ROMA 3:31 - Tanou Moonsoi Timugon

³¹ Motopot kia sabap ra pangintapatan takau ri Kristus Ukum ri Musa no patirin boo? Maaru' kalo! Sotopot no mangurumat takau ra Ukum ri Musa no.

ROMA 3:31 ပူးပေါင်းရင်းမြစ်များ

GALATIA 2:21

Kalo noyo lilianin ku asi' ri Aki Kapuuno' ti. Amon ru sasangulun no mobonsoi saguli' ri Aki Kapuuno' sumugut ra Ukum ri Musa, arati' no pinatayan ri Kristus i kolondo' noyo onong!

MATIUS 5:17

“Pai' kau pangkara' ra Aku matong mamuso ra Ukum ri Musa am pangilaan ru nabi-nabi. Aku matong sala' ka mamuso kaa' maa' raginio ngaangai' pangilaan no masauk.

1 KORINTUS 9:21

Mogondo' niayuk ra aku sumimpung ra ulun ondo' sala' ka Jaudi, paliso kuno koson ayuk ra ulun sala' ka Jaudi, maa' raginio makapangkimait aku risilo mangintopot ri Kristus. Arati' nati, sala' ka kalo gumagaya' aku ra susuban ri Aki Kapuuno'; sotopot no sumugut aku ra susuban ri Kristus.

ROMA 10:4

Pinupusan noyo ri Kristus Ukum ri Musa, maa' raginio osoi ayuk mangintopot Riso, io no pobonsoyon saguli' ri Aki Kapuuno'.

ROMA 8:4

I Aki Kapuuno' nambaal raginio koson ra susuban ru Ukum ri Musa no gagayaan takau ondo' maayag maya' ra kuasa' ru Ambiluo ri Aki Kapuuno' am sala' ka paliso ru itakau ulun.

GALATIA 2:19

Maya' ra Ukum ri Musa, aku ti naukum noyo ra potoyon – koson ra minatoi aku no – maa' raginio mobonsoi aku saguli' ri Aki Kapuuno'. Koson aku ti pinasimpung noyo ri Kristus ra salip i.

ROMA 7:22

Maansukan guang kuno ra ukum intor ri Aki Kapuuno'.

ROMA 4:14

Amon ru bantu' ri Aki Kapuuno' pataakon ayuk risilo ondo' gumagaya' ra Ukum ri Musa, kolondo' boo arati' ru mangintopot ri Aki Kapuuno' am bantu' Nano kolondo' toojo onong.

ROMA 3:4

Maaru' kalo! Ondo' raguon ri Aki Kapuuno' motopot, kabalu' pana ngaangai' ulun maabau-abau. Mokoondo' tinulisan ra Buuk Kitab intor ri Aki Kapuuno', “Paat ra Okou mindagu, ngaangai' makapandai ondo' raguon Muno motopot, am paat ra Okou uwin, maala ngaangai' ondo' manguu' Rirun.”

MATIUS 15:6

kalo boo pana mangurumat ulun no ra ama' nano. Koson raginio noyo inimpayan min ragu ri Aki Kapuuno' am gumagaya' ra pangilaan min galama'.

MATIUS 5:20

Balain takamin: Amon ru gumagaya' kau toojo ra kasagaan ri Aki Kapuuno' intor ra mangingila' ra Ukum ri Musa am ulun-ulun ru Parisi, bagu no masauk kau ra ulun ri Aki Kapuuno'.”

MATIUS 3:15

Kaa' taam i Jisus, “Polosoon ayuk ra raino ti, sabap ra koson ragitio ito sumugut ra kasagaan ri Aki Kapuuno'.” I Juanis pana nangiou.

JISAYA 42:21

Masalok Tuhan masaga' mamayag; masaga' Io ra ukuman Nano urumaton am tulayon.

MAZMUR 119:126

Nasaboi noyo bulintok ra Okou mapaliman, iou Tuhan, sabap ra ulun kalo gumagaya' ra panusuban Muno.

MAZMUR 40:8

Ginio sabap ra aku tumaam, “Gitio aku ti; panusuban Muno raki' natulisan ralalom ru kitab ru Ukum.

LUKAS 20:16

Matong io am potoyon no ilo ngaangai' am pasiwain no ra ulun ra bokon.” Pakaining ulun-ulun raginio, indagu ilo, “Kalo tupo masauk!”

ROMA 2:20

Mampatanda' kau ra ulun sasambungon am mangingila' kau niayuk ra ulun kolondo' guang. Mangintopot kau ra intor ra Ukum ri Musa ti mokoowot kau ra ngaangai' kapandayan am pangilaan motopot.

ROMA 3:6

Maaru' kalo! Sabap ra amon ru guang ri Aki Kapuuno' kalo mabanis, maaru' kalo noyo makapangakim Io ra ulun ru tana' ti.