ROMA 4:20 - Tanou Moonsoi Timugon

²⁰ Kalo nagalabo i Abragam ra bantu' ri Aki Kapuuno', kaa' nangintopot io ayuk. Am minikang poyo pangintapatan nano am nongompor-ompor io boo ri Aki Kapuuno'.

ROMA 4:20 ပူးပေါင်းရင်းမြစ်များ

KASAUKAN 15:6

Nangintopot i Abram ra Tuhan, am ginio ra Tuhan nangiou riso koson sangulun motopot.

2 RAJA'-RAJA' 7:19

Paat raginio indagu pagawai saujor ru raja' no, “Bai-bai boo! Kabalu' pana Tuhan galama' mamparatu' ra rasam ra raino ti niayuk, bai-bai boo ru baal raginio!” Taam i Ilisa, “Makainono' kou raginio, kaa' kalo makaakan kou ra akanon no.”

2 RAJA'-RAJA' 7:2

Kaa' indagu pagawai saujor ru raja' no ri Ilisa, “Bai-bai boo! Kabalu' pana Tuhan galama' mamparatu' ra rasam ra raino ti niayuk, bai-bai boo ru baal raginio!” Taam i Ilisa, “Makainono' kou raginio, kaa' kalo makaakan kou ra akanon no.”

JISAYA 35:4

Ragui' ilo ondo' malawo guang, “Posoroto' guang muno am pai' kalaa'! I Aki Kapuuno' matong mamayag ramuyun, am mangukum ra pantula'-pantula' mino.”

JISAYA 7:9

Israil kalo maikang poyo intor ra Samaria, pusor bandar nano, am Samaria pana kalo maikang poyo intor ra Raja' Pika. Amon ru kalo totopot kau mangintopot Raki', maaru' akau no maratu'.”

DANIL 10:19

Kono, “Motogom i Aki Kapuuno' rirun. Ginio ra pai' kalaa' am pai' pagalabo intor ra atan-atan pana.” Karagu no ginio, giminaai ikang kuno. Indagu aku boo, “Tuan, indagu no. Pinaikang mu aku.”

DANIL 11:32

Mamparuung raja' am makasugut mangambi' ra guang ru ulun ondo' nangiruan ra ugama no, kaa' ulun maamaya' ri Aki Kapuuno' manggal riso.

AGAI 2:4

Kaa' pai' sangulun pana malawo guang! Rayuso' min kandoi no, sabap ra mabaya' Aku ramuyun.

JAKARIA 8:13

Akau mamagun ru Jiuda am Israil! Paat ragili, bulintok ru ulun bansa' ra bokon magulas ra rondo' am bokon, mindagu ilo, ‘Gama' ru karaat ondo' nakalumpa' ra Jiuda am Israil makalumpa' niayuk ramuyun!’ Kaa' bayagon Takamin, saboi ulun bansa' ra bokon no mindagu ra ilo po ngai', ‘Gama' ru barakat ondo' pinataak ra Jiuda am Israil pataakin niayuk ramuyun!’ Ginio ra kaikango' guang mino am pai' kalaa'!”

JAKARIA 8:9

Kaikango' guang mino! Raino morongog min ragu-ragu ondo' niayuk rinagu galing ru nabi-nabi paat ra batu maatang pinabanta' koson mambaal saguli' ra Baloi Kuno.

MATIUS 9:8

Pakakito ulun-ulun i ra nasauk koson raginio, nalaa' ilo am pongompor ilo ri Aki Kapuuno' sabap ra nanaak Io ra kuasa' ondo' maayo toojo ra ulun.

LUKAS 1:18

Kuati' ri Jakaria malaikat no, “Ati kulaan aku makapandai ginio masauk? Akai mansawo matutuo noyo.”

LUKAS 1:45

Mumpara' bansuk muno, sabap ra nangintopot kou ra rinagu ru Tuhan rirun no masauk!”

1 KORINTUS 16:13

Pagilalai' am pangintopot kano toojo, baani am mikang kau.

2 KORINTUS 12:10

Sabap raginio, kalo malaa' aku makauma' ra atan ayuk kalawaan; pagasaban, kapoam nansalinut kapaganan sabap ra kaatangan ri Kristus. Sabap ra paat ra aku malawo, maintuma' niayuk raginio paikangon aku boo.

IPISUS 6:10

Pupus no, kaikang kano ralalom pasimpungan min ra Tuhan ralalom ru kuasa' Nano ondo' maayo kaga'.

2 TIMOTIUS 2:1

Timotius ondo' tagamin kuno, mikang kou toojo ra kataawan ondo' moowot takau sabap ra pasimpungan takau ri Jisus Kristus.

1 SAMUIL 30:6

Raino i Daut ralalom ru kapaganan maayo. Ulun-ulun nano siminangit riso sabap ra kalio noyo boo anak andu' nilono. Nompololob ilo koson momobol ri Daut, kaa' Tuhan Aki Kapuuno' nano nangikang ra guang nano.