ROMA 2:20 - Tanou Moonsoi Timugon

²⁰ Mampatanda' kau ra ulun sasambungon am mangingila' kau niayuk ra ulun kolondo' guang. Mangintopot kau ra intor ra Ukum ri Musa ti mokoowot kau ra ngaangai' kapandayan am pangilaan motopot.

ROMA 2:20 ပူးပေါင်းရင်းမြစ်များ

MATIUS 11:25

Paat ragili indagu i Jisus; “Ama', Tuhan ru limbowon am tana'! Paringkuanangan Ku Rirun sabap ra pinakito Mu ngaangai' raginio ra ulun kolondo' kapandayan, am pinasibuni Mu intor ra ulun mapintar am nakaigigila'.

ROMA 2:19

Mangintopot kau ra akau ti koson ra mangingitang ra ulun bolou am koson ra sinda risilo ondo' ralalom kalandaman.

ROMA 3:31

Motopot kia sabap ra pangintapatan takau ri Kristus Ukum ri Musa no patirin boo? Maaru' kalo! Sotopot no mangurumat takau ra Ukum ri Musa no.

ROMA 6:17

Kaa' paringkuanangan ri Aki Kapuuno', sabap ra galing i inulipon kau ru tula, kaa' raino gumagaya' kau toojo ra pangilaan motopot ondo' inapu min.

1 KORINTUS 3:1

Pabukat kau ngaangai', sotopot no ragili kalo nakaindagu aku ramuyun koson ra ulun ondo' nokoowot ra Ambiluo ri Aki Kapuuno'. Kaa' rinagu ku ayuk ramuyun koson ra ulun ondo' maayag sumugut ra kasagaan ru tana' ti, ioginio kalo maikang pangintapatan mino ri Kristus.

2 TIMOTIUS 1:13

Guuto' noyo pangilaan motopot ondo' inila' kuli rirun koson alapon mu ra tiluan. Pasingkotogo' noyo pangintapatan am togom ondo' intor ra pasimpungan takau ri Jisus Kristus i.

2 TIMOTIUS 3:5

Kabalu' ra ilain ra sumugut ilo niayuk ra kaulayan ru ugama, kaa' marara' ilo ra kuasa' ru Tuhan ralalom kaayagan nilai. Moonsoi ru minggalur kou ra ulun koson raginio.

TITUS 1:16

Migiangku ilo ra mangintopot kon ri Aki Kapuuno', kaa' naimumuyan boo intor ra baal nilo ra kalo noyo mangintopot ilo. Mangalaat ilo kaga', kalo gumagaya' ri Aki Kapuuno' am kalo makaangun ra baal moonsoi.

IBRANI 5:13

Akau ti koson ayuk poyo ra lalagang ondo' tumiti' ra gatas am kolondo' poyo katutunan no ra atan motopot am atan nasala.

JAKUBUS 3:1

Pabukat kau ngai'! Moonsoi ru kalo niayuk masuang intor ramuyun makaguang masauk ra mangingila'. Sabap ra kalo kia nakapandai kau ra itakau ondo' mangila' ra bokon, maagat poyo paukumin ri Aki Kapuuno' ritakau.

1 PITRUS 2:2

Mogondo' ra sangulun lalagang ondo' kakaanak ra masalok maguyum ayuk ra gatas, akau pana musiti' masalok maguyum ayuk ondo' mampaikang ra pangintapatan min. Maa' raginio mapiot pangintapatan min am bayagon kau.