ROMA 4:14 - Tanou Moonsoi Timugon

¹⁴ Amon ru bantu' ri Aki Kapuuno' pataakon ayuk risilo ondo' gumagaya' ra Ukum ri Musa, kolondo' boo arati' ru mangintopot ri Aki Kapuuno' am bantu' Nano kolondo' toojo onong.

ROMA 4:14 ပူးပေါင်းရင်းမြစ်များ

MAZMUR 119:126

Nasaboi noyo bulintok ra Okou mapaliman, iou Tuhan, sabap ra ulun kalo gumagaya' ra panusuban Muno.

JISAYA 55:11

ginio niayuk ra ragu ondo' paraguon Kuno kalo sumaguli' Raki' ra kolondo' ampos, kaa' makasugut mapaugar ra atan kasagaan Kuno, am makasugut ra nansalinut maguang Kuno.

JIRIMIA 19:7

Intok ragitio sulangon Ku ngaangai' inatangan ru ulun ru Jiuda am mamagun ru Jirusalim. Polosoon Ku ilo kalaan ru pantula' am potoyon ralalom ru pangayawan. Polosoon Ku baangkai nilo akanon ru susuit am bibiag masigo.

UNTABAN 30:12

Kaa' amon ru ralaki nano manginggalar riso manugut ra nazar nano paat nokorongog ra baal raginio, ruandu' no kalo boo panuguton ra nazar nano. Ralaki nano nanginggalar riso, am mangampun Tuhan ra ruandu' no.

UNTABAN 30:15

Kaa' amon ru nasulang ru ralaki no nazar kapoam bantu' ru andu' nano paat ra orou tauli, ralaki no musiti' mansaan ra kinibit ru kasulangan ru nazar no.

ROMA 3:31

Motopot kia sabap ra pangintapatan takau ri Kristus Ukum ri Musa no patirin boo? Maaru' kalo! Sotopot no mangurumat takau ra Ukum ri Musa no.

ROMA 4:16

Bantu' no inimpuun ra pangintapatan ru ulun ri Aki Kapuuno', maa' raginio bantu' no aruon koson ra taak intor ri Aki Kapuuno' ra ngaangai' papag ri Abragam. Sala' ka ayuk risilo ondo' gumagaya' ra Ukum ri Musa, kaa' niayuk risilo ondo' mangintopot ri Aki Kapuuno' mogondo' ri Abragam ragili. Sabap ra i Abragam koson ra ama' ru itakau ngaangai'.

1 KORINTUS 1:13

Kaa' ilo ondo' mangintopot ri Kristus kalo maalap katatayar. Pai' ru aku minatoi sinalip koson ra kaatangan min. Akau pana pai' ru riniu' koson masauk ra maamaya' kuno.

GALATIA 2:21

Kalo noyo lilianin ku asi' ri Aki Kapuuno' ti. Amon ru sasangulun no mobonsoi saguli' ri Aki Kapuuno' sumugut ra Ukum ri Musa, arati' no pinatayan ri Kristus i kolondo' noyo onong!

GALATIA 5:4

Akau ondo' mangkinam mobonsoi saguli' ri Aki Kapuuno' mumbaya' Ukum ri Musa no, ginio mogondo' ayuk ra ukaton min boo pabukatan min ri Kristus am kalo boo makaapu kau ra asi' ri Aki Kapuuno'.

PILIPI 3:9

Am ginio sala' ka boo intor ra katapatan kuno galama' koson gumagaya' ra Ukum ri Musa, kaa' intor ra katapatan ri Aki Kapuuno' ondo' pinataak no raki' sabap ra pangintapatan ku ri Kristus.

IBRANI 7:19

Sabap ra Ukum ri Musa kalo mampakatanda' ra osoi ayuk pana. Ginio ra inanian takau ra kalansanan moonsoi poyo am mansail raginio makainggaar takau ri Aki Kapuuno'.

IBRANI 7:28

Ukum ri Musa mangaru' ra ulun ondo' kalo matanda' masauk ra Tingganai Maayo Imam. Kaa' malupus Ukum ni, nambantu' am nagibot i Aki Kapuuno' ra mampili' Io ra Anak Nano ondo' pinasauk ra kolondo' sala, masauk ra Tingganai Maayo Imam ra sabuoi-buoi no.