ROMA 4:17 - Tanou Moonsoi Timugon

¹⁷ Koson ra tinulisan noyo ra Buuk Kitab, “Inaru' tokou no masauk ra ama' ru masuang bansa'.” Koson raginio nambantu' i Aki Kapuuno' ri Abragam am nangintopot i Abragam Riso: Io no ondo' mampakaayag ra ulun minatoi am ondo' ralalom ru ragu Nano mampasauk ra atan ondo' kalo poyo igondo' kasauk.

ROMA 4:17 ပူးပေါင်းရင်းမြစ်များ

1 KORINTUS 1:28

Pinili' No ondo' karaan ru ulun ru tana' ti koson kolondo' pangkat, kalo maatang am kolondo' onong. Maa' raginio maliom boo ri Aki Kapuuno' ondo' karaan ru ulun ru tana' ti maatang.

JUANIS 5:21

Koson i Ama' mamayag saguli' ra ulun minatoi am manaak risilo ra kaayagan, nogondo' niayuk ra Anak manaak ra kaayagan ra osoi ayuk kasagaan Nano.

1 PITRUS 2:10

Ragili, akau sala' ka ulun ri Aki Kapuuno', kaa' raino siminauk kano boo ra ulun Nano. Am poyo ragili, pai' ru nakaulig kau ra asi' Nano, kaa' raino ti inasian kau boo.

JUANIS 6:63

Ambiluo ri Aki Kapuuno' noyo mangani' ra ulun ra kaayagan, kuasa' ru ulun kalo makapambaal raginio. Ragu Kutu intor ra Ambiluo ri Aki Kapuuno' ondo' mampakaayag ramuyun.

ROMA 8:11

Amon ru Ambiluo ri Aki Kapuuno' ondo' namayag noyo ri Jisus intor ra kapatayan sumimpung ramuyun, Io ondo' namayag ri Kristus intor ra kapatayan mamayag niayuk ra inan mino ondo' mapatoi. Ginio baalon Nano ralalom ru Ambiluo Nano ondo' sumimpung ramuyun.

JUANIS 5:25

Balain takamin toojo: Paat no masuku', am sotopot no nasuku' noyo, ra ulun minatoi pana makapangkirongog ra bolos ru Anak ri Aki Kapuuno', am osoi ayuk mangkirongog am gumagaya', maayag io.

IBRANI 11:12

Intor ra sangulun ayuk, ioginio i Abragam ondo' sotopot no kalo boo makapangani' ra sayat, masuang boo toojo sayat. Suang nilo koson ra suang ru butitin giu' ra limbowon am koson ra suang ru agis giu' ra kiing ru raat ra kalo maalap kauntob.

JISAYA 55:12

Tatangon min Babil ra guang maantak, am inataran paingkualo' ra maayag. Gunung am bulur maansukan am magilakup, tatanom giu' ra umo magilakup.

JISAYA 48:13

Kalindu' Kuno mapabanta' ra sonor ru tana', am mamingkal ra limbowon. Bulintok ra Aku manusub ra limbowon am tana' muma', karuruo no mataki' matong.

ROMA 3:29

Ginio ra i Aki Kapuuno' intopoton ru ulun ru Jaudi ayuk kia? Maaru' kalo! Intopoton Io niayuk ru ulun sala' ka Jaudi.

2 PITRUS 3:8

Kaa' pabukat kau ngai' ondo' tagamin ku, pai' min liliani' gitio, songorou ra pangkaraan ru Tuhan mogondo' ayuk ra buoi saribu ngambilor am saribu ngambilor mogondo' ayuk ra buoi songorou; karuruo no mogondo' ayuk Riso.

IBRANI 11:7

Sabap ra pangintapatan noyo, i Nuu binalaan ri Aki Kapuuno' intor ra sauk ondo' matong no, ondo' kalo poyo nakito nali. Ginio boo ra io giminagaya' ra ragu ri Aki Kapuuno' am nambaal ra kapal maayo, am mansail raginio noyo ilo ngaangai' sambaloi binayag. Nampakito i Nuu ra ulun ru tana' ti ra ukumin ilo ri Aki Kapuuno', am sabap ra pangintapatan nali, iniou io ri Aki Kapuuno' koson sangulun motopot.

