ROMA 3:4 - Tanou Moonsoi Timugon

⁴ Maaru' kalo! Ondo' raguon ri Aki Kapuuno' motopot, kabalu' pana ngaangai' ulun maabau-abau. Mokoondo' tinulisan ra Buuk Kitab intor ri Aki Kapuuno', “Paat ra Okou mindagu, ngaangai' makapandai ondo' raguon Muno motopot, am paat ra Okou uwin, maala ngaangai' ondo' manguu' Rirun.”

ROMA 3:4 ပူးပေါင်းရင်းမြစ်များ

AYUP 36:3

Napandayan kuno malandom; pakayon ku ginio koson manulu' ra Namangun raki' matimpok.

AYUP 40:8

Kuminam kou kia mapainono' ra Aku kalo matimpok, am mononsol Raki' ra mangiou rirun?

MAZMUR 100:5

Tuhan no moonsoi; Tagamin No ulun Nano am gagayaan No ilo ra sabuoi-buoi no.

MAZMUR 116:11

Kabalu' pana magalabo mindagu aku, “Kolondo' sangulun pana maintopot.”

MAZMUR 119:160

Ngaangai' bala' Muno motopot, am nansalinut ukum Muno ra matimpok mantilayun ra sabuoi-buoi no.

MAZMUR 138:2

Migulatur aku tumingkuang ra Baloi Muno ondo' matulai liliwa' mongompor ra inggalan Muno, sabap ra Okou ti magagaya' am togom Muno mantilayun, am nanulu' Kou noyo ra inggalan Muno am bala' Muno matulai.

MAZMUR 51:4

Bagui' aku no intor ra ngaangai' kalaatan kuno, am liungi' aku no intor ra tula kuno.

MAZMUR 62:9

Akau bansa' kuno, pangintopot kano ri Aki Kapuuno' ra moonong bulintok. Pabalaa' min noyo Riso ngaangai' kapaganan mino, sabap ra Io noyo intok takau sumindung.

MIKA 7:20

Mampakito Kou ra gagaya' Muno am togom Muno ondo' mantilayun ra ngaangai' ulun Muno, papag ri Abragam am Jakub, koson ondo' binantu' Muli ra kinamatuaan mai ra galing i.

MATIUS 11:19

Paat ra Anak ru Ulun no matong mangakan am manginum; kon boo ru ulun, ‘Ilai' min ulun no! Moroot, gagaukon, am rangan ru mampalulur ra cukai am ulun ondo' karaan ra malaat!’ Kaa' kapintaran ri Aki Kapuuno' makito intor ra kaayagan ru ulun ondo' nangapu ra kapintaran raginio.”

LUKAS 20:16

Matong io am potoyon no ilo ngaangai' am pasiwain no ra ulun ra bokon.” Pakaining ulun-ulun raginio, indagu ilo, “Kalo tupo masauk!”

JUANIS 3:33

Kaa' osoi ayuk mangintopot ra kaintutunan Nano, io no mangiou ra i Aki Kapuuno' no motopot.

ROMA 11:1

Ginio ra mangkuot aku poyo: Inimpayan kia ri Aki Kapuuno' ulun pinili' Nano? Maaru' kalo! Aku galama' pana ulun ru Israil, papag ri Abragam tayar ri Binjamin.

ROMA 11:11

Ginio ra mangkuot aku po: Karatu' ulun ru Jaudi no koson luuson ilo kia ri Aki Kapuuno'? Maaru' kalo! Sabap ra tula ru ulun ru Jaudi, ondo' sala' ka Jaudi boo bayagon, koson ra ulun ru Jaudi no mangusolon boo risilo.

ROMA 3:31

Motopot kia sabap ra pangintapatan takau ri Kristus Ukum ri Musa no patirin boo? Maaru' kalo! Sotopot no mangurumat takau ra Ukum ri Musa no.

ROMA 6:15

Ati kulaan raino? Makapambaal takau kia ra tula, sabap ra kaayagan takau inimpuun ra asi' ri Aki Kapuuno' am kalo boo inimpuun ra Ukum ri Musa? Maaru' kalo!

ROMA 6:2

Maaru' kalo! Itakau ondo' kalo boo kuasaan ru tula, sotopot no kalo boo rumayus mambaal ra tula.

ROMA 7:13

Amon ru koson poyo raginio, ondo' moonsoi no kia mangkinibit raki' ra kapatayan? Maaru' kalo! Mansail ra ukum ondo' moonsoi, tula noyo ondo' mangkinibit raki' ra kapatayan. Guang mambaal ra tula mauligan toojo am mansail ra ukum mapandayan noyo ra kinalaat ru tula no.

