ROMA 5:1 - Tanou Moonsoi Timugon

¹ Raino itakau mobonsoi saguli' ri Aki Kapuuno' sabap ra pangintapatan takau Riso am makapabansayan noyo Riso ralalom ru Tuhan takau, i Jisus Kristus.

ROMA 5:1 ပူးပေါင်းရင်းမြစ်များ

AYUP 21:21

Mopongo ra ulun matoi, lakat poyo kia lioon nilo kaansukan ru sasambaloi nilo?

MAZMUR 122:6

Pakiasi' noyo koson ra kaansayan ru Jirusalim, “Gama' ulun ondo' motogom rirun no lumangkaya'.

JISAYA 27:5

Kaa' amon pantula' ru ulun Kuno makiampin Raki', polosoon ilo mobonsoi Raki'. Iou, polosoon ilo mobonsoi Raki'.”

JISAYA 32:17

Pagun raginio kalinuos ayuk am kolondo' sasou ra sabuoi-buoi no sabap ra moonong ulun mambaal ra atan ayuk motopot.

JISAYA 54:13

“Ngaangai' ulun muno masauk ra maamaya' Raki', lumangkaya' ilo.

JISAYA 55:12

Tatangon min Babil ra guang maantak, am inataran paingkualo' ra maayag. Gunung am bulur maansukan am magilakup, tatanom giu' ra umo magilakup.

ABAKUK 2:4

Gitio noyo tanou no: ‘Ulun ondo' nambaal ra kalaatan pusoon, kaa' ulun ondo' nambaal ra kasagaan ri Aki Kapuuno' maayag sabap ra gumagaya' ilo ri Aki Kapuuno'.’ ”

JAKARIA 6:13

Io noyo ondo' mambaal ra Baloi Kuno am mangapu ra urumat ondo' aniin ru raja', am mamarinta io ra mamagun nano. Sangulun imam mamaya' riso am maguyu mangandoi ra moonsoi.’

LUKAS 19:38

Konilo, “Kabarakat noyo Io ondo' minatong nabaya' ra kuasa' ru Tuhan! Kaansayan giu' ra suruga', am koompor toojo i Aki Kapuuno'!”

LUKAS 19:42

indagu Io, “Mumpara' bonsoi no ru matutunan mu ngaangai' ondo' magibit ra kaansayan! Kaa' saboi raino, kalo matutunan mu.

LUKAS 2:14

“Koompor toojo inggalan ri Aki Kapuuno' giu' ra rasawat! Am giti ra tana', kaansayan pataakin noyo risilo ondo' mapabansuk ra guang ru Tuhan!”

JUANIS 14:27

Kaansayan patatangon Kuno ramuyun; kaansayan Kuno galama' pataakon Ku ramuyun. Kaansayan Kuno sala' ka koson ra kaansayan ondo' taakin ru tana' ti. Ginio ra pai' kano pagalabo kapoam kalaa'.

JUANIS 16:33

Ngaangai' ti pinabala' Ku ramuyun, maa' raginio makakaansayan kau sabap ra masimpung kau Raki'. Giti ra tana' ti maimbolo' kau, kaa' paikango' noyo guang min, sabap ra kinala Ku noyo tana' ti.”

JUANIS 20:31

Kaa' ngaangai' ti tinulisan noyo, maa' raginio mangintopot kau ri Jisus noyo Mamamayag ondo' sinusub ri Aki Kapuuno' i, ioginio Anak ri Aki Kapuuno'. Sabap ra pangintapatan mino Riso, mokoowot kau ra kaayagan motopot.

JUANIS 5:24

“Balain takamin toojo: Osoi ayuk mangkirongog ra ragu Kutu am mangintopot Riso ondo' nanusub Raki', mokoowot ulun no ra kaayagan motopot am mantilayun. Kalo ukumin io, kaa' nakalabus io noyo intor ra kapatayan am nakatalimpuun noyo maayag.

