ROMA 2:9 - Tanou Moonsoi Timugon

⁹ Ginio ra moonong ulun ondo' mambaal ra kalaatan no maimbolo' am makakapaganan; kasaa' ulun ru Jaudi am niayuk sala' ka Jaudi.

ROMA 2:9 ပူးပေါင်းရင်းမြစ်များ

2 TUNUNG RU BANSA' ISRAIL 6:23

rongogo' noyo, iou Tuhan intor ra suruga', am akimi' noyo ulipon-ulipon Muno. Ukumi' noyo ulun ondo' makasala am palabuso' noyo ulun ondo' kolondo' sala.

MAZMUR 32:10

Ulun malaat makatuum ra kapaganan, kaa' ulun ondo' lumansan ra Tuhan sindungin ru togom Nano.

AMSAL 11:23

Kasagaan ru ulun moonsoi masalok ampos nano moonsoi, kaa' lansanin ru ulun malaat kasangitan.

YEHEZKIEL 18:4

Aku tangan ra painawo ru moonong ulun, painawo ru ama' am poyo painawo ru anak. Osoi ayuk makatula, io noyo ondo' matoi.

YEHEZKIEL 22:31

Ginio ra pinaabus Ku sangit Kuno risilo. Koson ra apui, mamuso Aku risilo sabap ra binaal nilo.” Tuhan Raja' nakaindagu noyo.

AMOS 3:2

“Intor ra ngaangai' bansa' ra tana' ti, akau noyo rorondo' bansa' ondo' nauligan Kuno am alungin. Ginio sabap ra tula min maayo, am musiti' ukumin Takamin.”

MATIUS 16:26

Atan onong ru ulun makaalap ra ngaangai' ru tana' ti amon ru matatakan io ra painawo nano? Maaru' kolondo'! Sabap atan kia pangangalig ra painawo nano?

LUKAS 24:47

Am poyo, Tanou Moonsoi ti musiti' potonowon ra ngaangai' bansa' ru tana' ti, tumalimpuun intor ra Jirusalim. Maa' raginio ralalom inggalan Kuno tumalikur ilo intor ra tula nilono bagu ampunon ilo ri Aki Kapuuno'.

RINALATAN 11:18

Pakaining ilo raginii, kalo boo siminangit ilo ri Pitrus. Kaa' pongompor ilo boo ri Aki Kapuuno', konilo, “Koson poyo raginio, i Aki Kapuuno' nangani' noyo ra kaluagan ra ulun sala' ka Jaudi tumalikur ra tula nilo am makabayag ra mantilayun.”

RINALATAN 13:26

Pabukat kau ngaangai', papag ri Abragam am niayuk ngaangai' sala' ka Jaudi ondo' sumamba ri Aki Kapuuno'; itakau no napasabayan ra Tanou pamayagan no.

RINALATAN 20:21

Nampakara' aku ra ulun ru Jaudi am niayuk sala' ka Jaudi koson ra tumalikur ilo intor ra tula am sumaguli' ri Aki Kapuuno' am mangintopot ra Tuhan Jisus.

RINALATAN 26:20

Ginio ra mambala' aku toojo ra ulun ra musiti' ilo tumalikur intor ra tula nilo am sumaguli' ri Aki Kapuuno', am niayuk maayag ra matanda'. Giu' ra Damsyik galing nambalaan kuno raginio, giu' poyo ra Jirusalim am niayuk ngaangai' ru Judia am poyo intok ru ulun sala' ka Jaudi.

RINALATAN 28:17

Pakasail nataluan, timungo' ri Paulus tingganai-tingganai ru ulun ru Jaudi. Pakatimung ilo, pambala' boo i Paulus, kono, “Pabukat kau ngaangai'! Kolondo' sala kuno ra bansa' takau galama', kapoam kalo minanggal aku ra kaulayan ru kinamatuaan takali. Kabalu' pana koson raginio, rinakop aku niayuk giu' ra Jirusalim am pinataak aku ra ulun ru Roma.

RINALATAN 28:28

Pupus no indagu boo i Paulus, “Balain takamin: Raino ti pambalaan ru pamayagan intor ri Aki Kapuuno' pinabala' noyo ra bansa' ondo' sala' ka Jaudi. Ilo ti masaga' mangkirongog.” [

RINALATAN 3:26

Ginio sabap ri Aki Kapuuno' nampili' am nanusub ra Ulipon Nano matong ramuyun galing koson mambarakat Io no ramuyun. Binaal No ginio koson akau ngaangai' tumalikur intor kiralan ru bayag min ra malaat.”

ROMA 1:16

Ginio ra mangintopot aku toojo ra Tanou Moonsoi ti mampakito ra kuasa' ri Aki Kapuuno' mamayag ra ngaangai' ulun ondo' mangintopot ri Jisus, kasaa' ra ulun ru Jaudi am niayuk ra bansa' ra bokon.

ROMA 10:12

Sabap raino mogondo' ayuk ralan mamayag ra ulun ru Jaudi kapoam sala' ka Jaudi; i Aki Kapuuno' rondo' ayuk am Io no Tuhan ru ngaangai' am mauli' barakat Nano risilo ondo' makiindangan Riso.

ROMA 2:10

Kaa' moonong ulun ondo' mambaal ra moonsoi aniin ri Aki Kapuuno' ra katulayan, urumat am kaansayan; kasaa' ra ulun ru Jaudi am niayuk sala' ka Jaudi.

ROMA 8:35

Mokoondo' kia makapanginga' ri Kristus monogom ritakau? Kapaganan kia? Pagalabaan kia? Kaimbalaan kia? Bitilan kia? Kunsikang kia? Baal makalalaa' kia? Kapoam kapatayan kia? Maaru' kolondo'!

ROMA 9:24

Itakau ti noyo ondo' piniau Nano, am sala' ka itakau ulun ru Jaudi ayuk, kaa' ulun sala' ka Jaudi pana.

GALATIA 3:28

Raino kalo boo nansasala' ulun ru Jaudi am ulun sala' ka Jaudi, ulipon am sala' ka ulipon, kapoam ungkuyon am ruandu'. Sabap ra rondo' kau ayuk ngai' ralalom ri Kristus Jisus.

KOLOSI 3:11

Koson boo raginio, kalo boo maatang mangkara' osoi ulun ru Jaudi kapoam osoi sala' ka ulun ru Jaudi; osoi nasunatan kapoam kalo; osoi bansa' ra bokon kapoam osoi bansa' ra kolondo' guang; am poyo osoi ulipon kapoam kalo. Kaa' ondo' maatang am i Kristus, sabap ra Io puun ru ngaangai' no am sumimpung Io ra ngaangai'.

2 TISALONIKA 1:6

Mabanis baalon ri Aki Kapuuno'. Mambalos Io ra ulun ondo' mangimbolo' ramuyun no.

1 PITRUS 4:17

Maar noyo masuku' paat ri Aki Kapuuno' mangakim ra ulun ru tana' ti, am Ulun Nano akimin No galing. Amon ru itakau noyo talimpuunan Nano, atan masauk ra tauli no risilo ondo' kalo nangintopot ra Tanou Moonsoi intor ri Aki Kapuuno' i?