1 TIMOTIUS 6:13

Am raino ra saang ri Aki Kapuuno', ondo' puun ru ngaangai' kaayagan, am i Jisus Kristus, ondo' nampaintutun ra katapatan ri Pontius Pilatus, manusub aku rirun,

JISAYA 44:7

Osoi kia makapambaal ra atan ondo' binaal Kuno? Osoi kia makapanala' ra atan poyo masauk intor ra talimpuun saboi mapupus orou?

KASAUKAN 17:16

Barakaton Ku io am maganak io ra sangulun anak ungkuyon ondo' taakin Ku rirun. Barakaton Ku i Sara am masauk io ra ina' ru papag ru bansa'-bansa'. Gino ngai' ru papag nano mokoondo' masauk ra raja'.”

ROMA 9:26

Giu' ra intok ondo' inindaguan ri Aki Kapuuno' risilo ‘Akau sala' ka ulun Kuno,’ giu' no niayuk sabiton ilo ra anak ri Aki Kapuuno' ondo' maayag.”

JISAYA 49:12

Intor ra maalur ulun Kuno sararatong, intor ra ralayo, kalasaan am Sinim giu' ra rabugus.”

JISAYA 43:6

Susubon Ku pagun giu' ra ralayo mapalabus risilo, am pagun giu' ra rabugus mapalabus risilo. Polosoon noyo ulun Kuno muli' intor ra pagun-pagun maalur, intor ra titikop pompor ru tana'.

KASAUKAN 28:3

Gama' ru mambarakat i Aki Kapuuno' Ondo' Maayo Kaga' Kuasa' no ra paguguatan muno am manaak rirun ra anak masuang, saboi masauk kou ra kinamatuaan ru masuang bansa'!

1 KORINTUS 15:45

Koson ra tinulisan ra Buuk Kitab, “I Adam noyo ulun kasaa' inangun ra makapainawo”, kaa' i Adam ra pupus no, ioginio Ambiluo ondo' mampakaayag.

ROMA 4:2

Amon ru i Abragam pinobonsoi saguli' ri Aki Kapuuno' sabap ra binaal nali, makasasaban io lumimbau. Kaa' sotopot no ra pagilangan ri Aki Kapuuno' kolondo' sasaban io lumimbau.

RINALATAN 15:18

Ginio noyo ragu ru Tuhan, ondo' pinabala' No intor ra galing i.’ ”

MATIUS 3:9

Pai' karaa' ra akau ti kalo ukumin ru Tuhan sabap ra mindagu kau, ‘Akai ti papag ri Abragam.’ Balain takamin: I Aki Kapuuno' makakuasa' mambaal ra batu-batu ti masauk ra ulun papag ri Abragam!

KASAUKAN 17:20

Kaa' nangiou Aku noyo ra pakiasian muno ra tayar ri Ismail. Sabap raginio barakaton Ku am aniin Ku io ra papag ra masuang. Masauk Io ra kinamatuaan ru mopor am ruo ngaulun raja' am papag nano saukon Ku ra rondo' bansa' ondo' maayo kaga'.

JISAYA 51:2

Karaa' noyo kinamatuaan min, i Abragam am i Sara ondo' naganak ramuyun. Paat ra Aku nampiau ri Abragam, kolondo' anak nano, nambarakat Aku riso am nangani' riso ra papag ondo' masuang kaga'.

ROMA 4:18

Nangintopot am liminansan ayuk i Abragam ri Aki Kapuuno' kabalu' pana guang nano kolondo' boo kalansanan. Ginio boo ra sinauk io koson ra ama' ru masuang bansa', am koson tinulisan ra Buuk Kitab, “Papag muno masauk ra masuang kaga'.”

ROMA 9:11

Koson mampakito ra sangulun intor ra anak-anak pilian Nano, minindagu i Aki Kapuuno' ri Ribika, “Anak ra katuaan no mangandoi ra boborok nano.” Ginio rinagu Nano ra kalo poyo karuruo anak ni inanak am kalo poyo nambaal ilo ra moonsoi kapoam malaat. Maa' raginio makito toojo ra pilian ri Aki Kapuuno' no kalo inimpuun ra baal nilo, kaa' maya' ra pampiawan Nano galama' ayuk.

IBRANI 11:3

Sabap ra pangintapatan noyo, itakau makaintutun ra limbowon am tana' ti pinasauk ru bala' ri Aki Kapuuno'. Ginio ra ngaangai' ondo' makito nasauk intor ra atan ondo' kalo makito.