ROMA 3:2 - Tanou Moonsoi Timugon

² Maaru' masuang onong! Intor poyo ra talimpuun i, ulun ru Jaudi noyo napalansanan ri Aki Kapuuno' ra ragu Nano.

ROMA 3:2 ပူးပေါင်းရင်းမြစ်များ

MAZMUR 119:140

Bantu' Muno mapiot maalap intopoton, motogom aku kaga' raginio.

JISAYA 8:20

Taam kau koson ragitio, “Rongogo' noyo pangilaan ru Tuhan! Ulun ra kalo matanda' ragu maya' ra pangilaan no, kolondo' kalansanan.”

JUANIS 5:39

Gumogot kau mintutun ra Buuk Kitab sabap ra indos min koson raginio akau mokoowot ra kaayagan motopot am mantilayun. Sotopot no Buuk Kitab noyo mampaintutun Raki',

RINALATAN 7:38

I Musa ti noyo ondo' nangkinibit ra bansa' ru Israil timinimung giu' ra tana' kaagisan. Ginio ra soroi io ra giu' i nabaya' ra kinamatuaan takali am malaikat ondo' makimansunur ri Musa giu' ra Gunung Sinai. Io no ondo' inanian ri Aki Kapuuno' ra tanou ondo' manaak ra kaayagan koson posoboyon ritakau.

ROMA 1:2

Tanou Moonsoi no binantu' noyo ri Aki Kapuuno' ra nabi-nabi Nano ra galing i am pinabatik noyo ra Buuk Kitab.

ROMA 2:18

Migigila' kau ra Ukum no bagu makapandai kau ra kasagaan ri Aki Kapuuno' am ati kulaan mampili' ra motopot.

ROMA 3:1

Amon ru koson poyo raginio, atan kaansayan ru ulun ru Jaudi intor ra ulun sala' ka Jaudi? Am atan kia onong ru sunat risilo?

ROMA 3:3

Kaa' atan koson amon ru mokoondo' ulun ru Jaudi kalo mampagagaya' ra ragu Nano? Ginio kia mangkinibit ra i Aki Kapuuno' kalo manugut ra bantu' Nano risilo?

ROMA 9:4

Ilo no ulun ru Israil ondo' pinili' ri Aki Kapuuno'. Piniau ilo noyo ri Aki Kapuuno' ra anak Nano galama', am pinakito No ilo ra katulayan Nano. Binantuan No ilo am inanian No ilo ra Ukum ri Musa. Tinuluan No ilo ra sambayang ondo' motopot am naapu nilo ondo' binantu' Nali.

1 KORINTUS 9:17

Amon ru kondoyon kutu sumugut ra kasagaan kuno galama', maaya' aku niayuk makitaak ra ampos. Kaa' aku mampasaboi ra Tanou Moonsoi no, sabap raginio musiti' baalon kuno, io no kandoi tinaakan ri Aki Kapuuno' raki'.

2 KORINTUS 5:19

Gitio noyo tanou posoboyon mai; ralalom ri Kristus i Aki Kapuuno' nopobonsoi ra ngaangai' ulun Riso am kalo boo karaan No tula nilai. Am tanou raginio pinakandayan Nano ramon.

GALATIA 2:7

Io pana nangiou niayuk ra aku ti noyo sinusub ri Aki Kapuuno' mampasaboi ra Tanou Moonsoi no ra ulun sala' ka Jaudi, mogondo' ri Pitrus sinusub ri Aki Kapuuno' mampatanou raginio ra ulun ru Jaudi.

1 TIMOTIUS 6:20

Timotius, rayuso' poyo kandoi ondo' pinalansan noyo rirun. Inggaluri' noyo pantataaman ra kolondo' onong am ondo' magasab ri Aki Kapuuno', pagagansangan ondo' piawon rokoon “Kapandayan”, kaa' sotopot no kalo.

IBRANI 5:12

Sotopot no raino mangila' kano raan ra ulun bokon, kaa' kalo poyo makapandai kau. Lakat kau ayuk poyo musiti' ilaan ra puun ru pangilaan intor ri Aki Kapuuno'. Lakat kau ayuk poyo manginum ra susu' sabap ra kalo poyo maangkan.

1 PITRUS 4:11

Osoi ayuk inanian ra kapandayan mindagu, moonsoi ru mampasaboi io ra bala' intor ri Aki Kapuuno'; am osoi ayuk mangindangan ra ulun bokon, musiti' io mangindangan mabaya' ra ikang intor ri Aki Kapuuno'. Maa' raginio, ralalom ngaangai' ondo' kondoyon min, i Aki Kapuuno' urumaton sabap ri Jisus Kristus. Io no makakuasa' am maaya' omporon ra sabuoi-buoi no. Amin.

PINAINTALANG 19:10

Igulatur aku boo ra saang ru malaikat no am samba riso, kaa' indagu io, “Pai' aku sambaa'. Sambaa' noyo i Aki Kapuuno'. Sabap ra aku pana rangan mangngandoi muno, am ra ngaangai' pabukat muno ondo' gumagaya' ra kaintutunan intor ri Jisus.” Sabap ra katapatan ondo' pinakito ri Jisus mapaikang ra ulun mampabala' ra tanou intor ri Aki Kapuuno'.

PINAINTALANG 22:6

Indagu boo malaikat no raki', “Ragu ragitio motopot am malansanan. I Aki Kapuuno', Tuhan ondo' mansail ra Ambiluo Nano manguasa' ra nabi-nabi, nanusub ra malaikat no mampakito ra ulipon-ulipon Nano atan maaru' masauk ra maagu no.”