ROMA 2:6 - Tanou Moonsoi Timugon

⁶ Sabap ra moonong ulun balasin ri Aki Kapuuno' maya' ra binaal nano.

ROMA 2:6 ပူးပေါင်းရင်းမြစ်များ

AYUP 34:11

Balasin No ulun mogondo' ra binaal nilo am pamakuan no risilo matanda'.

MAZMUR 62:12

Ingkula' aku no pokorongog ra ragu ri Aki Kapuuno' ra ngaangai' ru kuasa' intor Riso,

KAINGKUALAN 32:34

Ugar no raino am ibito' ulun raginilo mongoi ra intok ondo' sinabit Ku noyo rirun. Karaa', maningganai malaikat Kuno rirun, kaa' masaboi paat no ra mangukum Aku ra ulun ragitilo sabap ra tula nilo.”

AMSAL 24:12

Magu' lair mindagu kau ra babaal raginio sala' ka kandoi min, kaa' i Aki Kapuuno' makapandai am balasin no akau maya' ra binaal mino.

AMSAL 24:2

Lumaat ayuk kakaraan am mampajamar raraguon nilono.

AMSAL 26:10

Osoi-osoi mapakandoi ra ulun sasambungon mantipagon ra ngaangai' ulun.

MAMPATANOU 3:17

Karaan kuno, mangakim i Aki Kapuuno' ra ulun moonsoi am malaat, sabap ra moonong baal am moonong binaal masauk ra paat ondo' naaru'.

JIRIMIA 17:10

Aku, Tuhan, mangimumui ra guang; pangkaraan ru ulun kinamin Ku. Pamakuan Ku ra moonong ulun sumugut ra paliso nano, am pamakuan Kuno nontopot ra binaal nano.”

JIRIMIA 32:19

Inatangan Muno mapintar am binaal Muno makaimuag; nakito Mu ngaangai' ondo' binaal ru ulun, am nambalos risilo topot koson ra binaal nilo.

YEHEZKIEL 18:20

Ulun ondo' makatula matoi. Sangulun anak kalo pana makinibitan ra tula ru ama' nano. Koon niayuk ra sangulun ama' kalo pana makinibitan ra tula ru anak nano. Sangulun ondo' moonsoi makapangapu ra balos moonsoi sabap ra kinoonsoi nano, am sangulun ondo' malaat makinibitan ru kalaatan nano.

YEHEZKIEL 18:30

“Raino Aku, Tuhan Raja' mambala' ramuyun, ulun kau ru Israil, ra mangakim Aku ra moonong ulun sumugut ra binaal nano. Talikur no intor ra kalaatan ondo' tatanga' min baalon no, am pai' polosoo' tula min mamuso ramuyun.

YEHEZKIEL 36:19

Ukumin Ku ilo nogondo' koson ra baal ru kaayagan nilo am paliso nilo, am pantutuliaron Ku boo ilo giu' ra pagun-pagun ra bokon.

MATIUS 16:27

Sabap ra Anak ru Ulun no mamaar noyo rumatong ralalom katulayan ru Ama' Nano sumbayaan ru malaikat-malaikat Nano. Paat raginio mambalos Io ra moonong ulun maya' ra ondo' binaal nali.

ROMA 14:22

Atan ayuk intopoton min ra maatang intor raginio, raguon min ayuk ri Aki Kapuuno'. Pakaansuk noyo ulun ondo' mambaal ra intopoton ru guang nano am kalo makaliman ra makasala io.

1 KORINTUS 3:8

Ginio ra ondo' mantanom am ondo' manguas mogondo' ayuk; sabap ri Aki Kapuuno' mangani' ra ampos ra moonong ulun sumugut ra kandoi nilono sigagama'.

1 KORINTUS 4:5

Ginio ra pai' kau pangakim ra osoi ayuk pana ru kalo poyo masaboi paat ra orou inaru' no. Pangukuman ra pupus inaanin takau saboi Tuhan matong saguli'. Io noyo mambala' ra ngaangai' ondo' nakasibuni ra kalandaman, am mapaingkual ra ngaangai' suang ru guang ru ulun. Paat raginio bagu no moonong ulun mangapu ra ompor intor ri Aki Kapuuno' sumugut ra binaal nilono sigagama'.

2 KORINTUS 11:15

Ginio nai ra kalo niayuk makaimuag amon ru ulipon-ulipon ru Tingganai ru riwato no sumalu ra ulipon ru katapatan. Pupus no balasin ilo maya' ra ondo' binaal nilai no.

2 KORINTUS 5:10

Sabap ra itakau ngaangai' paumaan niayuk ri Kristus am akimin no. Moonong ulun ruliin boo sumugut ra atan ondo' binaal nali giti ra tana' ti, moonsoi kapoam malaat.

2 TIMOTIUS 4:14

I Aliksandir ondo' manukang ra basi' no, masuang kalaatan nano raki'. Kaa' Tuhan mambalos riso maya' ra kalaatan ondo' binaal nano.

PINAINTALANG 2:23

Potoyon Ku niayuk maamaya' nano, am ngaangai' boo ru pasimpungan ulun Kristian makatutun ra Aku noyo Io ondo' makapandai ra pangkaraan am guang ru sasangulun. Balasin takamin maya' ra binaal mino sigagama'.

PINAINTALANG 20:12

Nakito ku ulun namagatoi, langkaya' am musikin, minigor ra saang ru takhta no. Ukabo' boo kitab-kitab. Rondo' poyo inukab, ioginio kitab ru Ulun Mokoowot ra Kaayagan Motopot. Inukuman boo ulun namagatoi no maya' ra binaal nilono koson natulisan ra kitab.

PINAINTALANG 22:12

Indagu poyo i Jisus, “Rongogo' min gitio, kalo boo mabuoi am matong Aku am balasin Ku moonong ulun maya' ra atan ondo' binaal nali.