati malaat, am niayuk masuang kaga' bibiag.”

ROMA 5:12

Tula riminatong ra tana' ti mansail ra sangulun, am tula nano nagibit ra kapatayan. Am sonor no ngaangai' ulun matoi, sabap ra ngaangai' ulun makatula noyo.

ROMA 5:17

Motopot, mansail ra tula ru sangulun i, ngaangai' ulun minatoi sabap ra sangulun i, kaa' mulu' poyo sonor ru binaal ru sangulun ra bokon, Io no i Jisus Kristus. Mansail Riso noyo boo, ngaangai' ondo' mangapu ra barakat ri Aki Kapuuno' ondo' kalo mauntob am ra taak Nano, ilo mobonsoi saguli' Riso am maayag am mamarinta ilo sabap ri Kristus.

ROMA 5:21

Intor raginio, koson niayuk ra tula nangkinibit ra ngaangai' ulun matoi, kataawan ri Aki Kapuuno' pana mangkinibit ritakau mobonsoi saguli' Riso, saboi mokoowot takau ra kaayagan motopot am mantilayun sabap ri Jisus Kristus, Tuhan takau.

ROMA 8:20

Ngaangai' ondo' pinasauk ri Aki Kapuuno' pinoloso masauk ra kolondo' onong, am ginio sala' ka kasagaan galama', kaa' kasagaan ri Aki Kapuuno'. Kabalu' pana koson raginio, mokoondo' ra kalansanan

ROMA 8:22

Sabap ra mapandayan takau noyo saboi raino ngaangai' ondo' pinasauk ri Aki Kapuuno' maguros am malimanan ra maruol koson sangulun ruandu' paat io matipaganak.

1 KORINTUS 15:22

Ginio boo ra itakau ulun mapandai matoi sabap ra nakaaya' takau ra tula ri Adam; am koson niayuk ra itakau ngaangai' ti bayagon saguli' sabap ra nakaaya' takau ri Kristus.

1 KORINTUS 15:45

Koson ra tinulisan ra Buuk Kitab, “I Adam noyo ulun kasaa' inangun ra makapainawo”, kaa' i Adam ra pupus no, ioginio Ambiluo ondo' mampakaayag.

IBRANI 9:27

Inaru' noyo ri Aki Kapuuno' ra igondo' ayuk ulun matoi am mopongo raginio akimin No.