ROMA 2:3 - Tanou Moonsoi Timugon

³ Kaa' pabukat kau ngaangai', sotopot no akau pana makasala ra baal-baal koson risilo ondo' inakim min. Indos min kia ra kalo ukumin kau ri Aki Kapuuno'?

ROMA 2:3 ပူးပေါင်းရင်းမြစ်များ

2 SAMUIL 10:3

kon ru tingganai-tingganai ru Amon ra raja' nilo, “Pai' no pangkara' ra Raja' Daut nangator ra ulun-ulun sinusub no koson mampasaboi ra ragu mangiluk sabap ra masaga' io mangurumat ra ama' muli! Nangator Raja' Daut ra ngaangai' ulun ragiti koson ra pansigo koson tumutun ra bandar ragitio, maa' raginio makuasa' no itakau.”

MAZMUR 50:21

Ginio noyo baalon mino, kaa' mongkoror Aku ayuk, pangkaraan min koson Aku niayuk ramuyun. Kaa' raino mansiwou Aku ramuyun, am saukon Ku baal raginio maalap min intopoto'.

MAZMUR 56:7

Mantitimung ilo ra intok pansibunian, am magilong ilo ra moonong aku mimbuor, liliwa' nilo maguyum ra kaluagan koson mamatoi raki'.

AMSAL 11:21

Ulun malaat aruon ra ukumin, kaa' ulun moonsoi bayagon.

AMSAL 16:5

Masisang Tuhan ra ulun malilimbau; kalo polosoon No ilo makalabus intor ra ukuman.

YEHEZKIEL 17:15

Kaa' raja' Jiuda gumuor am nangator ra ulun minongoi ra Misir koson mokoowot ra kuda am niayuk pulalai ru saujor ondo' maayo. Nakasugut kia raja' ru Jiuda? Palabuson io kia intor ra kinibit ru binaal raginio? Kalo lair lumungkang io ra nabantuan am palabuson intor ra ukuman!”

YEHEZKIEL 17:18

Liminungkang raja' ru Jiuda ra ibot am nabantuan nano. Ginio ra kalo makalabus io.”

DANIL 10:19

Kono, “Motogom i Aki Kapuuno' rirun. Ginio ra pai' kalaa' am pai' pagalabo intor ra atan-atan pana.” Karagu no ginio, giminaai ikang kuno. Indagu aku boo, “Tuan, indagu no. Pinaikang mu aku.”

MATIUS 23:33

Akau ngaangai' ti ulun malaat! Sayat kau ru kukuo! Akau ukumin mongoi ra naraka am kolondo' pagiruan min

MATIUS 26:53

Kalo kia nakapandai kou ra amon ru makiindangan Aku ayuk ri Ama' Kuno, mangator Io masuang poyo intor ra mopor am ruo ngampulalai malaikat ondo' riribu suang nilo.

LUKAS 12:14

Indagu i Jisus riso, “Kua rirun ti, pai' ru Aku inanian ra kuasa' sumauk ra akim, kapoam mantayar ra rapu' patungkuson mino!”

LUKAS 22:58

Kalo nabuoi ragili, sangulun poyo nakakito ri Pitrus am indagu, “Okou niayuk sangulun intor risilo i!” Kaa' taam i Pitrus, “Kalo, sala' ka aku!”

LUKAS 22:60

Kaa' taam i Pitrus, “Sala', kalo nangarati' aku ra rinagu muni!” Paat ragili niayuk, ra i Pitrus lakat ayuk poyo minindagu, paningkuluuk manuk tandaa' i.

ROMA 1:32

Nakapandai ilo ra maya' ra ukum ri Aki Kapuuno' ulun ondo' nambaal koson raginio ukumin ra potoyon. Iou pana koson raginio, rayuson nilo ginio am maansayan ilo poyo ra ulun bokon ondo' mambaal koson niayuk raginio.

ROMA 2:1

Pabukat kau ngaangai', intor raginio, makakau' kau kia mononsol ra ulun bokon? Kolondo' sasaban min amon ru ukumin kau. Sabap ra amon ru mononsol kau ra ulun bokon kaa' akau galama' pana nogondo' niayuk makasala, akau galama' migukum.

ROMA 2:2

Mapandayan takau ukum ri Aki Kapuuno' no motopot ra mangukum Io ra ulun ondo' mambaal koson raginio.

ROMA 9:20

Pabukat kuno, makakau' kou kia tumaam ri Aki Kapuuno' koson raginio? Makapangkuot kia rarapu' no ra mambabaal no, “Kua guat baalo' mu aku koson ragitio?”

1 TISALONIKA 5:3

Paat ra ulun mindagu ra, “Raino nampalinos noyo ngaangai' am mokoondo' noyo pabansayan,” paat raginio niayuk pulali' kon ilo pusoon. Pulali' kon Io matong koson ra ruol ru ruandu' matipaganak, am kalo makapagiru' ilo.

IBRANI 12:25

Ilalai' noyo ra kasalok kano mangkirongog Riso ondo' mindagu. Sabap ra ilo ondo' kalo nangkirongog Riso ondo' nampasaboi ra bala' ri Aki Kapuuno' ra tana' ti, kalo noyo nakapagiru' ilo. Mulu' piboo ritakau, ra kalo makapagiru' takau amon ru kalo mangkirongog Riso ondo' minindagu intor ra suruga'.

IBRANI 2:3

Ginio ra ati kulaan makapagiru' takau intor ra pangukuman amon ru impayin takau pamayagan maayo no. Sabap ra Tuhan no galama' ondo' kasaa' nampabala' ra pamayagan no, am ulun-ulun ondo' nokorongog kasaa' napaintopot ritakau raginio.