ROMA 2:28 - Tanou Moonsoi Timugon

²⁸ Sabap ra ilo ondo' sotopot no karaan ra ulun ru Jaudi, sala' ka ilo ayuk ondo' piawon ra ulun ru Jaudi. Ilo ondo' sotopot no karaan ra ulun sinunatan, sala' ka ilo ayuk ondo' toojo sinunatan.

ROMA 2:28 ပူးပေါင်းရင်းမြစ်များ

MAZMUR 73:1

Mazmur ri Asap. Moonsoi toojo i Aki Kapuuno' ra ulun ru Israil, ilo ondo' makaguang mabanis.

JIRIMIA 4:4

Guuto' min nabantuan min am Aku, Tuhan min; patimpoko' inan min Raki', akau mamagun ru Jiuda am Jirusalim. Amon ru kalo, sangit Kuno sumolob koson ra apui ondo' kalo malasa' ru osoi pana, sabap ra ngaangai' binaal min ondo' malaat!”

JIRIMIA 9:25

Indagu Tuhan, “Masaboi paat no ra mangukum Aku ra ulun ru Misir, Jiuda, Idom, Amon, Moab, am mamagun ru tana' kaagisan ondo' nompolontob ra abuk nilo. Ngaangai' ru ulun no sinunatan noyo, kaa' kalo giminagaya' ra nabantuan ondo' tinatanduan ra sunat no. Kolondo' sangulun pana risilo am kolondo' sangulun pana ra ulun ru Israil ondo' giminagaya' ra nabantuan Kuno.”

MATIUS 3:9

Pai' karaa' ra akau ti kalo ukumin ru Tuhan sabap ra mindagu kau, ‘Akai ti papag ri Abragam.’ Balain takamin: I Aki Kapuuno' makakuasa' mambaal ra batu-batu ti masauk ra ulun papag ri Abragam!

JUANIS 1:47

Kakito ri Jisus i Natanil matong Riso, indagu Io, “Gitio noyo sangulun bansa' ru Israil ra motopot; ulun ti mabanis guang.”

ROMA 2:17

Raino ati kulaan ramuyun? Kamin, “Akai ulun ru Jaudi.” Lumansan kau ra Ukum ri Musa am lumimbau ra akau ulun ri Aki Kapuuno'.

GALATIA 6:15

Kaulayan ru sunatin kapoam kalo, ginio kalo maatang. Kaa' ondo' maatang am makakaayagan bagu.

IPISUS 2:11

Akau ulun sala' ka Jaudi, ondo' piawon ru ulun ru Jaudi ra “ulun kalo sinunatan” am ilo galama' inggalanin ra “ulun sinunatan” (sunat ti noyo kaulayan ru ulun mampalapa' ra inan). Karaa' ati kulaan baal min ra galing i.

1 PITRUS 3:21

Baal raginio noyo abig ru pampariwan ondo' raino ti mamayag ramuyun. Pampariwan ti sala' ka manginjaki ra inan, kaa' ginio noyo bantu' min gumagaya' ri Aki Kapuuno' intor ra guang mapasau. Pampariwan ti mamayag ramuyun sabap ri Jisus Kristus binayag saguli' intor ra kapatayan,

PINAINTALANG 2:9

Nakapandai Aku ra kapaganan mino; nakapandai Aku ra musikin kau, kaa' sotopot no langkaya' kau ra pangintapatan! Nakapandai Aku ra inuwan kau ru ulun migiangku ra ulun ru Jaudi, ondo' sotopot no sala' ka Jaudi; ilo ti maamaya' ru Tingganai ru riwato!