ROMA 16:17 - Tanou Moonsoi Timugon

¹⁷ Pabukat kau ngaangai', kitaakon takamin toojo, pagilalai' noyo ilo ondo' mampatuliar am mampalingou ra pangintapatan ru ulun Kristian. Pangilaan nilo kalo mogondo' ra nangilaan ramuyun i. Ginio ra inggalur kano risilo!

ROMA 16:17 ပူးပေါင်းရင်းမြစ်များ

MATIUS 18:17

Amon ru kalo niayuk mangkirongog io ti, pabalaa' baal raginio ra pasimpungan ulun makapangintapatan. Pupus ti, amon ru kalo niayuk mangkirongog io ra ragu ragitio, karaa' noyo io ti koson ra kalo nakaulig ri Aki Kapuuno' kapoam sangulun mampalulur ra cukai.”

MATIUS 18:7

Aibui boo ra ulun ru tana' ti ondo' mangkinibit ra ulun makatula. Baal raginio masalok masauk, kaa' mumpara' boo usung ru ulun ra mambaal no!

MATIUS 7:15

“Ilalai' min ulun-ulun ondo' migiangku ra nabi. Rumatong ilo ramuyun tumilu ra domba, kaa' sotopot no ilo ti koson ra taani masangit.

LUKAS 17:1

Indagu i Jisus ra maamaya' Nano, “Maaru' mokoondo' niayuk pangkinaman saboi ulun mambaal ra tula pana kaa' aibui boo ra ulun ondo' mangkinibit ra tula ti!

RINALATAN 15:24

Naala' akai noyo ra mokoondo' kukula' ngaulun intor ramon nantipagon am niayuk nampajajou ramuyun ra nangilaan nilai. Kaa' pai' ru akai nanusub risilo.

1 KORINTUS 11:18

Kasaa' i, nokorongog aku ra paat ru pasimpungan mino, mokoondo' mansusuai am mansasangor ra rondo' am bokon. Am mangintopot aku niayuk ra tanou raginio.

1 KORINTUS 3:3

Sabap ra paliso mino lakat ayuk poyo koson ra ulun ru tana' ti. Mangusolon am mansasangor kau ra rondo' am bokon. Sala' kia ka gitio mampakito ra kaayagan min lakat ayuk poyo sumugut ra paliso ru ulun ondo' kalo makaulig ri Aki Kapuuno'?

GALATIA 2:4

kabalu' pana ginio gogoton ru ulun migiangku ra Kristian ondo' liminatok ramon. Giminogot ilo pangimumui ra kalabusan ondo' noowot mai intor ri Jisus Kristus. Nangkinam ilo mangulipon poyo saguli' ramon,

PILIPI 3:17

Pabukat kau, tilu kano raki'. Nangani' akai no ramuyun ra tiluan matanda'. Ginio ra ilai' noyo toojo ulun ondo' tumilu koson ramon no.

KOLOSI 2:8

Ginio nga ra ilalai' min, maa' raginio kolondo' sangulun pana mamparuung ramuyun ra pangilaan ru ulun ondo' abau no ayuk am kolondo' onong, sabap ra mampakalayau ayuk ginio. Sala' ka i Jisus Kristus intor ru gitio, kaa' binaal ayuk ru ulun kapoam rondo' pangilaan ru kaulayan ayuk.

2 TISALONIKA 3:6

Pabukat ku ngai', ralalom inggalan ru Tuhan Jisus Kristus, manusub akai ra inggalur kano ra ulun Kristian ondo' mangatiar, koson kalo maya' ra pangilaan ondo' pinaatak maili risilo.

1 TIMOTIUS 1:3

Masaga' aku ra sumoroi kou ayuk giu' ra Ipisus koson ra naminsanan kuno rirun noyo paat ra aku minongoi ra Makidonia. Sabap ra giu' ra Ipisus mokoondo' kukula' ngaulun mangila' ondo' kalo motopot, am musiti' palanggain mu gitio risilo.

2 TIMOTIUS 3:5

Kabalu' ra ilain ra sumugut ilo niayuk ra kaulayan ru ugama, kaa' marara' ilo ra kuasa' ru Tuhan ralalom kaayagan nilai. Moonsoi ru minggalur kou ra ulun koson raginio.

TITUS 3:10

Moonsoi ru induain mu mansawai ra ulun ondo' mangkinibit ra pantutuliaran ra pasimpungan ulun Kristian. Am amon ru kalo niayuk gumagaya' io, pai' noyo pakimanrangan riso.

1 JUANIS 2:19

Pantula' ri Jisus Kristus ondo' nangiruan ritakau, sotopot no sala' ka itakau po ngai'. Amon ru ulun ilo ru itakau, maaru' sumimpung ilo ritakau. Kaa' ilo ti nangiruan ritakau. Gitio mampakito ra kolondo' sangulun pana intor risilo topot-topot ulun takau.

JUDAS 1:19

Ilo ti noyo ulun ondo' mangkinibit ra pantutuliaran ra ulun Kristian. Ilo ti kalo kinuasa' ru Ambiluo ri Aki Kapuuno', kaa' maingkinibitan ayuk ru guang malaat nilai no.