ROMA 16:10 - Tanou Moonsoi Timugon

¹⁰ Bilin kaansayan kuno ri Apilis ondo' nampagagayaan no ri Kristus mauligan noyo. Bilin kaansayan kuno poyo risilo giu' ra baloi ri Aristobulus.

ROMA 16:10 ပူးပေါင်းရင်းမြစ်များ

ROMA 14:18

Osoi ayuk mangandoi ri Kristus koson raginio, io no ondo' mampakaansuk ri Aki Kapuuno' am urumaton poyo ru ulun.

ROMA 16:3

Posoboyon ku poyo bilin kaansayan kuno ri Priskila am i Akwila, ilo ti rangan kuno mangangandoi ri Kristus Jisus.

ROMA 16:7

Bilin kaansayan ku niayuk ri Andronikus am i Junias, ilo ti ulun ru Jaudi koson raki' ondo' nakaaya' raki' inaput. Mauligan ilo noyo ra rasul-rasul am nakasigulu ilo mangintopot ri Kristus ka aku.

ROMA 8:11

Amon ru Ambiluo ri Aki Kapuuno' ondo' namayag noyo ri Jisus intor ra kapatayan sumimpung ramuyun, Io ondo' namayag ri Kristus intor ra kapatayan mamayag niayuk ra inan mino ondo' mapatoi. Ginio baalon Nano ralalom ru Ambiluo Nano ondo' sumimpung ramuyun.

1 KORINTUS 11:19

Sotopot no kalo makaimuag amon mokoondo' ramuyun mansusuai, maa' raginio mapandayan boo osoi ulun Kristian toojo.

2 KORINTUS 12:2

Makaulig aku ra sangulun Kristian ondo' mopor am apat ngambilor ra nakasail i kinayang io ra suruga', ioginio intok masawat kaga'. (Kalo nakapandai aku ra topot-topot kia nasauk kapoam papaintalangan ayuk – i Aki Kapuuno' ayuk nakapandai.)

2 KORINTUS 2:9

Ginio nai puun ru surat kuli ra masaga' aku mangkinam ramuyun, koson masalok kau kia mampagagaya' ra panusuban kuno.

2 KORINTUS 5:17

Paat ra sangulun masimpung ri Kristus, masauk io ra ulun baguon; ondo' lairon i napuso, malit boo baguon.

2 KORINTUS 8:22

Mokoondo' sangulun poyo pamarangan mai ri Titus, ondo' ingkukula' mai noyo kinami' ra nansalinut baal am makito toojo kinapirot ru guang nati mangindangan. Mulu' poyo boo raino, sabap ra ikang ru kinalansan nano ramuyun.

GALATIA 1:22

Kaa' paat ragili kalo nauligan aku ru pasimpungan ulun Kristian giu' ra Judia.

SAGULION 8:2

Karaa' noyo ati kulaan Tuhan i Aki Kapuuno' min naningganai ramuyun ralalom pangkiralanan ra maalur giu' ra tana' kaagisan buoi apat ngoopor ngambilor ragili; naparatong ra kapaganan koson mangkinam ramuyun maa' raginio makapandai Io ra suang ru guang min, am makapandai ra gumagaya' kau kapoam kalo ra susuban Nano.

PILIPI 2:22

Akau galama' nakapandai noyo ra kinoonsoi ru paliso ri Timotius ti, koson ra sangulun anak mabaya' ra ama', nangindangan io raki' mampasaboi ra Tanou Moonsoi ri Aki Kapuuno'.

1 TIMOTIUS 3:10

Ilo ti kinamin galing am amon ru makasail ilo, bagu no pasaukon ilo ra mangingindangan ra pasimpungan ulun Kristian.

2 TIMOTIUS 4:19

Mampasaboi aku ra bilin kaansayan kuno ri Priskila am i Akwila am i Onisiporus ilo sambaloi.

1 PITRUS 1:7

Sotopot no, ginio rondo' pangkinaman ayuk ru toojo kau kia mangintopot ri Aki Kapuuno' kapoam kalo. Mas pana, ondo' maalap kalunsai, solobon niayuk ra apui. Atan poyo ra pangintapatan mino ondo' mologo poyo intor ra mas, maaru' kinamin niayuk, maa' raginio maikang boo. Am intor raginio maaya' kau koompor am kaurumat ra Orou Papaintalangan ri Jisus Kristus.