ROMA 3:3 - Tanou Moonsoi Timugon

³ Kaa' atan koson amon ru mokoondo' ulun ru Jaudi kalo mampagagaya' ra ragu Nano? Ginio kia mangkinibit ra i Aki Kapuuno' kalo manugut ra bantu' Nano risilo?

ROMA 3:3 ပူးပေါင်းရင်းမြစ်များ

MAZMUR 84:7

Liliwa' nilo minugar ra lampam Baka ondo' napua', lampam raginio pana makataur boo ru timug; rasam lair namanu' ra kulam-kulam nano.

JISAYA 55:11

ginio niayuk ra ragu ondo' paraguon Kuno kalo sumaguli' Raki' ra kolondo' ampos, kaa' makasugut mapaugar ra atan kasagaan Kuno, am makasugut ra nansalinut maguang Kuno.

UNTABAN 23:19

I Aki Kapuuno' sala' ka ulun, kalo magabau Io; I Aki Kapuuno' sala' ka ulun toojo, kalo mangulau Io ra pangkaraan. Atan ondo' binantu' Nano suguton No; atan ondo' rinagu Nano maaru' baalon No.

MATIUS 24:35

Limbowon am tana' ti mapuso, kaa' ragu Kutu mantilayun.”

JUANIS 1:16

Sabap ra togom Nano ra maayo no, kalo lumonggo' Io mambarakat ritakau.

ROMA 10:16

Kaa' sala' ka ngaangai' ulun mangintopot ra Tanou Moonsoi. Kon ru nabi Jisaya, “O Tuhan, mokoondo' kia mangintopot ra tanou pabalaan maiti?”

ROMA 11:29

Sabap ra kalo makulau guang ri Aki Kapuuno' ra ulun pinili' am binarakat Nano.

ROMA 9:6

Kalo mindagu aku ra bantu' ri Aki Kapuuno' i kalo nasugut. Kaa' sala' ka ngaangai' bansa' ru Israil pinili' ri Aki Kapuuno',

2 KORINTUS 3:18

Raino bulos takau ngai' kalo nasilian am mapatampulau takau boo ra sinda ru katulayan ru Tuhan. Sinda ru katulayan raginio niayuk ondo' mangulau ritakau masauk nogondo' Riso, koson buoi-kabuoi gumaai sinda ru katulayan takau. Ngaangai' ti intor noyo ra Ambiluo ru Tuhan.

2 TISALONIKA 1:3

Pabukat ku ngai', musiti' akai masalok maringkuanang ri Aki Kapuuno' sabap ra akau. Am ginio noyo maaru' baalon mai, sabap ra mulu' poyo boo akau mangintopot ri Kristus am togom maayo min ra ulun bokon.

2 TIMOTIUS 2:13

Kabalu' pana kalo mampagagaya' takau Riso, intopoton No bantu' Nali ritakau, sabap ra kalo noyo maungga' bantu' Nano.”

IBRANI 4:2

Sabap ra Tanou Moonsoi no pinabala' noyo ritakau mogondo' ra ulun ra galing i. Kaa' koson risilo, tanou no kolondo' onong, sabap ra paat ra ilo nakaining kalo inapu nilo mabaya' ra pangintapatan.

1 SAMUIL 15:29

I Aki Kapuuno' ondo' matulai, i Aki Kapuuno' ru Israil no kalo nagabau am kalo nangulau ra ginuang Nano, sabap ra Io sala' ka ulun.”