ROMA 4:19 - Tanou Moonsoi Timugon

¹⁹ Paat ragili pangintapatan ri Abragam raginio kalo liminawo, kabalu' pana nampaguang io ra kolondo' lair boo sayat nano sabap ra inan nano matutuo noyo kaga', umur nali olo'-olo' maatus ngambilor am andu' nano i Sara pana tabanang.

ROMA 4:19 ပူးပေါင်းရင်းမြစ်များ

KASAUKAN 17:17

Igulatur boo i Abragam, kaa' masuatan io paat mangkara' ra, “Kalo noyo lair sangulun ungkuyon ondo' makaumur maatus ngambilor makaanak poyo? Kalo noyo lair maganak i Sara ra kinatuo nano ra siam ngoopor ngambilor?”

MATIUS 14:29

“Ibok no,” kon ri Jisus. Tuun i Pitrus ra parau no am tumalimpuun ugar ra rasawat ru timug mongoi ri Jisus.

MATIUS 14:31

Paat niayuk ragili patutuyo' ri Jisus kalindu' Nano am guuto' No i Pitrus. Indagu Io, “Mumpara' boo borok ru pangintapatan muno! Kua kaimamang kou?”

MATIUS 6:30

Amon ru koson poyo raginio i Aki Kapuuno' namaramai ra limayak no ra sakot, ondo' mokoondo' ra orou raiti' am susuab solobon ralalom ru rapuan, sala' ka kia ramayon kau toojo ri Aki Kapuuno'? Topot-topot kalo maikang pangintapatan mino!

MATIUS 8:26

Taam i Jisus, “Kua kalaa' kau? Topot-topot noyo malawo pangintapatan min!” I Jisus pana siminukal boo am palinoso' bagiu' am kinulun no. Linos boo bagiu' no am maliuk boo kaga'.

ROMA 14:21

Ginio ra moonsoi poyo kalo mangakan ra kual, manginum ra wain kapoam mambaal ra atan ayuk, amon ru ginio poyo mangkinibit ra pabukat Kristian muno makatula.