ROMA 2:25 - Tanou Moonsoi Timugon

²⁵ Amon ru gumagaya' kau ra Ukum ri Musa, sunat mino mokoonong. Kaa' amon ru kalo gumagaya' kau ra Ukum no, sunat mino kolondo' boo onong ramuyun.

ROMA 2:25 ပူးပေါင်းရင်းမြစ်များ

JIRIMIA 4:4

Guuto' min nabantuan min am Aku, Tuhan min; patimpoko' inan min Raki', akau mamagun ru Jiuda am Jirusalim. Amon ru kalo, sangit Kuno sumolob koson ra apui ondo' kalo malasa' ru osoi pana, sabap ra ngaangai' binaal min ondo' malaat!”

GALATIA 6:15

Kaulayan ru sunatin kapoam kalo, ginio kalo maatang. Kaa' ondo' maatang am makakaayagan bagu.

RINALATAN 7:51

Mapara' boo kotog ru guang min! Mapara' pagon mino mangkirongog ra bala' ri Aki Kapuuno'! Nogondo' kau ra kinamatuaan mini, masalok manggal kau ra Ambiluo ri Aki Kapuuno'!

SAGULION 30:6

Tuhan i Aki Kapuuno' min manaak ramuyun am papag min ra guang ondo' gumagaya' maa' raginio motogom kau Riso ra sotopot ru guang, am makaayan magulayun giu' ra tana' no.

ROMA 2:28

Sabap ra ilo ondo' sotopot no karaan ra ulun ru Jaudi, sala' ka ilo ayuk ondo' piawon ra ulun ru Jaudi. Ilo ondo' sotopot no karaan ra ulun sinunatan, sala' ka ilo ayuk ondo' toojo sinunatan.

ROMA 2:23

Lumimbau kau ra akau mokoondo' ra Ukum ri Musa, kaa' akau galama' mampakauyu' ri Aki Kapuuno' ra kalo gumagaya' kau ra susuban Nano.

ROMA 2:13

Sala' ka ilo ondo' mangkirongog ayuk ra Ukum ri Musa no mobonsoi saguli' ri Aki Kapuuno', kaa' ilo ondo' mambaal no.

ROMA 2:26

Amon ru sangulun sala' ka Jaudi, ondo' kalo sinunatan, gumagaya' ra Ukum ri Musa, apuon io ri Aki Kapuuno' koson ra ulun sinunatan noyo.

ROMA 2:27

Sonsolon kau ru ulun kalo sinunatan, sabap ra kabalu' pana mokoondo' kau ra Ukum ri Musa am niayuk sinunatan noyo, kalo gumagaya' kau ra Ukum no. Kaa' ilo ondo' kalo sinunatan no, gumagaya' niayuk ra Ukum ri Musa no.

1 KORINTUS 7:19

Sabap ra makasunat kapoam kalo, ginio kalo maatang ri Aki Kapuuno'. Ondo' ayuk maatang am gumagaya' ra susuban Nano.

GALATIA 6:13

Kaa' ulun ondo' manginsugut ra kaulayan ru sunat no pana kalo magagaya' nilo ngaangai' Ukum ri Musa. Kabalu' pana raginio, masaga' ilo niayuk sunatin kau, maa' raginio lumimbau ilo ra ginagaya' min kaulayan raginio.