ROMA 16:7 - Tanou Moonsoi Timugon

⁷ Bilin kaansayan ku niayuk ri Andronikus am i Junias, ilo ti ulun ru Jaudi koson raki' ondo' nakaaya' raki' inaput. Mauligan ilo noyo ra rasul-rasul am nakasigulu ilo mangintopot ri Kristus ka aku.

ROMA 16:7 ပူးပေါင်းရင်းမြစ်များ

JISAYA 45:17

Kaa' Israil bayagon ru Tuhan; pamayagan riso no mantilayun. Kalo tauyuon kau am asabin saboi ra sabuoi-buoi no.’ ”

JISAYA 45:25

Kaa' papag ri Jakub bayagon, am mongompor ilo Raki', Tuhan.”

JUANIS 14:20

Masuku' orou raginio, bagu no makapandai kau ra masimpung Aku ri Ama', am akau pana masimpung Raki', mogondo' niayuk ra Aku masimpung ramuyun.

JUANIS 15:2

Moonong pango Kuno ra kalo manangkawa' iruon No, am moonong pango ra manangkawa' intawangin No, maa' raginio makapangkawa' ra maawas poyo.

JUANIS 6:56

Osoi ayuk mangakan ra inan Kutu am manginum ra raraa' Kutu, sumoroi io Raki' am Aku pana sumoroi riso.

ROMA 16:10

Bilin kaansayan kuno ri Apilis ondo' nampagagayaan no ri Kristus mauligan noyo. Bilin kaansayan kuno poyo risilo giu' ra baloi ri Aristobulus.

ROMA 16:11

Bilin kaansayan ku ri Irodion, ulun ru Jaudi koson raki'. Bilin kaansayan ku niayuk ra pabukat Kristian giu' ra baloi ri Narkisus.

ROMA 16:21

I Timotius, rangan kuno mangangandoi, mampasaboi ra bilin kaansayan nano ramuyun. Kon niayuk i Lukius, i Jason am i Sosipatir, rangan-rangan ku ra Jaudi no.

ROMA 16:3

Posoboyon ku poyo bilin kaansayan kuno ri Priskila am i Akwila, ilo ti rangan kuno mangangandoi ri Kristus Jisus.

ROMA 16:6

Bilin kaansayan kuno ri Maria ondo' mirot toojo pangandoi mangindangan ramuyun.

ROMA 16:8

Bilin kaansayan kuno ri Ampliatus ondo' rangan tagamin ku sabap ra pasimpungan mai ra Tuhan.

ROMA 16:9

Bilin kaansayan ku niayuk ri Urbanus, rangan mangangandoi takau ri Kristus, am rangan tagamin kuno i Stakis.

ROMA 8:1

Intor raginio, raino kalo boo ukumin ri Aki Kapuuno' ilo ondo' siminimpung ri Kristus Jisus.

ROMA 8:11

Amon ru Ambiluo ri Aki Kapuuno' ondo' namayag noyo ri Jisus intor ra kapatayan sumimpung ramuyun, Io ondo' namayag ri Kristus intor ra kapatayan mamayag niayuk ra inan mino ondo' mapatoi. Ginio baalon Nano ralalom ru Ambiluo Nano ondo' sumimpung ramuyun.

ROMA 9:3

mangkara' ra pabukat-pabukat kuno, ioginio bansa' kuno galama'. Gama' ru makapangindangan aku risilo, amon ru kitaakon tumampos aku ukumin ri Aki Kapuuno' am patuliaron intor ri Kristus.

1 KORINTUS 1:30

Kaa' i Aki Kapuuno' noyo ondo' nampasimpung ramuyun ri Jisus Kristus. Am ralalom ri Kristus, i Aki Kapuuno' nangani' ritakau ra kapintaran Nano. Ralalom inggalan Nano niayuk, pinobonsoi am pinalabus takano ri Aki Kapuuno' masauk ra ulun Nano ondo' mangandoi ayuk Riso.

2 KORINTUS 11:23

Konilo ra ulipon ilo ri Kristus, kaa' mulu' poyo aku ka ilo, kabalu' pana mantuyang lair iningon ragu kutu. Aku ondo' mapirot toojo mangandoi ka ilo ngaangai'. Magail aku ayuk pasubolon ra pangaputan. Magail aku niayuk loposon. Magail aku ayuk makauma' ra baal makapatoi.

