ROMA 15:7 - Tanou Moonsoi Timugon

⁷ Intor raginio, apuo' noyo rondo' am bokon koson i Kristus noyo nangapu ramuyun, maa' raginio omporon boo i Aki Kapuuno'.

ROMA 15:7 ပူးပေါင်းရင်းမြစ်များ

MATIUS 10:40

“Osoi ayuk ondo' mangapu ramuyun, Aku niayuk apuon no, am osoi ayuk ondo' mangapu Raki', Io ondo' nanusub Raki' ti noyo ondo' apuon nano.

MARKUS 9:37

“Osoi ayuk mangapu ra lalaing koson ragitio sabap ra mangintopot Raki', arati' no mangapu io Raki'. Osoi ayuk mangapu Raki', sala' ka Aku ayuk, kaa' i Aki Kapuuno' poyo ondo' nanusub Raki' apuon nano.”

LUKAS 15:2

Tumalimpuun boo ulun-ulun ru Parisi am mangingila' ra ukum ri Musa mangalimut Riso, konilo, “Ilai', ulun ti mangapu ra ulun ondo' karaan ra malaat am niayuk gumulung risilo mangakan!”

LUKAS 9:48

Indagu Io boo ra maamaya' Nano, “Ulun ondo' mangapu ra lalaing ti sabap ra Aku, arati' no mangapu io niayuk Raki'. Ulun ondo' mangapu Raki', mangapu niayuk Riso ondo' nanusub Raki' i. Sabap ra io ondo' kalo maatang ra pamaguangan min ngai', sotopot no io no ondo' maatang kaga'.”

JUANIS 13:34

Gitio noyo panusuban bagu ondo' raguon Kutu ramuyun; Kotogom kano ra rondo' am bokon. Koson ra Aku motogom ramuyun, akau niayuk musiti' motogom ra rondo' am bokon.

JUANIS 6:37

Moonong ulun ondo' taakin ri Ama' Raki', makaratong Raki'. Kalo inggalarin Ku osoi ayuk pana ondo' matong Raki'.

ROMA 15:9

Io nopo niayuk magibit ra ulun sala' ka Jaudi mongompor ri Aki Kapuuno' sabap ra asi' Nano risilo. Koson tinulisan ra Buuk Kitab, “Mongompor aku Rirun ra tatanga' ru ulun sala' ka Jaudi, am marimbai aku mongompor Rirun.”

ROMA 5:2

Sabap ra pangintapatan takau ri Kristus, nagibit Io ritakau mimong ra barakat ri Aki Kapuuno' ondo' malimanan takau raino. Sabap raginio maansukan takau am malansan ra magapu takau ra katulayan ri Aki Kapuuno'.

IPISUS 1:12

Polosoo' noyo itakau ondo' intor ragili noyo nakalansan ri Kristus, mongompor ri Aki Kapuuno' ondo' kolondo' pogondo'!

IPISUS 1:18

Gitio poyo pakiasian kutu ra maalap min kakito sinda Nano, am makapandai kau ra kalansanan ondo' pinataak Nano ra Io nampiau ramuyun. Am poyo ra makapandai kau ra mumpara' boo barakat ondo' kolondo' pogondo' no, ioginio bantu' Nano ra ulun mangintopot Riso.

KOLOSI 3:13

Pai' kano kataki' sumangit ra rondo' am bokon am ampuno' noyo amon ru mokoondo' sumonsol ra ulun bokon. Mogondo' ra Tuhan nangampun noyo ramuyun, moonsoi ru akau pana mangampun ra rondo' am bokon.