ROMA 4:6 - Tanou Moonsoi Timugon

⁶ Kon niayuk ru raja' Daut ra io minindagu intor ra kaansukan ru ulun ondo' mobonsoi saguli' ri Aki Kapuuno', kabalu' pana kalo makalansan io ra kapiratan nano ra Tuhan. Kono,

ROMA 4:6 ပူးပေါင်းရင်းမြစ်များ

MAZMUR 112:1

Omporo' noyo Tuhan! Pakaansuk noyo ulun ondo' mangurumat ra Tuhan, ondo' masaga' gumagaya' ra panusuban Nano.

JISAYA 54:17

Kaa' moonong kinandoi mangayou ondo' tinitip koson gumula' rirun, kalo masauk. Ra am moonong panguwan ralalom pangakiman mampainono' kou ra kalo motopot. Pataakon Ku kamanangan koson tangguang ra ulipon-ulipon Kuno.” Ginio noyo ragu ru Tuhan.

JIRIMIA 22:6

Koson Raki', istana raja' ru Jiuda koson ra kinoonsoi ru tana' Giliad am Kagunungan Libanon, kaa' intok no saukon Ku ra tana' kaagisan ondo' kalo ayanin ru ulun.

JIRIMIA 33:16

Mamagun ru Jiuda am Jirusalim bayagon, am maayag ilo ra mamimio. Bandar no inggalanin ra ‘Tuhan Mamamayag Ritakau’.

DANIL 9:24

“Intulu' tulu' ngoopor ngambilor iono buoi ondo' inaru' ri Aki Kapuuno' koson mampalabus ra bansa' muno am bandar muno ondo' matulai no intor ra tula am kalaatan. Tula ampunon am katimpakan ondo' mantilayun potolorogon, maa' raginio pinaintalang am ragu inala' no totopot masauk, am maa' raginio Baloi ru Tuhan ondo' matulai patimpokon saguli'.

MATIUS 25:19

“Kabuoi ragili, tuan i saguli' am umaa' ru ulipon-ulipon i koson manguntob ra ruit pinailayan nali risilo.

ROMA 1:17

Sabap ra Tanou Moonsoi no manulu' ra ati kulaan i Aki Kapuuno' am ulun mobonsoi saguli' – ginio masauk ralalom ru mangintopot ri Aki Kapuuno', intor ra talimpuun suku' ra pupus no. Koson niayuk tinulisan ra Buuk Kitab, “Ulun ondo' mangintopot saboi mobonsoi saguli' ri Aki Kapuuno', ulun no topot-topot maayag.”

ROMA 3:27

Ginio ra kolondo' boo sasaban takau lumimbau. Kua guat koson raginio? Sabap ra itakau gumagaya' ra Ukum ri Musa kia? Kalo, kaa' sabap ra mangintopot takau.

ROMA 4:11

Tauli i sinunatan io, am sunat ti tatandu' ra apuon io ri Aki Kapuuno' koson ra sangulun ondo' mobonsoi saguli' Riso sabap ra pangintapatan nali. Intor raginio io no koson ra ama' ru ngaangai' ulun ondo' mangintopot, am ondo' inapu koson ulun ondo' mobonsoi saguli' ri Aki Kapuuno', kabalu' pana kalo sinunatan ilo.

ROMA 4:24

kaa' ritakau niayuk. Itakau niayuk apuon ri Aki Kapuuno' koson ra ulun ondo' mobonsoi saguli' Riso, sabap ra mangintopot takau Riso ondo' nampakaayag ri Jisus, Tuhan takau, intor ra kapatayan.

ROMA 4:5

Kaa' osoi ayuk kalo lumansan ra kapiratan nano ra Tuhan, kaa' mangintopot ayuk ri Aki Kapuuno' ondo' mangiou ra ulun makatula no kolondo' boo kasalaan, ulun no mobonsoi saguli' ri Aki Kapuuno' sabap ra pangintapatan nali.

ROMA 4:7

“Pakaansuk noyo ulun ondo' kasalaan nano inampun noyo ri Aki Kapuuno' am tula nano iniru' No noyo!

