ROMA 3:25 - Tanou Moonsoi Timugon

²⁵ Ginio ra i Jisus Kristus pinataak ri Aki Kapuuno' ra potoyon maa' raginio ra pinatayan Nano, tula ru ulun ampunon amon ru mangintopot ilo Riso. Binaal ri Aki Kapuuno' ginio koson manulu' ra kinabanis ru guang Nano, sabap ra galing i mataan guang Nano ra tula ru ulun saboi kalo nangukum risilo.

ROMA 3:25 ပူးပေါင်းရင်းမြစ်များ

MAZMUR 119:142

Katimpakan Muno mantilayun ra sabuoi-buoi no, am Ukum Muno motopot.

MAZMUR 22:31

Papag ra orou matong no niayuk mangandoi ayuk Riso; inggalan ru Tuhan sunuron ru ulun ra papag nilono.

MAZMUR 40:10

Ralalom pantimungan ru ulun Muno tunungon kuno tanou moonsoi ra Okou namayag ramon. Kalo langgain ku tunung kuno. Iou Tuhan, ngaangai' no napandayan Mu noyo.

MAZMUR 50:6

Limbowon napatanou ra katimpakan ri Aki Kapuuno', sabap ri Aki Kapuuno' noyo akim.

MAZMUR 97:6

Limbowon mapabala' ra katimpakan Nano, am ngaangai' bansa' magilong ra katulayan Nano.

MAZMUR 98:2

Pabalaan ru Tuhan namanangan Nano; paraguon No katimpakan Nano ra ngaangai' bansa'.

JISAYA 53:11

Mopongo maimbolo', maansukan io saguli'; makapandai io ra kaimbalaan nano mokoonong toojo. Ulipon Kuno, ondo' gumagaya' am ondo' iowon Kuno, Magiba' ra ukuman ru ulun masuang; am sabap io, Aku mangampun risilo.

IMAMAT 16:10

Kambing ondo' napili' ra tayar ru Ajajil, musiti' pataakon ra io biag no ra Tuhan, am palabuson giu' ra tana' kaagisan tayar ru Ajajil maa' raginio tula ru ulun ru Israil pusoon.

IMAMAT 16:15

Musiti' i Arun manimbalui boo ra kambing no tayar ra taak simbalui koson mangampun ra tula ru ulun ru Israil. Musiti' io magibit ra raraa' ru kambing no mumpos ralalom ru Lamin Matulai Kaga', am mapatakis ra raraa' no giu' ra rasawat ru tataub ru Kaban Nabantuan am giu' ra saang ru Kaban no koson ra ondo' binaal no noyo ra raraa' ru sapi' gawayan no.

JUANIS 6:47

Balain takamin toojo: Osoi ayuk mangintopot, mokoowot io ra kaayagan motopot am mantilayun.

RINALATAN 14:16

Galing i pinoloso ri Aki Kapuuno' ngaangai' bansa' maayag maya' ra kasagaan nilo sigagama'.

RINALATAN 15:18

Ginio noyo ragu ru Tuhan, ondo' pinabala' No intor ra galing i.’ ”

RINALATAN 17:30

Kalo boo karaan ri Aki Kapuuno' paat ru ulun kalo nakaulig Riso ra galing i. Kaa' raino nanusub Io ra ngaangai' ulun ru tana' ti tumalikur intor ra tula nilai.

RINALATAN 2:23

Sumugut ra nangaruan ri Aki Kapuuno', nakapandai Io noyo intor poyo ra galing i koson i Jisus ti pataakon ramuyun. Pinatoi min Io ra nangkinibit kau ra ulun makatula no nanalip Riso.

RINALATAN 3:18

Ra galing i pinabala' galing ra ngaangai' nabi, nambala' i Aki Kapuuno' ra Mamamayag ondo' sinusub Nano musiti' maimbolo', am ginio nasauk koson ra kasagaan Nano.

RINALATAN 4:28

Ilo rondo' guang nambaal ra ngaangai' ondo' inaru' Muno kalalair masauk. Inaru' Muno koson raginio maya' ra kuasa' am kasagaan Muno.

ROMA 2:4

Kapoam kalo lioon min i Aki Kapuuno' ondo' mataau kaga', maayo guang am mataan. Napandayan min noyo ra mataau i Aki Kapuuno' no ramuyun sabap ra masaga' Io ra tumalikur kau intor ra tula.

ROMA 3:26

Kaa' raino kalo boo polosoon No tula ru ulun koson mampakito ra kinabanis ru guang Nano. Ginio mampakito ra i Aki Kapuuno' motopot am mopobonsoi saguli' Io ra moonong ulun ondo' mangintopot ri Jisus.

ROMA 5:1

Raino itakau mobonsoi saguli' ri Aki Kapuuno' sabap ra pangintapatan takau Riso am makapabansayan noyo Riso ralalom ru Tuhan takau, i Jisus Kristus.

ROMA 5:11

Sala' ka ginio ayuk, kaa' maansukan takau poyo ri Aki Kapuuno' ralalom ri Jisus Kristus Tuhan takau, ondo' raino magibit ritakau mabubukat ri Aki Kapuuno'.

ROMA 5:18

Intor raginio, ngaangai' ulun inukum sabap ra tula ru sangulun. Koson niayuk ngaangai' ulun iowon “Kalo makasala” am aniin ra kaayagan sabap ra binaal ru sangulun ondo' giminagaya' ra kasagaan ri Aki Kapuuno'.

ROMA 5:9

Raino itakau mobonsoi saguli' ri Aki Kapuuno' mansail ra pinatayan ri Kristus. Intor raginio maaru' bayagon takau ri Kristus intor ra sangit am ukum ri Aki Kapuuno'.

