ROMA 3:19 - Tanou Moonsoi Timugon

¹⁹ Ginio ra raino mapandayan takau noyo ra ngaangai' ondo' tinulisan ra Ukum i, pasukuon risilo ondo' gumagaya' ra Ukum no. Kolondo' sasaban boo ru sangulun pana am ngaangai' ulun ru tana' ti maukum ri Aki Kapuuno'.

ROMA 3:19 ပူးပေါင်းရင်းမြစ်များ

AYUP 5:16

Nangani' Io ra kalansanan ra ulun musikin, am nangimut ra kabang ru kolondo' katimpakan.

MAZMUR 107:42

Ulun moonsoi maansukan makakito ra baal raginio, kaa' ngaangai' ulun malaat pinongkoror.

MAZMUR 63:11

potoyon ilo bulintok ra mangayou, am baangkai nilono akanon ru taani.

YEHEZKIEL 16:63

Ampunon Ku ngaangai' kasalaan muno, kaa' karaan mu boo ginio am totopot mauyu' saboi kalo baani kou mangukab ra kabang.” Tuhan Raja' nakaindagu noyo.

JUANIS 15:25

Maa' raginio masugut ondo' tinulisan ra Ukum nilo, ‘Masisang ilo Raki' kabalu' pana kolondo' sasaban.’

JUANIS 8:9

Kaining nilo ragu Nani, rorondo' ilo boo nangiruan ra intok i. Ondo' matutuo i siminigulu mugar, saboi sangulun ayuk boo i Jisus nabaya' ra ruandu' i, ondo' paribigor poyo ra giu' i.

ROMA 1:20

Intor ra tana' ti biningkal, paliso ri Aki Kapuuno' ondo' kalo makito, ioginio ra Io topot-topot i Aki Kapuuno' am kuasa' Nano ra mantilayun, natutunan noyo ru ulun ralalom ru ngaangai' ondo' sinauk Nano. Intor raginio kolondo' sasaban ru ulun.

ROMA 3:2

Maaru' masuang onong! Intor poyo ra talimpuun i, ulun ru Jaudi noyo napalansanan ri Aki Kapuuno' ra ragu Nano.

ROMA 3:23

Ngaangai' ulun makatula noyo am maalur intor ri Aki Kapuuno' ondo' mamayag risilo.

ROMA 3:4

Maaru' kalo! Ondo' raguon ri Aki Kapuuno' motopot, kabalu' pana ngaangai' ulun maabau-abau. Mokoondo' tinulisan ra Buuk Kitab intor ri Aki Kapuuno', “Paat ra Okou mindagu, ngaangai' makapandai ondo' raguon Muno motopot, am paat ra Okou uwin, maala ngaangai' ondo' manguu' Rirun.”

ROMA 3:9

Koson poyo raginio, ralalom pagilangan ri Aki Kapuuno', akai ulun ru Jaudi moonsoi poyo kia intor ra ulun sala' ka Jaudi? Maaru' kalo! Pinabala' ku noyo ra iou pana ulun ru Jaudi kapoam sala' ka Jaudi, ngaangai' noyo kinuasa' ru tula.

1 KORINTUS 1:29

Intor raginio, kolondo' sangulun pana lumimbau ra saang ri Aki Kapuuno'.

GALATIA 3:10

Mapara' piboo usung nilo ondo' mampagagaya' ra Ukum ri Musa. Mokoondo' tinulisan ra Buuk Kitab ra, “Osoi kalo masalok makaaya' ra ngaangai' ondo' tinulisan ra Ukum ri Musa, ulun raginio usungon ri Aki Kapuuno'!”

GALATIA 4:21

Akau ondo' mirot toojo mampagagaya' ra Ukum ri Musa, masaga' aku mangkuot ramuyun: kalo kia norongog min atan ondo' rinagu ru Ukum ri Musa no?

GALATIA 4:5

maa' raginio makapampalabus Io risilo ondo' mampagagaya' ra Ukum ri Musa ti, maa' raginio masauk takau koson ra anak ri Aki Kapuuno'.

GALATIA 5:18

Kaa' amon ru Ambiluo ri Aki Kapuuno' maningganai ramuyun, kalo boo kinuasa' kau ru Ukum ri Musa.

1 SAMUIL 2:9

“Manindung Io ra kaayagan ru ulun Nano ondo' gumagaya', kaa' ulun malaat mapuso ralalom ru molondom kaga'. Ra kaikangan galama', ulun kalo makasugut.