ROMA 16:4 - Tanou Moonsoi Timugon

⁴ Ilo ti maar noyo matoi paat nangindangan pamayag raki'. Paringkuanangan ku risilo, am sala' ka aku ayuk, kaa' ngaangai' ulun Kristian sala' ka Jaudi niayuk maringkuanang risilo.

ROMA 16:4 ပူးပေါင်းရင်းမြစ်များ

2 SAMUIL 22:41

Okou mangkinibit ra pantula' magiru' intor raki'; mamuso aku ra ulun ondo' masisang raki'.

MIKA 2:3

Ginio ra mindagu Tuhan, “Nangatang aku koson maparatong ra karaat patiwon ramuyun. Kalo makapagiru' kau intor ra karaat no. Malumpa' kau ra kapaganan, am akau pana kalo boo makapaliso ra malilimbau.

JUANIS 15:13

Kolondo' togom maayo poyo intor ra togom ru sangulun ondo' mampataak ra painawo nano ra rangan nano.

RINALATAN 15:26

ondo' tagamin mai. Ilo karuo ti masuang noyo kapaganan natuum nilo sabap ra i Jisus Kristus, Tuhan takau i.

RINALATAN 15:41

Ongoi ilo ra Siria am Kilikia koson mampaikang ra pasimpungan ulun Kristian ra giu' no.

RINALATAN 16:5

Intor ra raginio, pangintapatan ru ulun Kristian pana pinaikang poyo toojo, am orou koorou sumuang ilo poyo.

RINALATAN 9:31

Intor raginio ngaangai' pasimpungan ulun Kristian ra Judia, Galilia am Samaria kolondo' boo kapaganan. Nangurumat ilo ri Aki Kapuuno' am nabaya' ra indangan ru Ambiluo ri Aki Kapuuno' siminuang am maikang pangintapatan nilo.

ROMA 16:3

Posoboyon ku poyo bilin kaansayan kuno ri Priskila am i Akwila, ilo ti rangan kuno mangangandoi ri Kristus Jisus.

ROMA 16:5

Bilin kaansayan ku niayuk ra pasimpungan ulun Kristian ondo' tumimung ra baloi nilono. Bilin kaansayan kuno ra rangan tagamin ku i Ipinitus, io ti ulun kasaa' ondo' nangintopot ri Kristus ra libung ru Asia.

ROMA 5:7

Sabap ra mapagon sangulun masaga' matoi malit ra ulun ondo' mampakaatang ra ukum, kaa' mokoondo' lair sangulun makakau' matoi malit ra ulun moonsoi guang.

1 KORINTUS 16:1

Raino, intor ra ruit paindanganon min ra ulun ri Aki Kapuuno' giu' ra Judia. Bayaa' min ayuk atan ondo' nanusuban kuno ra pasimpungan ulun Kristian giu' ra pagun Galatia.

1 KORINTUS 7:17

Kaayag kano sigagama' sumugut ra tinaakan ru Tuhan ramuyun, ioginio tayar ru kaayagan min paat ri Aki Kapuuno' nampiau ramuyun. Ginio noyo pangilaan kuno ra moonong pasimpungan ulun Kristian.

PILIPI 2:30

Sabap ra kandoi nano ri Kristus nampataak io ra painawo nali am mamaar io matoi, koson mangindangan io raki' ondo' akau galama' kalo makakaluagan mambaal.

1 TISALONIKA 2:14

Pabukat ku ngai', akau pana nakaliman ra atan ondo' nasauk ra pasimpungan ulun Kristian giu' ra Judia, ioginio ilo ondo' nangintopot ri Jisus Kristus. Kaimbalaan ondo' malimanan min ti intor ra bansa' min galama', mogondo' niayuk ra sauk ru ulun Kristian ru Judia ra ilo inimbolo' ru ulun ru Jaudi.

JOSUA 10:24

am pinauma' ri Josua. I Josua pana nampiau ra ngaangai' ulun ru Israil timinimung, am nanusub ra panglima ondo' nangayou nabaya' riso, maa' raginio mapabanta' ra kalayam nilo ra liog ru raja'-raja' no. Ilo pana nambaal koson raginio.

1 JUANIS 3:16

Atan togom no? Koson ragitio itakau makaulig ra togom ri Aki Kapuuno' no, ra i Jisus Kristus nampataak ra painawo Nano ritakau. Itakau pana musiti' manaak ra painawo takau ra pabukat-pabukat takau no.

PINAINTALANG 1:4

Intor raki', i Juanis, posoboyon ra tulu' pasimpungan ulun Kristian giu' ra pagun ru Asia! Gama' ru aniin kau ra barakat am pabansayan ri Aki Kapuuno', ondo' soroi raino, galing i am pupus no pana. Am intor ra tulu' ambiluo ondo' soroi ra saang ru takhta Nano.