ROMA 4:18 - Tanou Moonsoi Timugon

¹⁸ Nangintopot am liminansan ayuk i Abragam ri Aki Kapuuno' kabalu' pana guang nano kolondo' boo kalansanan. Ginio boo ra sinauk io koson ra ama' ru masuang bansa', am koson tinulisan ra Buuk Kitab, “Papag muno masauk ra masuang kaga'.”

ROMA 4:18 ပူးပေါင်းရင်းမြစ်များ

AMSAL 13:12

Bulintok kalansanan matutuk, guang pana matutuk; bulintok ra gogoton masugut, guang maansukan.

YEHEZKIEL 37:11

Indagu i Aki Kapuuno' raki', “Okou ulun mapandai matoi, ulun ru Israil nogondo' koson ra bungul-bungul no. Kon nilo ra mapua' ilo, ra kolondo' kalansanan am kolondo' orou tauli.

LUKAS 1:18

Kuati' ri Jakaria malaikat no, “Ati kulaan aku makapandai ginio masauk? Akai mansawo matutuo noyo.”

RINALATAN 27:25

Sabap raginio, pabukat kau ngaangai', paikango' ayuk guang mino, sabap ra mangintopot aku no ri Aki Kapuuno' ra masauk noyo sumugut ra atan ondo' rinagu Nali raki'.

ROMA 4:17

Koson ra tinulisan noyo ra Buuk Kitab, “Inaru' tokou no masauk ra ama' ru masuang bansa'.” Koson raginio nambantu' i Aki Kapuuno' ri Abragam am nangintopot i Abragam Riso: Io no ondo' mampakaayag ra ulun minatoi am ondo' ralalom ru ragu Nano mampasauk ra atan ondo' kalo poyo igondo' kasauk.

ROMA 4:19

Paat ragili pangintapatan ri Abragam raginio kalo liminawo, kabalu' pana nampaguang io ra kolondo' lair boo sayat nano sabap ra inan nano matutuo noyo kaga', umur nali olo'-olo' maatus ngambilor am andu' nano i Sara pana tabanang.

ROMA 5:5

Am kalansanan raginio kalo mangkinibit ritakau mangkaus, sabap ra nanaak noyo i Aki Kapuuno' ritakau ra Ambiluo Nano ondo' mampakito ritakau ra togom ri Aki Kapuuno'.

ROMA 8:24

Sabap ra intor ra lumansan, bayagon takau ri Aki Kapuuno'. Kaa' amon ru makakito takau ra atan ondo' linansanan i, sala' boo ka kalansanan. Sabap ra kalo pana lumansan ondo' nakito noyo.

IBRANI 6:19

Koson ra simbatu mampauog ra parau ra kalo maabas, koson niayuk ra kalansanan takau mambaal ritakau kalo minggalur intor ri Aki Kapuuno'. Am koson ra Tingganai imam nakarampus ra tabir ru Intok Matulai Kaga' giu' ra Baloi Tuhan, i Jisus niayuk nakarampus ra suruga'.