ROMA 4:9

Ati kulaan, kaansukan ondo' sinabit ru raja' Daut ni palilion ayuk kia ra ulun ondo' sinunatan ayuk, kapoam ra ulun kalo sinunatan poyo? Maaru' karuruo! Sabap ra minindagu akai ra raitii' ni, “Nangintopot i Abragam ri Aki Kapuuno', am sabap ra pangintapatan nano Riso, inapu io ri Aki Kapuuno' koson sangulun ondo' mobonsoi saguli' Riso.”

1 KORINTUS 1:30

Kaa' i Aki Kapuuno' noyo ondo' nampasimpung ramuyun ri Jisus Kristus. Am ralalom ri Kristus, i Aki Kapuuno' nangani' ritakau ra kapintaran Nano. Ralalom inggalan Nano niayuk, pinobonsoi am pinalabus takano ri Aki Kapuuno' masauk ra ulun Nano ondo' mangandoi ayuk Riso.

2 KORINTUS 5:21

Kolondo' noyo tula ri Kristus, kaa' koson ra kaatangan takau, kinara' Io ri Aki Kapuuno' koson makatula. Maa' raginio, sabap ra pasimpungan takau ri Kristus, itakau ondo' makatula mobonsoi saguli' ri Aki Kapuuno'.

GALATIA 3:14

Kapatayan ri Kristus ti noyo ondo' mangkinibit ra barakat binantu' ri Aki Kapuuno' ri Abragam i, makataak niayuk ra ulun sala' ka Jaudi. Ra pangintapatan ti noyo itakau makaapu ra Ambiluo ri Aki Kapuuno' ondo' binantu' ri Aki Kapuuno' i.

GALATIA 4:15

Ragili naansukan kau kaga' kaa' raino kalo boo. Nakapandai aku ra maayo toojo guang min mangindangan raki' ragili, saboi utakon mato min galama' ra pataakin raki'.

IPISUS 1:3

Paringkuanang takano ri Aki Kapuuno', io no Ama' ru Tuhan takau i Jisus Kristus. Sabap ra ralalom pasimpungan takau ri Kristus, nangani' Io no ritakau ra nansalinut barakat ralalom ru Ambiluo Nano ondo' intor ra suruga'.

SAGULION 33:29

Akau Israil, maansukan kau kaga'! Kolondo' osoi pana koson ramuyun, bansa' ondo' binayag ru Tuhan. Tuhan galama' noyo ondo' nasauk ra perisai am ilang min, koson manaung ramuyun am manaak ramuyun ra kamanangan. Matong pantula' min makimasi', am kikinjangin min ilo.

PILIPI 3:9

Am ginio sala' ka boo intor ra katapatan kuno galama' koson gumagaya' ra Ukum ri Musa, kaa' intor ra katapatan ri Aki Kapuuno' ondo' pinataak no raki' sabap ra pangintapatan ku ri Kristus.

2 TIMOTIUS 1:9

I Aki Kapuuno' nampakaayag am nampiau ritakau maa' raginio gumagaya' toojo Riso. Am gitio sala' ka intor ra atan ondo' binaal takau ra moonsoi, kaa' sotopot no sabap ra pangatangan am kataawan Nano galama'. Am ginio sinauk Nano sabap ri Jisus Kristus ra kalo poyo tana' ti biningkal,

JAKUBUS 2:18

Kaa' mokoondo' lair mindagu ra, “Sangulun lumansan ra pangintapatan nano am bokon no poyo lumansan ra atan ayuk baal nano ra moonsoi.” Makataam aku niayuk ra, “Pakitono' noyo raki' ati koson sangulun mangintopot amon ru kolondo' baal nano ra moonsoi. Kaa' aku mampakito ra pangintapatan kutu mansail ra baal kuno ra moonsoi.”

2 PITRUS 1:1

Surat ti intor raki', i Simon Pitrus, sangulun ulipon am rasul ri Jisus Kristus. Gitio posoboyon ku ramuyun, pabukat kau sabap ra mansail ra katapatan ri Jisus Kristus io no i Aki Kapuuno', Mamamayag takau, mangintopot kau toojo mogondo' ramon.