2 KORINTUS 12:2

Makaulig aku ra sangulun Kristian ondo' mopor am apat ngambilor ra nakasail i kinayang io ra suruga', ioginio intok masawat kaga'. (Kalo nakapandai aku ra topot-topot kia nasauk kapoam papaintalangan ayuk – i Aki Kapuuno' ayuk nakapandai.)

2 KORINTUS 5:17

Paat ra sangulun masimpung ri Kristus, masauk io ra ulun baguon; ondo' lairon i napuso, malit boo baguon.

2 KORINTUS 5:21

Kolondo' noyo tula ri Kristus, kaa' koson ra kaatangan takau, kinara' Io ri Aki Kapuuno' koson makatula. Maa' raginio, sabap ra pasimpungan takau ri Kristus, itakau ondo' makatula mobonsoi saguli' ri Aki Kapuuno'.

GALATIA 1:22

Kaa' paat ragili kalo nauligan aku ru pasimpungan ulun Kristian giu' ra Judia.

GALATIA 2:2

Minongoi aku ra Jirusalim maya' ra nanusuban ondo' pinatalang ri Aki Kapuuno' no raki'. Ralalom pagugumaan mai ra tingganai ru Kristian ayuk, pinabala' ku toojo risilo Tanou Moonsoi ondo' pinasaboi kuno ra ulun sala' ka Jaudi. Marara' aku ra ondo' pinasaboi ku noyo kapoam ondo' posoboyon kutu malubat ayuk.

GALATIA 2:6

Kaa' koson ilo ondo' karaan tingganai ru Kristian, kalo nangulau ilo ra pangilaan kutu. Sotopot no kalo pana nakiiou aku risilo sabap ra itakau ulun ti mogondo' ayuk ra pagilangan ri Aki Kapuuno'.

GALATIA 5:6

Paat ra itakau sumimpung ri Kristus, baal ra sunatin kia kapoam kalo, ginio kalo boo maatang. Ondo' maatang toojo, ioginio mangintopot ri Kristus, ondo' makito intor ra motogom takau ra rondo' am bokon.

GALATIA 6:15

Kaulayan ru sunatin kapoam kalo, ginio kalo maatang. Kaa' ondo' maatang am makakaayagan bagu.

IPISUS 2:10

I Aki Kapuuno' noyo nambaal ritakau, am sabap ra pasimpungan takau ri Kristus Jisus, nangatang Io ra kiralan ru kaayagan takau koson mambaal ra moonsoi. Gitio ondo' tinampos no kalalair ra pabaalin ritakau.

KOLOSI 4:10

I Aristarkus ondo' inaput nabaya' raki' ti mampasaboi ra bilin kaansayan ramuyun. Am niayuk ri Markus, pantukir ri Barnabas. (Nambilin aku no ra amon ru mongoi i Markus ramuyun, apuo' min io.)

PILIMON 1:23

I Ipapras, ondo' inaput nabaya' raki' sabap ra pampatanawan ri Kristus Jisus, mampasaboi niayuk ra bilin kaansayan rirun.

1 JUANIS 4:13

Nakapandai takau noyo ra maayag takau sumimpung ri Aki Kapuuno' am maayag Io sumimpung ritakau, sabap ra nangani' Io noyo ritakau ra Ambiluo Nano.

1 JUANIS 5:20

Nakapandai takau ra minatong noyo Anak ri Aki Kapuuno' am nangani' ritakau ra kaintutunan koson makaulig takau ri Aki Kapuuno'. Maayag takau sumimpung ri Aki Kapuuno' am niayuk i Jisus Kristus. Io noyo i Aki Kapuuno' ondo' motopot, am gitio noyo kaayagan motopot am mantilayun.

PINAINTALANG 1:9

Aku, i Juanis, pabukat min ondo' nogondo' niayuk ramuyun maimbolo' sabap ra gumagaya' ri Jisus, am maginaa poyo ra ratangan ru pamarintaan Nano ra guang mataan. Inaput aku ra Pulu' Patmos sabap ra mampatanou ra bala' ri Aki Kapuuno' am ra katapatan ondo' pinakito ri Jisus.