ROMA 3:11 - Tanou Moonsoi Timugon

¹¹ kolondo' ra sangulun pana makarati' ra atan ondo' motopot am sumamba ri Aki Kapuuno'.

ROMA 3:11 ပူးပေါင်းရင်းမြစ်များ

MAZMUR 53:2

Ulun budu mindagu ralalom ru guang, “Kolondo' i Aki Kapuuno'!” Mangalaat ilo ngaangai' am binaal nilono malaat kaga', kolondo' sangulun pana mambaal ra moonsoi.

MAZMUR 53:4

Kaa' ngaangai' ulun tumalansiang noyo am nakalayau, kolondo' sangulun pana mambaal ra moonsoi.

MAZMUR 94:8

Akau ulun kuno, arara' boo ra sambung mino? Sanggilan kia karatian min?

AMSAL 1:22

“Alii ra ulun budu! Kula' poyo buoi ra akau masauk ra budu? Kula' poyo buoi ra akau magasab ra katutunan? Sanggilan akau migigila'?

AMSAL 1:7

Koson mokoowot ra kaintutunan, pagulu akau musiti' mangurumat am malaa' ra Tuhan. Ulun sasambungon kalo maringkuanang ra kapintaran am marara' ilaan.

JISAYA 27:11

Bulintok raan ru puun no mapua' am mapandak, raan-raan no umungon ru ruandu'-ruandu' koson saukon ra luton. Sabap ra bansa' raginio kolondo' atan-atan pangaratian, i Aki Kapuuno' Namangun risilo kalo malubatan kapoam monogom risilo.

JISAYA 31:1

Aibui boo ra ulun ondo' mongoi ra Misir koson makiindangan! Lumansan ilo ra kaikangan ru pulalai mangayou ru Misir ondo' kumura' ra kuda am kurita' kuda am saujor. Kaa' kalo lumansan ilo ra Tuhan, i Aki Kapuuno' ru Israil, i Aki Kapuuno' ondo' matulai kapoam makiindangan Riso.

JISAYA 55:6

Saguli' noyo ra Tuhan buoi ra maalap ayuk poyo; piawo' noyo Io buoi ra Io mamaar ayuk poyo.

JISAYA 65:1

Mindagu Tuhan, “Nakatampos Aku no mangiou ra pakiasian ru ulun Kuno, kaa' kalo makiasi' ilo Raki'. Nakatampos Aku no tambuluyon nilo, kaa' kalo kuminam ilo maguyum Raki'. Bansa' ragitio kalo makiasi' Raki', kabalu' pana nakatampos Aku no tumaam, ‘Gitio Aku no. Masaga' Aku mangindangan ramuyun.’

JISAYA 9:13

Songorou ayuk Tuhan no mangukum ra tingganai-tingganai ru Israil am mamagun. Ulu ru Israil Ingguluin am iku' pututin No.

JIRIMIA 4:22

Indagu Tuhan, “Sasambungon ulun Kuno; kalo makaulig ilo Raki'. Koson ilo ra lalaing sasambungon, kolondo' karatian nilo. Mapandai ilo toojo mambaal ra malaat, kaa' mailo mambaal ra moonsoi.”

GOSIA 4:6

Ulun Kuno mapuso sabap ra marara' ilo mangiou Raki'. Akau, imam-imam, kalo mampalio Raki' am nangimpai ra pangilaan Kuno. Ginio ra Aku pana mangimpai ramuyun am kalo mangiou ra anak-anak mino koson ra imam Kuno.

GOSIA 7:10

Kinalimbau ru ulun ru Israil makito toojo am nasauk ra inono' ru kasalaan nilo. Kabalu' pana ngaangai' nasauk noyo, kalo siminaguli' ilo Raki', Tuhan i Aki Kapuuno' nilo.

MATIUS 13:19

Ulun ondo' mangkirongog ra tanou ati kulaan i Aki Kapuuno' mamarinta, kaa' kalo makarati', ulun koson ragitio noyo koson ra sampug ondo' naratu' ra ralan. Tingganai ru riwato no riminatong am nampagaau ra atan ondo' nakatias ra ralalom ru guang nilono.

ROMA 1:22

Indos nilo mapintar ilo, kaa' sotopot no sasambungon ilo.

ROMA 1:28

Sabap ra ulun marara' mangiou ra katapatan ri Aki Kapuuno', pinoloso No pamaguangan nilo lumaat, saboi baalon nilo majaka'.

ROMA 3:10

Koson ra tinulisan ra Buuk Kitab; “Kolondo' sangulun motopot ra pagilangan ri Aki Kapuuno',

ROMA 3:12

Ngaangai' ulun timinalikur intor ri Aki Kapuuno'; ilo ngaangai' kolondo' onong; kolondo' sangulun pana mambaal ra motopot, topot-topot kolondo'.

ROMA 8:7

Ulun ondo' pamaguangan nano kinuasa' ru paliso ru ulun mantula' ri Aki Kapuuno', sabap ra kalo gumagaya' io ra ukum ri Aki Kapuuno' am sotopot no kalo magagaya' no ukum raginio.

TITUS 3:3

Itakau pana galama' ragili sasambungon, maanggal-anggal am makasala. Inulipon takau ru nansalinut kalaayan am kasagaan ru guang saboi kaayagan takali napanu' ra solon am ingot. Ulun nasisang ritakau am itakau pana galama' nasisang niayuk risilo.

1 JUANIS 5:20

Nakapandai takau ra minatong noyo Anak ri Aki Kapuuno' am nangani' ritakau ra kaintutunan koson makaulig takau ri Aki Kapuuno'. Maayag takau sumimpung ri Aki Kapuuno' am niayuk i Jisus Kristus. Io noyo i Aki Kapuuno' ondo' motopot, am gitio noyo kaayagan motopot am mantilayun.