ROMA 3:8 - Tanou Moonsoi Timugon

⁸ Kua guat pai' takau raguo', “Moonsoi mambaal takau ra malaat, bagu atan ondo' moonsoi no masauk”? Mokoondo' niayuk kukula' ngaulun boo magasab am manguu' raki', konilo, “Mindagu i Paulus koson raginio!” Ukumin ilo ri Aki Kapuuno' maya' ra binaal nilai no.

ROMA 3:8 ပူးပေါင်းရင်းမြစ်များ

JIRIMIA 40:16

Kaa' taam i Gidalia, “Pai' baalo' ginuang muno! Ragu-ragu muno intor ri Ismail no kalo motopot!”

MATIUS 5:11

Pakaansuk kano amon ru asabin, imboloon am niayuk ilaaton kau ru ulun, sabap ra akau mangintopot Raki'.

ROMA 5:20

Ukum ri Musa tinaakan ri Aki Kapuuno'. Kaa' kapiratan ru ulun gumagaya' raginio mangkinibit risilo manggal ra Ukum no am tumula ri Aki Kapuuno'. Kaa' rumuang pana tula no, mulu' poyo kataawan ri Aki Kapuuno' no rumuang.

ROMA 6:1

Amon ru ginio poyo, atan boo paraguon takau? Rumayus takau kia pambaal ra tula, maa' raginio gumaai poyo togom ri Aki Kapuuno' no ritakau?

ROMA 6:15

Ati kulaan raino? Makapambaal takau kia ra tula, sabap ra kaayagan takau inimpuun ra asi' ri Aki Kapuuno' am kalo boo inimpuun ra Ukum ri Musa? Maaru' kalo!

ROMA 7:7

Amon ru ginio poyo, atan boo paraguon takau? Malaat kia Ukum ri Musa no? Maaru' kalo! Kaa' Ukum ri Musa niayuk ondo' mampatutun raki' ra atan sotopot no tula. Amon ru kolondo' tinulisan ra Ukum ri Musa no, “Pai' pagingkaut,” maaru' kalo makapandai aku ra arati' ru magingkaut.

2 KORINTUS 11:15

Ginio nai ra kalo niayuk makaimuag amon ru ulipon-ulipon ru Tingganai ru riwato no sumalu ra ulipon ru katapatan. Pupus no balasin ilo maya' ra ondo' binaal nilai no.

2 KORINTUS 6:8

Urumaton akai am niayuk asabin; omporon akai am niayuk ilaaton. Kabalu' pana mabanis guang mai, uwin akai ra maabau-abau.

JUDAS 1:4

Sabap ra mokoondo' kukula' ngaulun mangapuka' suminok ayuk simpung ritakau. Ilo ti ulun malaat ondo' manumbalik ra togom tinaakan ri Aki Kapuuno', koson sumimbat ilo pambaal ra atan ayuk pansasawaan. Ilo ti kalo mangapu ri Jisus Kristus, ondo' Io ayuk rondo'-rondo' Nanguasa' am Tuhan takau. Intor ra galing i ukum pataakin risilo inala' noyo ru Buuk Kitab.