ROMA 2:26 - Tanou Moonsoi Timugon

²⁶ Amon ru sangulun sala' ka Jaudi, ondo' kalo sinunatan, gumagaya' ra Ukum ri Musa, apuon io ri Aki Kapuuno' koson ra ulun sinunatan noyo.

ROMA 2:26 ပူးပေါင်းရင်းမြစ်များ

MATIUS 15:28

Ginio ra indagu i Jisus ra ruandu' no, “Maayo toojo pangintapatan muno. Kasauk noyo rirun maya' ra kasaga' muno!” Paat ragili niayuk anak ruandu' nano nababas.

ROMA 2:25

Amon ru gumagaya' kau ra Ukum ri Musa, sunat mino mokoonong. Kaa' amon ru kalo gumagaya' kau ra Ukum no, sunat mino kolondo' boo onong ramuyun.

ROMA 2:27

Sonsolon kau ru ulun kalo sinunatan, sabap ra kabalu' pana mokoondo' kau ra Ukum ri Musa am niayuk sinunatan noyo, kalo gumagaya' kau ra Ukum no. Kaa' ilo ondo' kalo sinunatan no, gumagaya' niayuk ra Ukum ri Musa no.

ROMA 3:30

I Aki Kapuuno' rondo' ayuk, Io no mopobonsoi saguli' ra ulun ru Jaudi Riso maya' ra pangintapatan nilo. Io niayuk mopobonsoi saguli' ra ulun sala' ka Jaudi Riso maya' ra pangintapatan nilo.

ROMA 8:4

I Aki Kapuuno' nambaal raginio koson ra susuban ru Ukum ri Musa no gagayaan takau ondo' maayag maya' ra kuasa' ru Ambiluo ri Aki Kapuuno' am sala' ka paliso ru itakau ulun.

GALATIA 6:15

Kaulayan ru sunatin kapoam kalo, ginio kalo maatang. Kaa' ondo' maatang am makakaayagan bagu.

IPISUS 2:11

Akau ulun sala' ka Jaudi, ondo' piawon ru ulun ru Jaudi ra “ulun kalo sinunatan” am ilo galama' inggalanin ra “ulun sinunatan” (sunat ti noyo kaulayan ru ulun mampalapa' ra inan). Karaa' ati kulaan baal min ra galing i.

PILIPI 3:3

Sotopot no itakau noyo ondo' makaulig ri Aki Kapuuno' sala' ka ilo, sabap ra itakau ti ondo' sumamba ri Aki Kapuuno' maya' ra indangan ru Ambiluo Nano galama'. Am itakau niayuk maringkuanang sabap ra nakasimpung noyo ri Jisus Kristus. Intor raginio kalo boo malansan takau ra kaulayan ondo' binaal ayuk ru ulun.

KOLOSI 2:11

Paat ra akau siminimpung ri Kristus, ginio koson ra kaulayan ru sunat, ioginio tula mino iniru' noyo. Gitio binaal Nano koson mampalabus ramuyun intor ra kinibit ru kuasa' ru tula mino.