ROMA 3:27 - Tanou Moonsoi Timugon

²⁷ Ginio ra kolondo' boo sasaban takau lumimbau. Kua guat koson raginio? Sabap ra itakau gumagaya' ra Ukum ri Musa kia? Kalo, kaa' sabap ra mangintopot takau.

ROMA 3:27 ပူးပေါင်းရင်းမြစ်များ

JIPANYA 3:11

Paat raginio, akau ulun Kuno, kalo boo pana mauyu' kau sabap giminuor kano Raki'. Impayin Ku moonong ulun malilimbau am minsawat ragu; akau kalo boo gumuor Raki' giu' ra bulur Kuno ondo' matulai.

MARKUS 16:16

Osoi ayuk mangintopot am riwon, io no bayagon; kaa' osoi ayuk kalo mangintopot, io no ukumin.

JUANIS 3:36

Maa' raginio osoi ayuk mangintopot ra Anak no mokoowot ra kaayagan motopot am mantilayun. Kaa' osoi ayuk kalo gumagaya' Riso no, kalo mokoowot ra kaayagan no, kaa' mantilayun i Aki Kapuuno' masisang riso.

ROMA 10:5

Gitio noyo tinulisan ru nabi Musa intor ra ralan mobonsoi saguli' ri Aki Kapuuno' ondo' pinabala' galing ra Ukum no, “Osoi gumagaya' ra ngaangai' susuban ru Ukum no, maayag io.”

ROMA 11:6

Pampilian ri Aki Kapuuno' maya' ra kataawan Nano am sala' ka maya' ra atan ondo' binaal ru ulun. Sabap ra amon ru pampilian ri Aki Kapuuno' maya' niayuk ra binaal ru ulun, arati' no ginio sala' ka totopot kataawan.

ROMA 2:17

Raino ati kulaan ramuyun? Kamin, “Akai ulun ru Jaudi.” Lumansan kau ra Ukum ri Musa am lumimbau ra akau ulun ri Aki Kapuuno'.

ROMA 2:23

Lumimbau kau ra akau mokoondo' ra Ukum ri Musa, kaa' akau galama' mampakauyu' ri Aki Kapuuno' ra kalo gumagaya' kau ra susuban Nano.

ROMA 3:19

Ginio ra raino mapandayan takau noyo ra ngaangai' ondo' tinulisan ra Ukum i, pasukuon risilo ondo' gumagaya' ra Ukum no. Kolondo' sasaban boo ru sangulun pana am ngaangai' ulun ru tana' ti maukum ri Aki Kapuuno'.

ROMA 3:26

Kaa' raino kalo boo polosoon No tula ru ulun koson mampakito ra kinabanis ru guang Nano. Ginio mampakito ra i Aki Kapuuno' motopot am mopobonsoi saguli' Io ra moonong ulun ondo' mangintopot ri Jisus.

ROMA 4:2

Amon ru i Abragam pinobonsoi saguli' ri Aki Kapuuno' sabap ra binaal nali, makasasaban io lumimbau. Kaa' sotopot no ra pagilangan ri Aki Kapuuno' kolondo' sasaban io lumimbau.

ROMA 7:21

Intor raginio ilain ku makakuasa' ukum ragitio: Amon ru masaga' aku mambaal ra moonsoi, ondo' malaat ayuk rorondo' pilion kuno.

ROMA 7:23

Kaa' matutunan ku ralalom ru guang kuno mokoondo' poyo ukum ondo' mantutula' ra ukum ondo' iowon ru guang kuno. Ginio ra uliponon aku ru ukum ru tula ondo' manguasa' ra inan kuno.

ROMA 8:2

Sabap ra ukum ru Ambiluo ri Aki Kapuuno' ondo' mangani' ra kaayagan ra pasimpungan takau ri Kristus Jisus, nampalabus noyo raki' intor ra ukum ondo' mangkinibit ra tula am kapatayan.

ROMA 9:11

Koson mampakito ra sangulun intor ra anak-anak pilian Nano, minindagu i Aki Kapuuno' ri Ribika, “Anak ra katuaan no mangandoi ra boborok nano.” Ginio rinagu Nano ra kalo poyo karuruo anak ni inanak am kalo poyo nambaal ilo ra moonsoi kapoam malaat. Maa' raginio makito toojo ra pilian ri Aki Kapuuno' no kalo inimpuun ra baal nilo, kaa' maya' ra pampiawan Nano galama' ayuk.

ROMA 9:31

Kaa' ulun ru Israil ondo' mansail ra Ukum ri Musa mirot mobonsoi saguli' ri Aki Kapuuno', kalo nokoowot ilo.

ROMA 9:32

Kua guat? Sabap ra mangkinam ilo mobonsoi saguli' ri Aki Kapuuno' ralalom ru kapiratan nilo galama', am sala' ka ralalom ru pangintapatan nilo ri Aki Kapuuno'. Ginio ra ilo nakasaru ra ‘batu nasaruan’.

1 KORINTUS 4:7

Osoi kia nampasauk ramuyun maatang intor ra ulun bokon? Sala' ka kia i Aki Kapuuno' nangani' ramuyun ra ngaangai' ondo' naapu mino? Kua guat lumimbau kau, koson atan ondo' soroi ramuyun sala' ka tinaakan?

GALATIA 2:16

Kaa' mapandayan noyo ra sasangulun no mobonsoi saguli' ri Aki Kapuuno' sabap ra mangintopot io ayuk ri Jisus Kristus, am pai' ru maya' ra Ukum ri Musa. Akai pana nangintopot ri Jisus Kristus, maa' raginio mobonsoi akai saguli' ri Aki Kapuuno' sabap ra pangintapatan mai ti, am sala' ka maya' ra Ukum ri Musa. Kolondo' sangulun pana mobonsoi saguli' ri Aki Kapuuno' maya' ra Ukum ri Musa.

GALATIA 3:22

Kaa' mokoondo' tinulisan ra Buuk Kitab ra ngaangai' ulun kinuasa' ru tula. Ginio ra ondo' bantu' ri Aki Kapuuno' no makataak boo ra ulun ondo' mangintopot ri Jisus Kristus.