RINALATAN 10:36

Nakapandai kau noyo ra bala' ondo' pinasaboi ri Aki Kapuuno' ra bansa' ru Israil. Ginio noyo Tanou Moonsoi intor ra pabansayan ralalom inggalan ri Jisus Kristus, Tuhan ru ngaangai' ulun.

ROMA 1:17

Sabap ra Tanou Moonsoi no manulu' ra ati kulaan i Aki Kapuuno' am ulun mobonsoi saguli' – ginio masauk ralalom ru mangintopot ri Aki Kapuuno', intor ra talimpuun suku' ra pupus no. Koson niayuk tinulisan ra Buuk Kitab, “Ulun ondo' mangintopot saboi mobonsoi saguli' ri Aki Kapuuno', ulun no topot-topot maayag.”

ROMA 1:7

Ginio ra nanulis aku ra surat ti ramuyun ngaangai' ra Roma ondo' tagamin ri Aki Kapuuno' am ondo' piniau noyo masauk ra ulun Nano. Gama' ru Ama' takau i Aki Kapuuno' am i Tuhan Jisus Kristus manaak ramuyun ra barakat am pabansayan.

ROMA 10:10

Sabap ra pangintapatan takau ra mapiot no, itakau pobonsoyon saguli' ri Aki Kapuuno', am intor ra pangakunan, itakau bayagon.

ROMA 10:15

Mailo ilo mampatanou amon ru kolondo' manusub risilo. Kon niayuk tinulisan ra Buuk Kitab, “Mumpara' boo bonsoi ratangan ru ilo ondo' mampabala' ra tanou moonsoi!”

ROMA 14:17

Sabap ra amon ru mamarinta i Aki Kapuuno' ra kaayagan ru sasangulun, akanon am inumon sala' ka boo maatang. Kaa' gitio noyo ondo' maatang; gumagaya' ra kasagaan Nano, katasuan ru guang am kaansukan, ondo' ringai' no pataakin ru Ambiluo ri Aki Kapuuno'.

ROMA 15:13

Gama' ru i Aki Kapuuno', puun ru kalansanan takau, mangani' ramuyun ra kaansukan am katasuan ru guang ralalom ru pangintapatan min Riso. Maa' raginio, ralalom ru kuasa' ru Ambiluo ri Aki Kapuuno', mikang poyo kalansanan mino Riso.

ROMA 15:33

Gama' ru i Aki Kapuuno', intaran ru ngaangai' pabansayan, mabaya' ramuyun ngaangai'. Amin.

ROMA 3:22

Ralalom pangintapatan ri Jisus Kristus ayuk ulun mobonsoi saguli' ri Aki Kapuuno'. Ginio saukon ra ulun ru Jaudi am poyo sala' ka Jaudi sabap ri Aki Kapuuno' kalo mampili' ra ulun.

ROMA 3:30

I Aki Kapuuno' rondo' ayuk, Io no mopobonsoi saguli' ra ulun ru Jaudi Riso maya' ra pangintapatan nilo. Io niayuk mopobonsoi saguli' ra ulun sala' ka Jaudi Riso maya' ra pangintapatan nilo.

ROMA 4:5

Kaa' osoi ayuk kalo lumansan ra kapiratan nano ra Tuhan, kaa' mangintopot ayuk ri Aki Kapuuno' ondo' mangiou ra ulun makatula no kolondo' boo kasalaan, ulun no mobonsoi saguli' ri Aki Kapuuno' sabap ra pangintapatan nali.

ROMA 5:11

Sala' ka ginio ayuk, kaa' maansukan takau poyo ri Aki Kapuuno' ralalom ri Jisus Kristus Tuhan takau, ondo' raino magibit ritakau mabubukat ri Aki Kapuuno'.

ROMA 5:18

Intor raginio, ngaangai' ulun inukum sabap ra tula ru sangulun. Koson niayuk ngaangai' ulun iowon “Kalo makasala” am aniin ra kaayagan sabap ra binaal ru sangulun ondo' giminagaya' ra kasagaan ri Aki Kapuuno'.

