ROMA 2:29 - Tanou Moonsoi Timugon

²⁹ Kaa', ulun ondo' sotopot no ulun ru Jaudi, ioginio ulun ondo' guang nano nakai' ra ulun ru Jaudi. Sunat ra sotopot no, ioginio guang ondo' kinulau ru Ambiluo ri Aki Kapuuno', am sala' ka ondo' tinulisan ra Ukum no. Am poyo sala' ka ulun, kaa' i Aki Kapuuno' galama', ondo' mongompor ra ulun koson raginio.

ROMA 2:29 ပူးပေါင်းရင်းမြစ်များ

1 TUNUNG RU BANSA' ISRAIL 29:17

Nakapandai aku ra mangkinam Kou ra guang ru moonong ulun am Okou galama' masaga' ra ulun ondo' mapasau guang nano. Mabaya' ra kabanisan am kasagaan ru guang, pataakon ku ngaangai' ti Rirun. Nakainono' aku noyo ra ulun Muno ondo' natimung ragiti nagibit ra taak nilo Rirun ra guang maansukan.

MAZMUR 45:13

Ulun ru Tirus magibit ra tangguang pataakon rirun, ulun langkaya' kuminam pamunduk ra guang muno.

JIRIMIA 4:14

Okou Jirusalim, kapasawo' guang muno intor ra ngaangai' kalaatan maa' raginio bayagon kou. Saboi sanggilan kou mangkara' ra malaat?

JIRIMIA 4:4

Guuto' min nabantuan min am Aku, Tuhan min; patimpoko' inan min Raki', akau mamagun ru Jiuda am Jirusalim. Amon ru kalo, sangit Kuno sumolob koson ra apui ondo' kalo malasa' ru osoi pana, sabap ra ngaangai' binaal min ondo' malaat!”

JIRIMIA 9:25

Indagu Tuhan, “Masaboi paat no ra mangukum Aku ra ulun ru Misir, Jiuda, Idom, Amon, Moab, am mamagun ru tana' kaagisan ondo' nompolontob ra abuk nilo. Ngaangai' ru ulun no sinunatan noyo, kaa' kalo giminagaya' ra nabantuan ondo' tinatanduan ra sunat no. Kolondo' sangulun pana risilo am kolondo' sangulun pana ra ulun ru Israil ondo' giminagaya' ra nabantuan Kuno.”

LUKAS 11:39

Kaa' indagu Tuhan riso, “Akau ulun-ulun ru Parisi! Mampaliung kau ra ralimbou ru galas am piring mino, kaa' ralalom ru guang mino masuang puka' am kalaatan.

LUKAS 17:21

Kolondo' sangulun pana makaindagu, ‘Ilai', gitio io!’ kapoam ‘Ginio, giu' no!’ Sotopot no timinalimpuun noyo i Aki Kapuuno' mamarinta ramuyun.”

JUANIS 12:43

Sabap ra maansayan ilo poyo makiurumat ra ulun kaa' makiurumat ri Aki Kapuuno'.

JUANIS 4:23

Raino ti nasuku' noyo paat no, mansail ra indangan ru Ambiluo ri Aki Kapuuno' ulun sumamba ri Ama', ioginio i Aki Kapuuno' ondo' motopot, sabap raginio noyo kasagaan ri Ama'.

JUANIS 5:44

Ati kulaan kau makapangintopot Raki', amon ru makiompor kau ayuk ra ulun am kalo makiompor kau ri Aki Kapuuno' ondo' rondo' ayuk.

ROMA 14:17

Sabap ra amon ru mamarinta i Aki Kapuuno' ra kaayagan ru sasangulun, akanon am inumon sala' ka boo maatang. Kaa' gitio noyo ondo' maatang; gumagaya' ra kasagaan Nano, katasuan ru guang am kaansukan, ondo' ringai' no pataakin ru Ambiluo ri Aki Kapuuno'.