ROMA 7:7

Amon ru ginio poyo, atan boo paraguon takau? Malaat kia Ukum ri Musa no? Maaru' kalo! Kaa' Ukum ri Musa niayuk ondo' mampatutun raki' ra atan sotopot no tula. Amon ru kolondo' tinulisan ra Ukum ri Musa no, “Pai' pagingkaut,” maaru' kalo makapandai aku ra arati' ru magingkaut.

ROMA 9:14

Intor raginio, atan boo paraguon takau? Mabanis kia guang ri Aki Kapuuno'? Maaru' Io mabanis guang!

1 KORINTUS 6:15

Nakapandai kano ra inan mino koson ra santayaran ru inan ri Kristus. Ginio poyo, moonsoi kia ru alapon santayaran ra inan ri Kristus no am pasimpungo' ra ruandu' mantalan ra inan? Kalo, kalo noyo toojo.

2 KORINTUS 1:18

Sabap ri Aki Kapuuno' ondo' malansanan toojo, ragu kuno ramuyun kalo makulau ra “Iou” am “Kalo”.

GALATIA 2:17

Amon ru mapandayan noyo ra akai pana ulun makatula koson ra ulun sala' ka Jaudi – kabalu' pana gumogot akai makimobonsoi saguli' ri Aki Kapuuno' ralalom pasimpungan mai ri Kristus – arati' nano i Kristus kia ondo' mangkinibit ritakau makatula? Topot-topot kalo!

GALATIA 2:21

Kalo noyo lilianin ku asi' ri Aki Kapuuno' ti. Amon ru sasangulun no mobonsoi saguli' ri Aki Kapuuno' sumugut ra Ukum ri Musa, arati' no pinatayan ri Kristus i kolondo' noyo onong!

GALATIA 6:14

Kaa' aku kalo noyo lumimbau. Ondo' ayuk omporon ku am namatayan ru Tuhan takau i Jisus Kristus ra salip. Sabap ra namatayan ri Kristus ra salip, kaayagan ku ra tana' ti kolondo' boo arati' no raki'. Kalo boo mangkara' aku ra baal ondo' makito ru ulun.

SAGULION 32:4

“Tuhan manaung ramuyun ondo' mapanggol, Io matanda' am matimpok ralalom ru ngaangai' baal; i Aki Kapuuno' min mampagagaya', kolondo' abau Riso, nambaal Io ra ondo' moonsoi am ondo' motopot.

1 TIMOTIUS 3:16

Kolondo' sangulun pana makapagali' ra mumpara' boo bonsoi ru pangilaan motopot ondo' kalo igondo' pinabala' i, ioginio: Minintalang i Jisus Kristus am nasauk ra ulun, iniou Io ru Ambiluo ri Aki Kapuuno', nakito Io ru malaikat-malaikat. Pinatanou Io ra ngaangai' bansa', inintopot Io ru ulun ra ngaangai' libung ru tana' ti, am kinayang Io minuli' ra katulayan ru suruga'.

TITUS 1:2

Pangilaan raginio noyo puun ru kalansanan takau ra mokoowot takau ra kaayagan mantilayun ondo' binantu' ri Aki Kapuuno' ra kalo poyo tana' ti biningkal. Kalo noyo magabau i Aki Kapuuno'.

IBRANI 6:18

Sabap ri Aki Kapuuno' kalo mapandai magabau, bantu' am ibot Nano kalo maalap kakulau. Intor raginio itakau ondo' nakialung Riso, maikang kalansanan takau ra bantu' Nano suguton No.

1 JUANIS 5:10

Ginio ra osoi ayuk mangintopot ra Anak ri Aki Kapuuno', nakaapu io noyo ra kaintutunan ragitio ralalom ru guang nano. Kaa' osoi ayuk kalo mangintopot ri Aki Kapuuno', manguu' io ri Aki Kapuuno' magabau, sabap ra kalo nangintopot io ra atan ondo' rinagu ri Aki Kapuuno' intor ra Anak Nano, i Jisus Kristus.

1 JUANIS 5:20

Nakapandai takau ra minatong noyo Anak ri Aki Kapuuno' am nangani' ritakau ra kaintutunan koson makaulig takau ri Aki Kapuuno'. Maayag takau sumimpung ri Aki Kapuuno' am niayuk i Jisus Kristus. Io noyo i Aki Kapuuno' ondo' motopot, am gitio noyo kaayagan motopot am mantilayun.

PINAINTALANG 3:7

“Tulisi' koson ragitio ra malaikat ru pasimpungan ulun Kristian giu' ra bandar Piladilpia: “Gitio noyo bilin intor Riso ondo' matulai am motopot, am kunsi' ru raja' Daut soroi Riso; paat ra ukabin No kulobon no, angabin ru osoi ayuk pana kalo maangaban, am paat ra angabin No, ukabin ru osoi ayuk pana kalo maukaban.