1 KORINTUS 5:7

Patiri' galing ragi ra nakalair, ioginio tula, maa' raginio masauk kau ra ruti' ondo' nakabagu, mapasau intor ra ragi nakalair. Makapandai aku ra gagayaan min ginio. Sabap ra Pangiantakan ra Paska nasuku' noyo, am i Kristus ondo' nasauk ra anak domba ru Paska takau, sinimbalui noyo.

2 KORINTUS 5:21

Kolondo' noyo tula ri Kristus, kaa' koson ra kaatangan takau, kinara' Io ri Aki Kapuuno' koson makatula. Maa' raginio, sabap ra pasimpungan takau ri Kristus, itakau ondo' makatula mobonsoi saguli' ri Aki Kapuuno'.

IPISUS 1:7

Sabap ra pinatayan ri Kristus ti noyo itakau pinalabus, ioginio tula takali naampun. Mumpara' boo gayo ru kataawan ri Aki Kapuuno' no ritakau,

IPISUS 2:13

Kaa' raino, akau ondo' galing i maalur intor Riso, mamaar kau boo ralalom pasimpungan min ri Kristus Jisus, sabap ra kapatayan Nano.

1 TIMOTIUS 1:15

Motopot ragu ragitio koson maapu am maintopot toojo ra, “I Jisus Kristus minatong ra tana' ti minongoi pamayag ra ulun makatula.” Am aku ti noyo maayo kaga' tula intor ra ngaangai' ulun.

IBRANI 10:4

Sabap ra sotopot no raraa' ru sapi' gawayan am kambing gawayan kalo noyo makapangiru' ra tula.

IBRANI 11:14

Sabap ra ulun ondo' mindagu koson raginio, mampaintutun toojo ra maguyum ilo poyo ra pagun galama'.

IBRANI 11:17

Sabap ra pangintapatan noyo, i Abragam nampataak ra anak nali i Isak koson ra rondo' taak simbalui paat ri Aki Kapuuno' nangkinam riso. Nanaak io niayuk ra anak langkuir nano, kabalu' pana binantuan io ri Aki Kapuuno' ra:

IBRANI 11:7

Sabap ra pangintapatan noyo, i Nuu binalaan ri Aki Kapuuno' intor ra sauk ondo' matong no, ondo' kalo poyo nakito nali. Ginio boo ra io giminagaya' ra ragu ri Aki Kapuuno' am nambaal ra kapal maayo, am mansail raginio noyo ilo ngaangai' sambaloi binayag. Nampakito i Nuu ra ulun ru tana' ti ra ukumin ilo ri Aki Kapuuno', am sabap ra pangintapatan nali, iniou io ri Aki Kapuuno' koson sangulun motopot.

IBRANI 9:28

Koson niayuk i Kristus igondo' ayuk nampataak ra painawo Nano koson mamuso ra tula ru masuang ulun. Matong Io poyo ra kainduo, sala' ka koson mangampun ra tula, kaa' koson mampakaayag risilo ondo' maginaa Riso.

IBRANI 9:5

Rasawat ru kaban no mokoondo' ruo sinungkalalaing binaal intor ra mas ondo' ininggalanan ra kirub. Ilo no tatandu' ra i Aki Kapuuno' soroi ra giu' no. Kawo nilai nanili ra taub ru kaban no, ondo' tinakisan ra raraa' koson mangampun ra tula ru ulun. Kaa' kalo lair makabala' ku ngaangai' ra raino ti.

1 JUANIS 1:10

Kaa' amon ru mindagu takau kolondo' tula takau, manguu' takau ri Aki Kapuuno' magabau am Ragu Nano kalo soroi ra guang takau.

1 JUANIS 2:2

I Jisus galama' pabansayan ra tula takau. Sala' ka tula takau ayuk, kaa' tula ru ngaangai' ulun.

1 JUANIS 4:10

Gitio noyo togom: sala' ka itakau nonogom ri Aki Kapuuno', kaa' i Aki Kapuuno' nonogom ritakau. Am nanusub Io ra Anak Nano sumauk ra pabansayan ru tula takau.

PINAINTALANG 1:5

Intor ri Jisus Kristus, sasi' ondo' lansanin, Io no kasaa' ondo' binayag intor ra kapatayan am ondo' niayuk mamarinta ra raja'-raja' ru tana' ti. Motogom i Jisus ritakau am ra pinatayan Nali pinalabus takau noyo intor ra tula takau.

PINAINTALANG 13:8

Ngaangai' ulun ondo' mayan ra tana' ti sumamba riso. Kaa' mokoondo' niayuk ondo' kalo sumamba riso, ioginio ilo ondo' inggalan nilono tinulisan noyo ra kitab ru Ulun Mokoowot ra Kaayagan Motopot paat ra tana' ti kalo poyo biningkal. Kitab no ampu' ru Anak Domba ondo' pinatoi ru ulun.

PINAINTALANG 20:15

Osoi ayuk ondo' inggalan nano kalo tinulisan ra ralalom ru kitab ru Ulun Mokoowot ra Kaayagan Motopot, patirin io ra tasik ru apui.

PINAINTALANG 5:9

Narimbai ilo ra rimbai bagu: “Okou no maaya' mangalap ra naskhah rinulun no am mampalungkab ra segel no, sabap ra pinatoi Kou noyo ra pinatayan Muno namayag Kou ra ulun intor ra moonong papag, ragu, bansa' am pagun, koson ilo ti pataakon ri Aki Kapuuno'.