ROMA 2:17 - Tanou Moonsoi Timugon

¹⁷ Raino ati kulaan ramuyun? Kamin, “Akai ulun ru Jaudi.” Lumansan kau ra Ukum ri Musa am lumimbau ra akau ulun ri Aki Kapuuno'.

ROMA 2:17 ပူးပေါင်းရင်းမြစ်များ

MAZMUR 135:4

Pinili' No i Jakub koson ra inan Nano galama', am ulun ru Israil koson ra longgom Nano galama'.

JISAYA 45:25

Kaa' papag ri Jakub bayagon, am mongompor ilo Raki', Tuhan.”

MIKA 3:11

Ilo panguasa' ru bandar nampaugar ra pamarintaan koson makaalap ra rasua, ngaangai' imam mambala' ra arati' ru Ukum koson makaalap ra gaji', am nabi-nabi niayuk nambala' ra pinaintalang koson makaalap ra ruit; kaa' mindagu ilo ngaangai' ra Tuhan mabaya' risilo. Konilo, “Kalo malumpa' takau ru karaat, sabap Tuhan mabaya' ritakau.”

JIPANYA 3:11

Paat raginio, akau ulun Kuno, kalo boo pana mauyu' kau sabap giminuor kano Raki'. Impayin Ku moonong ulun malilimbau am minsawat ragu; akau kalo boo gumuor Raki' giu' ra bulur Kuno ondo' matulai.

MATIUS 3:9

Pai' karaa' ra akau ti kalo ukumin ru Tuhan sabap ra mindagu kau, ‘Akai ti papag ri Abragam.’ Balain takamin: I Aki Kapuuno' makakuasa' mambaal ra batu-batu ti masauk ra ulun papag ri Abragam!

LUKAS 10:28

Indagu i Jisus riso, “Motopot taam muno. Baalo' noyo ginio, am maayag kou.”

JUANIS 5:39

Gumogot kau mintutun ra Buuk Kitab sabap ra indos min koson raginio akau mokoowot ra kaayagan motopot am mantilayun. Sotopot no Buuk Kitab noyo mampaintutun Raki',

JUANIS 5:45

Pai' kau pangkara' ra Aku manguu' ramuyun ra saang ru Ama' Kuno. I nabi Musa ondo' manguu' ramuyun, io no ondo' lalansanin min.

JUANIS 7:19

Sala' ka kia i Musa nangani' ramuyun ra Ukum no? Kaa' kolondo' sangulun pana intor ramuyun no gumagaya' toojo ra Ukum no. Kua gogot kau mamatoi Raki'?”

JUANIS 8:33

Taam ilo, “Akai papag ri Abragam, kalo igondo' akai kasauk ra ulipon ru osoi ayuk pana! Atan kon Muno ra, ‘Palabuson kau’?”

JUANIS 8:41

Akau mambaal niayuk ra atan ondo' baalon ru ama' min.” Taam ilo, “Pai' ru anak sawa' akai! Rondo' ayuk Ama' mai, i Aki Kapuuno' galama'.”

ROMA 2:23

Lumimbau kau ra akau mokoondo' ra Ukum ri Musa, kaa' akau galama' mampakauyu' ri Aki Kapuuno' ra kalo gumagaya' kau ra susuban Nano.

ROMA 3:27

Ginio ra kolondo' boo sasaban takau lumimbau. Kua guat koson raginio? Sabap ra itakau gumagaya' ra Ukum ri Musa kia? Kalo, kaa' sabap ra mangintopot takau.

ROMA 9:32

Kua guat? Sabap ra mangkinam ilo mobonsoi saguli' ri Aki Kapuuno' ralalom ru kapiratan nilo galama', am sala' ka ralalom ru pangintapatan nilo ri Aki Kapuuno'. Ginio ra ilo nakasaru ra ‘batu nasaruan’.

2 KORINTUS 11:22

Konilo ra ulun ilo ru Jaudi. Aku pana! Kon poyo, pagun nilono Israil. Iou, mogondo' raki'! Ragu nilo poyo ra papag ilo ri Abragam. Ba, aku niayuk!

GALATIA 2:15

Motopot ra akai ti papag ru ulun ru Jaudi, am sala' ka ulun makatula koson ra ulun sala' ka Jaudi.

IPISUS 2:11

Akau ulun sala' ka Jaudi, ondo' piawon ru ulun ru Jaudi ra “ulun kalo sinunatan” am ilo galama' inggalanin ra “ulun sinunatan” (sunat ti noyo kaulayan ru ulun mampalapa' ra inan). Karaa' ati kulaan baal min ra galing i.

PINAINTALANG 2:9

Nakapandai Aku ra kapaganan mino; nakapandai Aku ra musikin kau, kaa' sotopot no langkaya' kau ra pangintapatan! Nakapandai Aku ra inuwan kau ru ulun migiangku ra ulun ru Jaudi, ondo' sotopot no sala' ka Jaudi; ilo ti maamaya' ru Tingganai ru riwato!

PINAINTALANG 3:1

“Tulisi' koson ragitio ra malaikat ru pasimpungan ulun Kristian ra bandar Sardis: “Gitio noyo bilin intor Riso ondo' mokoondo' tulu' Ambiluo intor ri Aki Kapuuno' am mampaguut ra tulu' butitin no. Makapandai Aku atan baalon mino. Akau ti maayag rokoon kaa' sotopot no minatoi kau!

PINAINTALANG 3:9

Karaan min gitio! Maamaya' ru Tingganai ru riwato am migiangku ra ulun ru Jaudi, ondo' sotopot no sala' ka Jaudi, saukon Ku ilo ti matong ramuyun am sumamba ra saang mino. Bagu no makapandai ilo ra motogom Aku ramuyun.