ROMA 2:5 - Tanou Moonsoi Timugon

⁵ Kaa' akau mailo raguin am mokotog ulu! Intor raginio mampagaai kau po ra bagat ru ukum min ra Orou Pupus no, ioginio paat i Aki Kapuuno' mampaintalang ra sangit am ukum ondo' mabanis.

ROMA 2:5 ပူးပေါင်းရင်းမြစ်များ

2 TUNUNG RU BANSA' ISRAIL 30:8

Pai' bambalingatan koson risilo. Gagaya' no ra Tuhan. Ratong no ra Baloi ru Tuhan giu' ra Jirusalim, ondo' paluntukon ayuk ra Tuhan, i Aki Kapuuno' min koson ra sabubuoi no. Sambayang no Riso maa' raginio Kalo boo sumangit Io ramuyun.

2 TUNUNG RU BANSA' ISRAIL 36:13

Raja' Jidikia giminuor ra Raja' Nibukadnijar, ondo' nampajajal riso nagibot ralalom inggalan ri Aki Kapuuno' ra gumagaya' io ra Raja' Nibukadnijar. Raja' Jidikia bambalingatan am marara' tumalikur intor ra tula am niayuk sumaguli' ra Tuhan, i Aki Kapuuno' ru Israil.

AYUP 21:30

Konilo ra ulun malaat noyo ondo' masalok makalabus paat ra orou ri Aki Kapuuno' sumangit am mangukum.

MAZMUR 110:5

Soroi Tuhan ra tampilon pamiris muno koson mangindangan rirun; bulintok ra Io sumangit, raja'-raja' kalaan No.

MAZMUR 95:8

“Pai' kau kokotog guang koson ra kinamatuaan min giu' ra Miriba, bulintok ra lakat ilo ayuk poyo ra tana' kaagisan giu' ra Masa.

KAINGKUALAN 14:17

Mangkinibit Aku ra ulun ru Misir bambalingatan kaga' saboi mangilou ilo ra ulun ru Israil, am poyo ralalom ru raat pana. Kamanangan Kuno ra raja' ru Misir, saujor nano, kurita' kuda nano am mapaugar ra kurita' kuda nano maparatong ra pangurumatan Raki'.

KAINGKUALAN 32:34

Ugar no raino am ibito' ulun raginilo mongoi ra intok ondo' sinabit Ku noyo rirun. Karaa', maningganai malaikat Kuno rirun, kaa' masaboi paat no ra mangukum Aku ra ulun ragitilo sabap ra tula nilo.”

KAINGKUALAN 8:15

Paat ra nakito ru raja' ra minatoi noyo ngaangai' antit, bambalingatan saguli' raja'. Marara' raja' mangining ra ragu ri Musa am i Arun koson ra rinagu ru Tuhan.

AMSAL 1:18

kaa' ulun malaat mapataan ra landak ondo' masulungan nilo galama' – landak ra makapatoi risilo galama'.

AMSAL 11:4

Kolondo' onong ru linangkaya' ru ulun no bulintok tumingkuang ra kapatayan, kaa' kabanisan ru guang mamayag ra ulun.

AMSAL 28:14

Pakaansuk noyo ulun ondo' gumagaya' ra Tuhan, kaa' ulun mokotog ulu iono pusoon.

AMSAL 29:1

Amon ru sangulun gumaai mokotog guang ra moonong sawayon, sangarawan matutuk io ondo' kalo boo makatapuli'.

MAMPATANOU 12:14

Mangakim i Aki Kapuuno' ra ngaangai' binaal takau, ondo' moonsoi, ondo' malaat, am poyo ondo' nakasibuni.

JISAYA 48:4

Makapandai aku ra akau bambalingatan, mokotog guang am makaulu batu.

JIRIMIA 40:3

Raino sinugut no ragu Nano. Ngaangai' no nasauk sabap ra bansa' muno makatula ra Tuhan am kalo giminagaya' Riso.

YEHEZKIEL 11:19

Aniin Ku ilo ra guang am pangkaraan ondo' bagu. Aligin Ku guang nilo ondo' mokotog koson ra batu, ra guang ondo' gumagaya'.

YEHEZKIEL 3:7

Kaa' kolondo' sangulun pana ra gino ngai' ru ulun ru Israil rumongog rirun sabap ra marara' ilo rumongog raki'. Ngaangai' nilo bambalingatan am masaga' manggal.

DANIL 5:20

Kaa' sabap ra nasauk io ra malilimbau, bambalingatan am malaat, pinatuun io intor ra kurisi' nanturungan am natatakan ra katulayan nano.

GOSIA 13:12

Tula am kasalaan ru Israil tinulisan, am binulian ondo' tinulisan no.

AMOS 3:10

Indagu Tuhan, “Sinuangan ru mamagun ru Samaria baloi nilo ra kuliamos-kuliamos ondo' noowot intor ra kalaatan am nantakawan. Totopot ilo kalo makapandai ra mabanis guang.

ROMA 1:18

Intor ra suruga' nampaintalang noyo i Aki Kapuuno' ra sangit am ukum Nano ra ngaangai' tula am kalaatan ru ulun, sabap raginio mongompong ra ulun mintutun ra pangilaan motopot intor ri Aki Kapuuno'.

