ROMA 3:9 - Tanou Moonsoi Timugon

⁹ Koson poyo raginio, ralalom pagilangan ri Aki Kapuuno', akai ulun ru Jaudi moonsoi poyo kia intor ra ulun sala' ka Jaudi? Maaru' kalo! Pinabala' ku noyo ra iou pana ulun ru Jaudi kapoam sala' ka Jaudi, ngaangai' noyo kinuasa' ru tula.

ROMA 3:9 ပူးပေါင်းရင်းမြစ်များ

AMSAL 20:9

Makakau' kia ulun mindagu ra sotopot-topot no ra guang nilono mapasau, am tula nilono inampun?

JISAYA 65:5

Kopongo raginio mindagu ilo, ‘Inggalur no ramon. Pai' kambong ramon sabap ra akai ti mapasau kaga' ramuyun!’ Masisang Aku ra ulun makapaliso koson raginio. Sangit Kuno risilo koson ra apui ondo' kalo igondo' kalasa'.

LUKAS 7:39

Kakito ru ulun ru Parisi no baal raginio, kon ru guang nali, “Amon ru sangulun nabi Io, kua polosoo' no ruandu' koson ragitio kumambong Riso. Maaru' nakapandai Io ra sotopot no ruandu' ti kauligan ra makatula!”

ROMA 1:18

Intor ra suruga' nampaintalang noyo i Aki Kapuuno' ra sangit am ukum Nano ra ngaangai' tula am kalaatan ru ulun, sabap raginio mongompong ra ulun mintutun ra pangilaan motopot intor ri Aki Kapuuno'.

ROMA 11:32

Ngaangai' ulun inukum noyo ri Aki Kapuuno' koson ra ulun inaput, sabap ra ilo ti kalo giminagaya' Riso. Maa' raginio makapangasi' Io ra ngaangai' ulun.

ROMA 11:7

Arati' ru ginio kalo natuum ru ulun ru Israil atan ondo' inuyum nilai. Kaa' ondo' nakatuum am kukula' ngaulun pinili' Nano ayuk am bokon no nangimpai ra pampiawan ri Aki Kapuuno'.

ROMA 2:1

Pabukat kau ngaangai', intor raginio, makakau' kau kia mononsol ra ulun bokon? Kolondo' sasaban min amon ru ukumin kau. Sabap ra amon ru mononsol kau ra ulun bokon kaa' akau galama' pana nogondo' niayuk makasala, akau galama' migukum.

ROMA 3:1

Amon ru koson poyo raginio, atan kaansayan ru ulun ru Jaudi intor ra ulun sala' ka Jaudi? Am atan kia onong ru sunat risilo?

ROMA 3:19

Ginio ra raino mapandayan takau noyo ra ngaangai' ondo' tinulisan ra Ukum i, pasukuon risilo ondo' gumagaya' ra Ukum no. Kolondo' sasaban boo ru sangulun pana am ngaangai' ulun ru tana' ti maukum ri Aki Kapuuno'.

ROMA 3:5

Kaa' amon ru kalaatan takati mampainono' ra i Aki Kapuuno' mabanis guang, atan taaman takau? Makasala kia i Aki Kapuuno' amon ru mangukum Io ritakau? (Ragu kutu maya' ra pangkaraan ru ulun ayuk.)

ROMA 6:15

Ati kulaan raino? Makapambaal takau kia ra tula, sabap ra kaayagan takau inimpuun ra asi' ri Aki Kapuuno' am kalo boo inimpuun ra Ukum ri Musa? Maaru' kalo!

ROMA 7:14

Makapandai takau noyo ra Ukum ri Musa no intor ra Ambiluo ri Aki Kapuuno', kaa' aku ti ulun ayuk ondo' inulipon ru tula.

1 KORINTUS 10:19

Atan sotopot no kon kuni? Sinungkalalaing kapoam akanon ondo' pinampakan risilo no kolondo' toojo arati'.

1 KORINTUS 14:15

Ginio poyo, atan baalon kuno? Koson ragitio; makiasi' Ambiluo ri Aki Kapuuno' ralalom kuno, kaa' makiasi' aku niayuk mabaya' ra pangkaraan kuno. Marimbai Ambiluo ri Aki Kapuuno' ralalom kuno, kaa' marimbai aku niayuk mabaya' ra pangkaraan kuno.

1 KORINTUS 4:7

Osoi kia nampasauk ramuyun maatang intor ra ulun bokon? Sala' ka kia i Aki Kapuuno' nangani' ramuyun ra ngaangai' ondo' naapu mino? Kua guat lumimbau kau, koson atan ondo' soroi ramuyun sala' ka tinaakan?

GALATIA 3:10

Mapara' piboo usung nilo ondo' mampagagaya' ra Ukum ri Musa. Mokoondo' tinulisan ra Buuk Kitab ra, “Osoi kalo masalok makaaya' ra ngaangai' ondo' tinulisan ra Ukum ri Musa, ulun raginio usungon ri Aki Kapuuno'!”

GALATIA 3:22

Kaa' mokoondo' tinulisan ra Buuk Kitab ra ngaangai' ulun kinuasa' ru tula. Ginio ra ondo' bantu' ri Aki Kapuuno' no makataak boo ra ulun ondo' mangintopot ri Jisus Kristus.

PILIPI 1:18

Polosoon noyo ginio, sabap raginio kalo niayuk mantipagon raki'. Mabaya' ra guang nilo ra motopot kapoam malaat kia, pinatanou nilo niayuk pangilaan ri Kristus i; am gitio noyo kaansukan kutu.