ROMA 4:16 - Tanou Moonsoi Timugon

¹⁶ Bantu' no inimpuun ra pangintapatan ru ulun ri Aki Kapuuno', maa' raginio bantu' no aruon koson ra taak intor ri Aki Kapuuno' ra ngaangai' papag ri Abragam. Sala' ka ayuk risilo ondo' gumagaya' ra Ukum ri Musa, kaa' niayuk risilo ondo' mangintopot ri Aki Kapuuno' mogondo' ri Abragam ragili. Sabap ra i Abragam koson ra ama' ru itakau ngaangai'.

ROMA 4:16 ပူးပေါင်းရင်းမြစ်များ

JISAYA 51:2

Karaa' noyo kinamatuaan min, i Abragam am i Sara ondo' naganak ramuyun. Paat ra Aku nampiau ri Abragam, kolondo' anak nano, nambarakat Aku riso am nangani' riso ra papag ondo' masuang kaga'.

LUKAS 19:9

Indagu i Jisus riso, “Orou raiti' akau sambaloi binayag ri Aki Kapuuno', sabap ra okou pana papag ri Abragam.

ROMA 15:8

Ginio ra balain takamin, i Kristus siminauk ra mangingindangan ra ulun ru Jaudi koson manulu' risilo ra suguton ri Aki Kapuuno' atan ondo' binantu' Nali ra kinamatuaan nilai.

ROMA 3:22

Ralalom pangintapatan ri Jisus Kristus ayuk ulun mobonsoi saguli' ri Aki Kapuuno'. Ginio saukon ra ulun ru Jaudi am poyo sala' ka Jaudi sabap ri Aki Kapuuno' kalo mampili' ra ulun.

ROMA 3:30

I Aki Kapuuno' rondo' ayuk, Io no mopobonsoi saguli' ra ulun ru Jaudi Riso maya' ra pangintapatan nilo. Io niayuk mopobonsoi saguli' ra ulun sala' ka Jaudi Riso maya' ra pangintapatan nilo.

ROMA 4:11

Tauli i sinunatan io, am sunat ti tatandu' ra apuon io ri Aki Kapuuno' koson ra sangulun ondo' mobonsoi saguli' Riso sabap ra pangintapatan nali. Intor raginio io no koson ra ama' ru ngaangai' ulun ondo' mangintopot, am ondo' inapu koson ulun ondo' mobonsoi saguli' ri Aki Kapuuno', kabalu' pana kalo sinunatan ilo.

ROMA 5:1

Raino itakau mobonsoi saguli' ri Aki Kapuuno' sabap ra pangintapatan takau Riso am makapabansayan noyo Riso ralalom ru Tuhan takau, i Jisus Kristus.

ROMA 9:8

Arati' no, sala' ka ngaangai' papag ri Abragam no sabiton anak ri Aki Kapuuno', kaa' ilo ayuk ondo' inanak maya' ra bantu' Nali.

GALATIA 3:14

Kapatayan ri Kristus ti noyo ondo' mangkinibit ra barakat binantu' ri Aki Kapuuno' ri Abragam i, makataak niayuk ra ulun sala' ka Jaudi. Ra pangintapatan ti noyo itakau makaapu ra Ambiluo ri Aki Kapuuno' ondo' binantu' ri Aki Kapuuno' i.

GALATIA 3:16

I Aki Kapuuno' nambaal ra nabantuan Nano ri Abragam am sangulun poyo intor ra papag nano. Kolondo' tinulisan ra Buuk Kitab, “Am papag muno”, arati' no ulun masuang. Kaa' ondo' tinulisan no am, “Sangulun intor ra papag muno”, ondo' arati' nano sangulun ayuk, io no i Kristus.

GALATIA 3:22

Kaa' mokoondo' tinulisan ra Buuk Kitab ra ngaangai' ulun kinuasa' ru tula. Ginio ra ondo' bantu' ri Aki Kapuuno' no makataak boo ra ulun ondo' mangintopot ri Jisus Kristus.

IPISUS 2:5

saboi sabap ri Kristus itakau inanian ra kaayagan bagu. Ragili itakau koson ra minatoi ayuk ra pagilangan Nano sabap ra anggal am tula takau, kaa' raino sabap ra asi' ri Aki Kapuuno' binayag takau noyo.

IPISUS 2:8

Sabap ra asi' ri Aki Kapuuno' noyo itakau binayag, ioginio sabap ra pangintapatan takau. Am kaayagan no sala' ka intor ra baal moonsoi takau, kaa' ginio taak intor ri Aki Kapuuno'.

TITUS 3:7

Bagu, intor ra kataawan Nano mobonsoi takau saguli' ri Aki Kapuuno' am poyo mokoowot takau ra kaayagan mantilayun ondo' lansanin takau raino.

2 PITRUS 1:10

Gino ra pabukat kau ngai', pirot kano mampakito ra kaayagan min ra piniau am pinili' kau ri Aki Kapuuno'. Sabap ra amon ru gitio noyo baalon min, kalo noyo lumugut kau.