ROMA 11:25

Pabukat kau ngaangai', mapaintutun aku ramuyun ra katapatan ondo' kalo igondo' pinabala', maa' ra akau makapandai no, kalo boo lumimbau kau. Gitio noyo katapatan i; kalo mantilayun ulun ru Israil mokotog ulu, kaa' polos ayuk ra morontop noyo suang ru ulun sala' ka Jaudi matong ri Aki Kapuuno'.

ROMA 9:22

Mogondo' niayuk ra atan ondo' binaal ri Aki Kapuuno'. Masaga' Io mampakito ra sangit am kuasa' Nano, kaa' mataan Io risilo ondo' sotopot no sama' sangitin am luuson Nano.

2 KORINTUS 5:10

Sabap ra itakau ngaangai' paumaan niayuk ri Kristus am akimin no. Moonong ulun ruliin boo sumugut ra atan ondo' binaal nali giti ra tana' ti, moonsoi kapoam malaat.

SAGULION 2:30

Kaa' kalo nangiou Raja' Sigon ritakau nansail ra pagun nano. Ginio ra Tuhan i Aki Kapuuno' nangkinibit ra Raja' Sigon bambalingatan am mingkotog manggal ritakau, maa' raginio makapangala takau riso am mampagaau ra wilayah nano, ondo' inayanan takau saboi raino.

SAGULION 32:34

“Mangkara' Tuhan ra binaal ru pantula' ru ulun Nano; maginaa Io ra paat ondo' motopot koson mangukum risilo.

2 TISALONIKA 1:5

Am gitio noyo kakitanan ra kinabanis ru pangakiman ri Aki Kapuuno': Ra naimbolo' kano sabap ra pangintapatan min Riso, paayaan kau makaliman ra Tana' Bagu ri Aki Kapuuno'.

IBRANI 3:13

Kaa' pangindangan kano ra rondo' am bokon ra moonong orou, buoi ondo' sabiton ra ‘Orou Raiti' ’ ralalom ru Buuk Kitab, lakat poyo soroi maa' raginio kolondo' sangulun pana mingkotog guang sabap ra maruung io ru tula.

IBRANI 3:15

Gitio noyo ondo' tinulisan ra Buuk Kitab: “Amon ru orou raiti' makaining kau ra bolos ri Aki Kapuuno', pai' noyo kotogo' guang mino koson ra kinamatuaan mini, paat ra ilo minanggal ri Aki Kapuuno'.”

IBRANI 4:7

Motopot noyo ginio sabap ra mokoondo' noyo inaru' ri Aki Kapuuno' rondo' orou ra bokon poyo ondo' sabiton, “Orou Raiti'”. Ginio pinabala' Nano ondo' pinabala' galing ra raja' Daut ra kukula' ngaatus ngambilor kalupus raginio, ralalom tayar Buuk Kitab ni: “Amon ru orou raiti' makaining kau ra bolos ri Aki Kapuuno', pai' noyo kotogo' guang mino.”

JAKUBUS 5:3

Mas am pirok mino monontogol, am togol ti boo koson ra sasi' ondo' manguu' ramuyun. Kumokot io ra inan mino koson ra apui, sabap ra nanimung kau ayuk ra kalangkayaan ru tana' ti, kabalu' pana mamaar noyo pamupusan.

JOSUA 11:20

Tuhan nambaal risilo miningkotog mangayou ra ulun ru Israil, maa' raginio makai' ilo pusoon am potoyon ra kolondo' guang makaasi'. Ginio noyo ondo' nanusuban ru Tuhan ri Musa.

2 PITRUS 2:9

Ngaangai' raginio mampakito ra Tuhan noyo makapandai atan koson mamayag ra ulun ondo' mampakatasu' Riso paat ra ilo makatuum ra pangkinaman. Mangaru' Io niayuk ra kalo labusin ulun malaat no maa' raginio ukumin ra Orou Pangakiman ra tauli no;

2 PITRUS 3:7

Kaa' alungin No limbowon am tana' ondo' soroi ra raino ti, suku' ra Orou Pangukuman, ioginio paat ra ilo solobon ra apui am ulun malaat pusoon.

JUDAS 1:6

Karaa' min niayuk ati kulaan sauk ru malaikat-malaikat ondo' nanguang ra kinaikang ru kuasa' ondo' tinaakan noyo risilo, saboi nangiruan boo ra inayanan nilo. Rinantai ilo ri Aki Kapuuno' ra mantilayun giu' ra intok molondom ra ragana' ru tana' ti. Giu' noyo nangaputan risilo suku' ra Pangukuman Maayo ra tauli no.

PINAINTALANG 2:21

Nangani' Aku noyo riso ra kaluagan tumalikur intor ra tula nano, kaa' marara' io tumalikur intor ra pansasawaan nano.

PINAINTALANG 6:17

Orou ilo mangukum no tumalimpuun noyo am osoi kia tumaan no?”

1 SAMUIL 6:6

Atan onong no ra akau bambalingatan koson ra raja' ru Misir am mamagun nano ragili? Pai' min liliani' pinamakuan ri Aki Kapuuno' ra nangnganja' risilo, saboi nasuraan ilo am nopoloso ra ulun ru Israil nangiruan ra Misir.