ROMA 2:21 - Tanou Moonsoi Timugon

²¹ Mangila' kau poyo ra ulun ra bokon, kaa' akau galama' kalo gumagaya' ra pangilaan no. Ilaan min, “Pai' pantakou,” kaa' akau boo galama' mantatakou.

ROMA 2:21 ပူးပေါင်းရင်းမြစ်များ

1 KORINTUS 9:27

Intor raginio, pantataanin ku kaayagan kutu suku' manguasa' aku ra ngaangai' kinibit no. Binaal ku ginio sabap ra malaa' aku ra kabalu' pana aku mangkimait ra bokon maya' ra pagigilayan ti, kaa' pupus aku piboo impayin.

LUKAS 12:47

Ulipon ondo' nakapandai noyo ra kasagaan ru tuan nano, kaa' kalo tumampos io mambaal, loposon io ra maruol toojo.

MIKA 3:11

Ilo panguasa' ru bandar nampaugar ra pamarintaan koson makaalap ra rasua, ngaangai' imam mambala' ra arati' ru Ukum koson makaalap ra gaji', am nabi-nabi niayuk nambala' ra pinaintalang koson makaalap ra ruit; kaa' mindagu ilo ngaangai' ra Tuhan mabaya' risilo. Konilo, “Kalo malumpa' takau ru karaat, sabap Tuhan mabaya' ritakau.”

LUKAS 11:46

Taam i Jisus, “Akau pana mangingila' ra Ukum ri Musa, mumpara' boo usung mino! Pangilaan min ra maagat no pasaanin min ra ulun, kaa' akau galama' kalo masaga' mangindangan risilo.

LUKAS 19:22

Indagu raja' no riso, ‘Okou no ulipon ra kolondo' onong! Ragu muno galama' mangukum rirun. Nakapandai kou noyo ra aku kolondo' guang. Sala' pana ka aku tatangan, alapon ku niayuk, am sala' ka tinanom ku, kumoson ku niayuk.

LUKAS 4:23

Indagu i Jisus risilo, “Maaru' magabig kau Raki' koson ragitio, ‘Duktur, okou galama' mibabas. Kaimuagan ondo' norongog mai ra binaal Muni giu' ra Kapirnaum, baalo' niayuk giti ra intok Muno galama'.’ ”

MATIUS 21:13

Indagu i Jisus risilo, “Mokoondo' tinulisan ra Buuk Kitab ra i Aki Kapuuno' minindagu, ‘Baloi Kuno inggalanin ra intok pakiasian.’ Kaa' raino baalon min ra pansibunian ru mantatakou!”

YEHEZKIEL 22:27

Pagawai ru pamarintaan nogondo' koson ra taani ondo' naminsang ra sinaam nilo. Namatoi ilo koson masauk ra langkaya'.

GALATIA 6:13

Kaa' ulun ondo' manginsugut ra kaulayan ru sunat no pana kalo magagaya' nilo ngaangai' Ukum ri Musa. Kabalu' pana raginio, masaga' ilo niayuk sunatin kau, maa' raginio lumimbau ilo ra ginagaya' min kaulayan raginio.

JISAYA 56:11

Koson ilo ra uku' moroot ondo' kalo maasug-asug. Tingganai-tingganai raginio kalo makarati'. Sigagama' mambaal ra kasagaan ru guang am maguyum ra kalabaan nano galama'.

JISAYA 42:20

Akau Israil, masuang kaga' nakito mini, kaa' mapara' kalo kukula' maratian mini. Makatalingo kau, kaa' kalo mokorongog kau.”