ROMA 2:27

Sonsolon kau ru ulun kalo sinunatan, sabap ra kabalu' pana mokoondo' kau ra Ukum ri Musa am niayuk sinunatan noyo, kalo gumagaya' kau ra Ukum no. Kaa' ilo ondo' kalo sinunatan no, gumagaya' niayuk ra Ukum ri Musa no.

ROMA 3:1

Amon ru koson poyo raginio, atan kaansayan ru ulun ru Jaudi intor ra ulun sala' ka Jaudi? Am atan kia onong ru sunat risilo?

ROMA 7:6

Kaa' raino nakalabus takau noyo intor ra Ukum ri Musa no, sabap ra koson ra ulun minatoi takau noyo, ioginio kalo boo manguasa' io ritakau. Raino kalo boo mangandoi takau ri Aki Kapuuno' maya' ra ukum ondo' tinulisan, kaa' maya' ra ralan bagu ondo' tuluin takau ru Ambiluo ri Aki Kapuuno'.

1 KORINTUS 4:5

Ginio ra pai' kau pangakim ra osoi ayuk pana ru kalo poyo masaboi paat ra orou inaru' no. Pangukuman ra pupus inaanin takau saboi Tuhan matong saguli'. Io noyo mambala' ra ngaangai' ondo' nakasibuni ra kalandaman, am mapaingkual ra ngaangai' suang ru guang ru ulun. Paat raginio bagu no moonong ulun mangapu ra ompor intor ri Aki Kapuuno' sumugut ra binaal nilono sigagama'.

1 KORINTUS 7:19

Sabap ra makasunat kapoam kalo, ginio kalo maatang ri Aki Kapuuno'. Ondo' ayuk maatang am gumagaya' ra susuban Nano.

2 KORINTUS 10:18

Sabap ra pai' ru ulun ondo' lumimbau no iowon ru Tuhan, kaa' ulun ondo' omporon ru Tuhan no.

2 KORINTUS 3:6

Io no napasauk ramon maaya' makapangandoi Riso ra Nabantuan Bagu no. Nabantuan no kalo boo inimpuun ra ukum tinulisan i, kaa' Ambiluo ri Aki Kapuuno'. Ukum ondo' tinulisan i mangkinibit ra kapatayan, kaa' Ambiluo ri Aki Kapuuno' manaak ra kaayagan.

SAGULION 10:16

Ginio ra intor raino, gagaya' noyo ra Tuhan am pai' boo bambalingatan.

SAGULION 30:6

Tuhan i Aki Kapuuno' min manaak ramuyun am papag min ra guang ondo' gumagaya' maa' raginio motogom kau Riso ra sotopot ru guang, am makaayan magulayun giu' ra tana' no.

PILIPI 3:3

Sotopot no itakau noyo ondo' makaulig ri Aki Kapuuno' sala' ka ilo, sabap ra itakau ti ondo' sumamba ri Aki Kapuuno' maya' ra indangan ru Ambiluo Nano galama'. Am itakau niayuk maringkuanang sabap ra nakasimpung noyo ri Jisus Kristus. Intor raginio kalo boo malansan takau ra kaulayan ondo' binaal ayuk ru ulun.

1 TISALONIKA 2:4

Kaa' sotopot no, pai' ru mampakaansuk akai ra guang ru ulun kaa' guang ri Aki Kapuuno', ondo' mangkinam ra guang mai. Io no ondo' nampasauk ramon koson maaya' akai mampasaboi ra Tanou Moonsoi no.

1 PITRUS 3:4

Kaa' kataluran ondo' sotopot no, ioginio guang min, ra makapaliso kau ra molomoi am guang pantataan. Gitio nai boo ondo' mantilayun no am mokologo toojo ra pagilangan ri Aki Kapuuno'.

1 SAMUIL 16:7

Kaa' indagu Tuhan ri Samuil, “Pai' ilai' sawat ru inan nano kapoam kinaindon ru bulos nano; sala' ka io pinili' Kuno. Kalo magilong Aku ra ulun koson ra ulun magilong. Ulun magilong ra bulos kaa' Aku magilong ra guang.”