ROMA 6:23

Sabap ra tula no mangkinibit ra kapatayan, kaa' taak ri Aki Kapuuno' no kaayagan motopot am mantilayun mababaya' ri Kristus Jisus, Tuhan takau.

ROMA 9:30

Gitio noyo arati' ru raguon mai; ulun sala' ka Jaudi ondo' kalo mirot mobonsoi saguli' ri Aki Kapuuno', ilo noyo pinobonsoi saguli' ri Aki Kapuuno' ralalom ru pangintapatan nilo Riso.

GALATIA 2:16

Kaa' mapandayan noyo ra sasangulun no mobonsoi saguli' ri Aki Kapuuno' sabap ra mangintopot io ayuk ri Jisus Kristus, am pai' ru maya' ra Ukum ri Musa. Akai pana nangintopot ri Jisus Kristus, maa' raginio mobonsoi akai saguli' ri Aki Kapuuno' sabap ra pangintapatan mai ti, am sala' ka maya' ra Ukum ri Musa. Kolondo' sangulun pana mobonsoi saguli' ri Aki Kapuuno' maya' ra Ukum ri Musa.

GALATIA 3:25

Kaa' raino nasuku' noyo paat ru ulun mangintopot ri Kristus, ginio ra Ukum ri Musa kalo pana boo magalung ritakau.

GALATIA 5:22

Kaa' gitio noyo ampos amon ru ulun tingganayon ru Ambiluo ri Aki Kapuuno': montotogom ilo, maansukan, maayag ra rondo' guang ra rondo' am bokon, mataan guang, masaga' mangindangan, moonsoi guang, mampagagaya',

IPISUS 2:7

Koson raginio noyo mampakito Io ritakau ra ati kulaan gayo ru asi' Nano ondo' mantilayun, ioginio kinoonsoi ru guang Nano ritakau ralalom ri Kristus Jisus.

PILIPI 3:9

Am ginio sala' ka boo intor ra katapatan kuno galama' koson gumagaya' ra Ukum ri Musa, kaa' intor ra katapatan ri Aki Kapuuno' ondo' pinataak no raki' sabap ra pangintapatan ku ri Kristus.

KOLOSI 1:20

Ralalom ru inggalan ru Anak niayuk, i Aki Kapuuno' nangaru' ra ngaangai' mobonsoi saguli' Riso, ioginio atan ayuk suang ru tana' ti kapoam atan mokoondo' giu' ra suruga'. Gitio sinauk Nano ralalom pinatayan ru Anak Nano ra salip.

KOLOSI 3:15

Pobobonsoi kano ra rondo' am bokon ralalom ra pasimpungan ulun Kristian, maya' ra pabansayan ondo' tinaakan ri Kristus ramuyun, sabap ra gitio noyo pampiawan ri Aki Kapuuno' ramuyun. Kasalok kano maringkuanang.

1 TISALONIKA 5:23

Gama' ru i Aki Kapuuno' ondo' mangani' ritakau ra pabansayan, mampatimpok ra kaayagan mino Riso galama'. Gama' ru magalung Io ramuyun ngai' – ioginio ambiluo, saliguor am poyo inan mino – saboi kolondo' sala min paat ra ratangan ru Tuhan takau, i Jisus Kristus.

2 TISALONIKA 3:16

Gama' ru Tuhan noyo galama', ondo' puun ru pabansayan, masalok manaak ramuyun ra pabansayan Nano ralalom ru ngaangai' baal. Gama' ru Tuhan mabaya' ramuyun ngai'.

IBRANI 13:20

I Aki Kapuuno', ondo' puun ru pabansayan, namayag noyo saguli' ra Tuhan takau i Jisus intor ra kapatayan. I Jisus noyo koson ra Magagalung Maayo takau domba Nano. Pinatayan Nano noyo ondo' nangaru' Io ritakau ra nabantuan mantilayun.